Aşıq Bəylər QədirovAzərbaycan aşıq sənətinin elə bir simasıdır ki, onu hər zaman xatırlamaq, yadigar səs yazılarını dinləmək insana müsbət təsir edir. Bəzən sənətkarları yubiley və xatirə günlərində yada salırıq. Əslində, belə olmamalıdır. Əsl sənətkar hər zaman xatırlanmalı, hər zaman anılmalıdır. XX əsr Azərbaycan aşıq sənətinin, Şirvan-Muğan aşıq mühitinin görkəmli nümayəndələrindən biri olan ustad aşıq mərhum Bəylər Qədirov sazsevərlərin yaddaşında həmşə yaşayır. Ustad aşığın xatirəsi dövlət tərəfindən əziz tutulur, ruhu sayğı ilə anılır.

Bəylər deyər, öz elimdən
Qüvvət alım gəncləşim mən.
Nə sən düş mənim əlimdən
Nə qocalım telli sazım.

Ömrünün sonuna, yəni 1991-ci ilə qədər sazını yerə qoymayan ustad bu gün həqiqətən də əbədiyaşarlıq qazanıb. Onu illərlə sinəsində gəzdirdiyi, başını çanağına söykədiyi, ürəyinindəkiləri simlərinə pıçıldadığı ana saz yaşadır.

Noyabrın 17-də Mədəniyyət və Turizm Nazirliyinin və Azərbaycan Aşıqlar Birliyinin təşkilatçılığı ilə R.Behbudov adına Mahnı Teatrında ustad aşıq Bəylər Qədirovun anadan olmasının 100 illiyinə həsr edilən yubiley tədbiri keçirildi.

Ustadının ruhu dolaşdığı məkana onun sənətinin vurğunları toplaşmışdı. Onlar əvvəlcə ustadın lent yazılarına qulaq asdılar. Bəlkə çoxlarına elə gəldi ki, heç ustadın 100 illik yubileyi və xatirə gecəsi deyil, bura onun solo konsertinə gəliblər. Səhnədən aşıq Bəylər Qədirovun əzəmətli portreti tamaşaçılara boylanır, ecazkar səsi isə qulaqlara axıb dolurdu. Bəylər Qədirov oxuyur, zaldakılar isə susub dinləyirdi. Ustadın səsindən qopan hər bir söz, barmağından süzülən hər bir ifa insanları keçmişlərə aparırdı. Möhtəşəm aşığın yubiley tədbirində onu tanıyanlar, eləcə də övladları, nəvə və nəticələri, yaxınları, doğmaları da iştirak edirdi. Ustadın səsi gəldikcə, insanların üzündə sevinc vardı, bəziləri xəyala dalır, bəziləri ürəyində böyük sənətkarla söhbət edirdi. O, isə öz ruhlar aləmindən, öz uca, əbədi məqamından tamaşaçılarına, ruhunu alqışlamağa gələnlərə boylanırdı.
Aşıq Bəylər Qədirovun anadan olmasının 100 illiyinə həsr edilən gecəni Əməkdar Elm Xadimi, professor, Azərbaycan Aşıqlar Birliyinin sədri Məhərrəm Qasımlı açaraq ustad sənətkarın XX əsr aşıq sənətinin inkişafında oynadığı rolun əhəmiyyətini qeyd etdi. O, bildirdi ki, aşıq Bəylər mükəmməl aşıq olub və Şirvan aşıq mühitinin bütün göstəricilərini özündə ehtiva edib. Azərbaycan Aşıqlarının II və III Qurultaylarının iştirakçısı olan aşıq Bəylər Qədirovun Moskvada keçirilən Azərbaycan Mədəniyyəti Ongünlüyündə aşıq sənətini layiqincə təmsil edib. Şamaxının Cəyirli kəndindən olan ustad aşıq Abbasın yanında şəyird olan aşıq Bəylər aşıq sənətinin sirrlərini ustadından mükəmməl öyrənib. Öz sənəti ilə xalqın əbədi məhəbbətini qazanan mərhum ustadın “Şikəstə” havalarının mahir ifaçısı olduğunu deyən AAB sədri M.Qasımlı aşıq Bəylərin xatirəsinin əbədi yaşayacağını vurğuladı. “Bəylər Qədirov bir ustad aşıq kimi bülbül avazlı sənətkar idi. O, Şirvan aşıq mühitinin bütün xüsusiyyətlərini özündə daşıyırdı. Ustad sənətkar şikəstə havaların mahir ifaçısı idi, bənzərsiz səsi, avazı vardı”-deyə bildirən M.Qasımlı qeyd etdi aşıq Bəylər ömrünün sonuna qədər sazı sinəsindən yerə qoymayıb.

AAB sədrinin çıxışından sonra söz saza verildi. Gecənin musiqili hissəsini Əməkdar Mədəniyyət İşçisi Gülarə Azaflının rəhbərlik etdiyi “Çeşmə” qrupu “Orta şəşəngi” havası ilə açdı. Onların ardınca səhnəyə Əməkdar Mədəniyyət İşçisi, Prezident təqaüdçüsü, tanınmış aşıq Ulduz Sönməz və şəyirdləri Qönçə Qubadlı və Gülbəniz xanım dəvət edildi. Onlar “Ordubadi” havası üstündə Ulduz Sönməzin ustadın xatirəsinə həsr etdiyi şeiri oxudular.
Ustad aşıq Abbas Musaxanoğlu ifasına keçməmişdən əvvəl aşıq Bəylər Qədirovla bağlı xatirələrini danışdı. Ustadı uşaqlıqdan tanıdığını, canlı şəkildə ifalarına qulaq asdığını deyən A.Musaxanoğlu bildirdi, aşıq Bəylərin sənəti kimi insanlığı da gözəl idi. Sonra o, ustadın da repertuarında özünə mühüm yer tutan “Döymə Kərəmi” havasını ifa etdi.

Xalq artisti Ağacəbrayıl Abdullayev ustadı şəxsən tanıdığını, onunla ünsiyyətdə olduğunu fəxrlə dilə gətirdi.
Gənc aşıq Əli Tapdıqoğlu səhnəyə çıxaraq “Zarıncı şikəstə” havasını təqdim etdi. Əməkdar Mədəniyyət İşçisi aşıq Əhliman Şirvanlı isə “Orta müxəmməs” havasını ifa etdi. Əməkdar Mədəniyyəti İşçisi Ağamurad Şirvanlı isə “Qobustanı” havası ilə ustadın ruhunu alqışladı. Gözəl Kəlbəcərli “Azaflı dubeytisi” , aşıq Vüqar Mahmudoğlu və aşıq Rza Məmmədov “Gözəlləmə”, Roman Azaflı və Könül Bayramova “Kərəm gözəlləməsi”, Əməkdar Mədəniyyət İşçisi Solmaz Kosayeva, Kəmalə Qubadlı, Şaiq İncəli və Avdı Musayev “Təbrizi”, Məharət Habiloğlu, Rza İslamoğlu və Xavər Zəngilanlı “Şirvan gözəlləməsi”, Qələndər Zeynalov, Dəmir Vəliyev və Nazim Quliyev “Hüseyni” havalarını təqdim etdilər.
Gecənin sonuna yaxın aşıq Bəylər Qədirovun övladları Adilə xanım və İxtiyar bəy səhnəyə çıxaraq atalarının 100 illik yubileyinin yüksək səviyyədə qeyd edildiyinə görə Azərbaycan dövlətinə və Aşıqlar Birliyinə təşəkkür etdilər.
Ustad aşıq Bəylər Qədirovun 100 illik yubileyinə həsr edilən gecə Şirvan aşqılarının ifasında “Müxəmməs” havası ilə başa çatdı.
İradə SARIYEVA

[bt_slider uid="1511180656-5a12c9707c7db" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/1510952224_1510935195212529679_1000x669.jpg" title="1510952224_1510935195212529679_1000x669.jpg" link="" parent_tag="slider"] [bt_image src="/images/bt-shortcode/upload/1510952205_15109351953811757011_1000x669.jpg" title="1510952205_15109351953811757011_1000x669.jpg" link="" parent_tag="slider"] [bt_image src="/images/bt-shortcode/upload/1510952205_1510935195443060146_1000x669.jpg" title="1510952205_1510935195443060146_1000x669.jpg" link="" parent_tag="slider"][/bt_slider]

M.P.Vaqifin 300 illik yubileyinə həsr olunmuş tədbir keçirilib

Cəfər Cabbarlı adına Dövlət Teatr Muzeyində Molla Pənah Vaqifin anadan olmasının 300 illik yubileyinə həsr olunmuş tədbir keçirlib. Cəfər Cabbarlı adına Dövlət Teatr Muzeyi və Azərbaycan Aşıqlar Birliyinin birgə təşkilatçılığı ilə keçirilən “Üç əsr keçsə də...” adlı bədii-musiqili gecəni giriş sözü ilə muzeyin direktoru, Əməkar Mədəniyyət İşçisi Sevinc Mikayılova açıb.  Sonra  Azərbaycan Aşıqlar Birliyinin katibi, Əməkdar Mədəniyyət İşçisi Musa Nəbioğlu, sənətşünaslıq üzrə fəlsəfə doktoru, Əməkdar Mədəniyyət İşçisi Əhliman Şirvanlı və Xalq artisti Rafiq Əzimov çıxış edərək Mola Pənah Vaqifi təkcə “pərvanə tək hüsnün çırağında”, “bir ala gözlünün sorağında” olan lirik şair kimi yox, həm də “gərdişi-dövranı gəcrəftardan” baş çıxaran tarixi şəxsiyyət kimi də xarakterizə ediblər. Qeyd olunub ki, realist poeziyamızın ilk nümunələrini qələmə alan böyük şairin həmin şeirləri ilə poeziya tariximizdə yeni bir dövr başlanılıb.

Böyük şairin yaradıcılığına olan məhəbbət, ədəbiyyat tarixində tutduğu mövqe də onun bənzərsiz poetik istedadından və zamana sığmayan qanadlı misralarından irəli gəlir.
Gecədə aşıqlardan Əməkdar Mədəniyyət işçisi Solmaz Kosayeva “Solmazı”,  Altay Məmmədov, Şaiq İncəli, Avdı Musayev və başqaları aşıq havaları  üstündə Vaqif poeziyasından nümunələr ifa ediblər.
İncəsənət Gimnaziyasının şagirdlərinin ifasında S.Vurğunun “Vaqif” dramından səhnələr və “Qarabağ şikəstəsi” ifa olunub, muzeyin fond materialları əsasında hazırlanan videoçarx nümayiş etdirilib.
M.NƏBİOĞLU

[bt_slider uid="1508760811-59eddcebdd151" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/AL5A0729.JPG" title="AL5A0729.JPG" link="" parent_tag="slider"] [bt_image src="/images/bt-shortcode/upload/AL5A0691.JPG" title="AL5A0691.JPG" link="" parent_tag="slider"] [bt_image src="/images/bt-shortcode/upload/AL5A0801.JPG" title="AL5A0801.JPG" link="" parent_tag="slider"] [bt_image src="/images/bt-shortcode/upload/AL5A0850.JPG" title="AL5A0850.JPG" link="" parent_tag="slider"][/bt_slider]

2017-ci il oktyabrın 14-də Bakıda R.Behbudov adına Dövlət Mahnı Teatrında Türk dünyası “Qorqud Ata aşıqlar karvanı” adlı konsert keçirilib. Azərbaycan Aşıqlar Birliyi, Türkiyənin Osmaniyyə Bələdiyyəsi, Avrasiya mədəniyyət və sənət dərnəyi və Türk Dünyası Jurnalistlər Federasiyasının birgə təşkilatçılığı ilə ərsəyə gələn tədbiri giriş sözü ilə Azərbaycan Aşıqlar Birliyinin sədri, Əməkdar Elm Xadimi, professor Məhərrəm Qasımlı açaraq bu tədbirin keçirilməsinin əhəmiyyətindən söz açıb.

Türk xalqlarının ortaq mədəniyyətindən, Dədə Qorqudun türk dünyasının folkloruna, ədəbiyyatına və mədəniyyətinə təsirindən danışan professor M.Qasımlı qeyd edib ki, ulu babalarımız bir əlində qılınc tutanda bir əlində də saz tutub, bu saz insanların döyüş və mübarizlik ruhunu artırdığı kimi, eyni zamanda bütün dünyaya nümayiş etdirib ki, türk həmişə döyüşün, savaşın, terrorun və qan tökülməsinin deyil, millətlər arasında sülhün və barışın tərəfdarıdır. Türkün coğrafiyasının genişliyi və rəngarəngliyi kimi, sazın imkanları da zəngindir. Saz bizim dünənimiz, bu günümüz və sabahımızdır, Türkün birliyinin simvollarındandır.

Türk Dünyası Jurnalistlər Federasiyasının rəhbəri Dəmir Menderes rəhbərlik etdiyi qurumun fəaliyyətindən, Azərbaycan-Türkiyə dostluğu çərçivəsində gördüyü işlərdən söz açıb, türkdilli dövlətlərdən gəlmiş aşıqların eyni səhnəni bölüşməsinin aşıq sənətinin inkişafı baxımından da böyük əhəmiyyət daşıdığını və bütövlükdə aşıq sənətinə bir töhfə olduğunu vurğulayıb.

Sonra səhnə aşıqların ixtiyarına verilib. Türkiyədən gəlmiş aşıqlar Bayram Dənizoğlu, Fərhat Karaca, Qırğızıstan respublikasından Qulira Kasimkulova, uyğur aşıq Farhat Bazakovla yanaşı Azərbaycan aşıqlarından Əməkdar Mədəniyyət İşçiləri Gülarə Azaflı və Əhliman Şirvanlının, Altay Məmmədli, Nazim Quliyev, Gözəl Kəlbəcərli, Roman Azaflı, Əli Pənahoğlu, Gülarə Azaflının rəhbərlik etdiyi “Çeşmə” qrupu və hazırda Bakıda yaşayıb fəaliyyət göstərən Marta Laurinin ifasında səslənən müxtəlif aşıq havaları tamaşaçılar tərəfindən rəğbətlə qarşılanıb.

Tədbirin sonunda AAB sədri Məhərrəm Qasımlı tədbirin təşkilatçılarına və qonaqlara minnətdarlığını bildirib. Türk Dünyası Jurnalistlər Federasiyasının rəhbəri Dəmir Menderes tədbirin keçirilməsində fəal iştirak etdiklərinə görə Azərbaycan Respublikası Mədəniyyət və Turizm naziri Əbülfəs Qarayevə, nazirliyin şöbə müdiri Fikrət Babayevə, millət vəkili, Azərbaycan Mətbuat Şurasının sədri Əflatun Amaşova, AAB sədri Məhərrəm Qasımlıya, birliyin katibləri Musa Nəbioğlu və Altay Məmmədliyə təşəkkür plagetləri
Musa Nəbioğlu

Azərbaycan Aşıqlar Birliyinin qrifi ilə nəşr olunan bu  kitabda  “Kitabi-Dədə Qorqud” dastanında çəkilən  çalğı alətləri öyrənilir. Həmin alətlərin yarandığı dövrdən  başlayaraq  sonrakı  mərhələlərdə də inkişafına  diqqət  yetirilir. Kitabdan musiqişünaslıq, aşıqşünaslıq,  muğamşünaslıq, folklorşünaslıq, mədəniyyət və incəsənətin digər sahələrində fəaliyyət göstərən  araşdırıcılar, müəllimlər, tələbələr, ifaçılar, habelə geniş oxucu kütləsi  də faydalana bilər.

Oktyabrın 21-də Xaçmaz şəhərindəki Şəxsiyyətlər muzeyinin önündəki parkda ustad  Aşıq Ələsgərin büstünün açılışı olub. Tədbiri giriş sözü ilə açan Xaçmaz RİH başçısının müavini İlhamə Nəzərova 2006-cı ildə rayonda yaradılmış Şəxsiyyətlər Muzeyi haqda məlumat verib, qeyd edib ki, muzeyin qarşısında açıq səma altında Azərbaycanın görkəmli şəxsiyyətlərinin ucaldıdığı park bu muzeyin əhəmiyyətini daha da artırır. Əgər bu park-muzeydə 2006-cı ildə 15 görkəmli şəxsiyyətin büstü vardlsa, bu gün onlkarın sayı 50-dən çoxdur. Burada Azərbaycan mədəniyyətinin, incəsənətinin, ədəbiyyatının, ictimai-siyasi fikir tarixinin görkəmli nümayəndələrinin, məşhur hərbçilərin büstləri ucaldılıb.

Sonra söz Aəzrbaycan Aşıqlar Birliyinin sədri, Əməkdar Elm Xadimi, professor Məhərrəm Qasımlıya verilib. O, Xaçmaz şəhərində belə bir muzeyin yaradılmasını Azərbaycan mədəniyyətinə, incəsənətinə və tarixinə göstərilən böyük ehtiram və qədirşünaslıq kimi dəyərləndirib və rayon rəhbərliyinə öz təşəkkürünü bildirib. Burada ucaldılmış büstlər  sırasında dünyasını dəyişmiş aşıqlara da yer ayrılmasını xalqımızın milli-mənəvi dəyərləri sırasında mühüm yeri olan aşıq sənətinə dövlət səviyyəsində göstərilən qayğı və diqqətin təzahürü kimi dəyərləndirən M.Qasımlı Aşıq Ələsgərin ustad aşıq kimi böyüklüyünü vurğulayıb və ona göstərilən ehtiramı bütövlükdə aşıq sənətinə verilən yüksək qiymət adlandırıb. O da qeyd olunub ki, bu ilin əvvəlində burada XX əsr Azərbaycan aşıq sənətinin görkəmli nümayəndəsi Aşıq Şəmşirin də büstü ucaldılıb.
Xaçmaz RİH başçısı Şəmsəddin Xanbabayev rayonda mədəniyyət sahəsində həyata keçirilən quruculuq-abadlıq işlərindən söz açıb, Şəxsiyyətlər muzeyində Aşıq Ələsgərin büstünün ucaldılmasının rayonun həyatında əlamətdar hadisə olduğunu və görkəmli şəxsiyyətlərlə bağlı belə tədbirlərin bundan sonra da davam etdiriləcəyini deyib.
Xaçmaz Regional Mədəniyyət və Turizm idarəsinin rəisi Nazim Ağayev son illərdə regionda mədənəiyyət sahəsində görülən işlərdən və əldə olunan uğurlardan danışıb,  el ağsaqqalı, xeyriyyəçi iş adamı Akif Nəbiyev isə Aşıq Ələsgərin büstünün ucaldılmasını bu böyük ustadın qarşıdan gələn 200 illik yubiley tədbirlərinin başlanğıcı kimi dəyərləndirərək, rayon rəhbərliyinə bu xeyirxah əməllərinə görə təşəkkürünü bildirib.
Aşıq Ələsgərin nəticəsi Xətai Ələsgərli büstün ucaldılmasında zəhməti keçənlərin hamısına və tədbirin təşkilatçılarına Aşıq Ələsgər ocağı adından minnətdarlq edib.

Tədbir bir də onunla əlamətdar olub ki, AAB sədri M.Qasımlının bu muzeydə Əməkdar İncəsənət Xadimi, aşıq sənətinin son nəhənglərindən olan, sağlığında ikən klassikləşən Ədalət Nəsibovun da büstünün ucaldılması təklifi Xaçmaz RİH başçısı Ş.Xanbabayev tərəfindən dəstəklənib və elə oradaca bu böyük ustadın büstünün hazırlanması ilə bağlı göstəriş verilib.
Sonda aşılqarın ifası olub. Əməkdar Mədəniyyət İşçisi Haşım Qubalı, Altay Məmmədli, Bəhmən Göyçəli, Gözəl Kəlbəcərli və Nazim Quliyevin çıxışları tədbir iştirakçıları tərəfindən alqışlarla qarşılanıb.

Musa Nəbioğlu

2017-ci il  oktyabr  9-11-də  Türkiyənini  Qars  şəhərində  “I Uluslararası  Kafkasya  halk  kültürü”  adlı  elmi  konfrans  kecirilib. Qarsdakı  Qafqaz  universitetinin  təşkilatçılığı  ilə  keçirilən  konfransda  türk  alimləri  ilə  yanaşı,  Azərbaycan,  Gürcüstan,  Rusiya,  Fransa,  İran,  Qazaxıstan,  Özbəkistan  və  digər  ölkələrdən  gəlmiş  alimlər  elmi  məruzələrlə  çıxış  ediblər.

Konfransı  Qars  Qafqaz  universitetinin  rektoru,  professor  Sami  Özcan  açıb.  Azərbaycandan  bir  sıra  alimlərin  də  qatıldığı  konfransın     plenar     iclasında  Azərbaycan  Aşıqlar  Birliyinin  sədri,  Əməkdar  Elm  Xadimi,  professor  Məhərrəm  Qasımlı ”Aşıqlıq  ənənəsinin  Qafqaz  mədəniyyətində  əhəmiyyəti”  adlı  məruzə  ilə  çıxış  edib.  Plenar  iclas  aşıqların  maraqlı  və  rəngarəng  çıxışları  ilə  sona  çatıb.  Ankara  Dövlət  Türk  Xalq  Musiqi  xoru  və  ansamblı,  Gürcüstanın  “Axısxa”  rəqs  qrupu  və  cənubi  Azərbaycandan  olan  mahir  saz  ifacısı  və  tədqiqatçı  Çingiz  Mehdipurun  rəhbərlik  etdiyi  “Dalğa”  qrupunun  çıxışı  böyük  rəğbətlə  qarşılanıb.
   Sonra  konfrans  öz  işini  bölmələr  üzrə  davam  etdirib.  Bölmələrdən  birinə  rəhbərlik  edən  professor  M.Qasımlı  eyni  zamanda  “Aşıq  ədəbiyyatının  milli və  tarixi  özəlliyi”  mövzusunda  məruzə  ilə  də  çıxış  edib.

Musa  Nəbioğlu

[bt_slider uid="1507899706-59e0b93a77663" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="number" autoplay="5000" speed="600"][bt_image src="/images/bt-shortcode/upload/22473735_1383865565066381_56281815_o.jpg" title="22473735_1383865565066381_56281815_o.jpg" link="" parent_tag="slider"] [bt_image src="/images/bt-shortcode/upload/22494700_1383865575066380_1099663656_o.jpg" title="22494700_1383865575066380_1099663656_o.jpg" link="" parent_tag="slider"] [bt_image src="/images/bt-shortcode/upload/22472304_1383865148399756_1887433057_o.jpg" title="22472304_1383865148399756_1887433057_o.jpg" link="" parent_tag="slider"] [bt_image src="/images/bt-shortcode/upload/22472498_1383865141733090_1593566890_n.jpg" title="22472498_1383865141733090_1593566890_n.jpg" link="" parent_tag="slider"] [bt_image src="/images/bt-shortcode/upload/22447402_1383865698399701_53242979_n.jpg" title="22447402_1383865698399701_53242979_n.jpg" link="" parent_tag="slider"] [bt_image src="/images/bt-shortcode/upload/22523854_1383865255066412_215728405_n.jpg" title="22523854_1383865255066412_215728405_n.jpg" link="" parent_tag="slider"][/bt_slider]

17 noyabr 2017-ci il saat 19:00-da R.Behbudov adına Mahnı Teatrında ustad aşıq Bəylər Qədirovun 100 illiyinə həsr olunmuş tədbir keçiriləcək.
GİRİŞ SƏRBƏSTDİR

Litvanın paytaxtı Vilnüsdə XII beynəlxalq folklor festivalı keçirilib. Oktyabrın 11-dən 15-dək davam edən festivalda Azərbaycan, Belarus, Estoniya, Gürcüstan, Polşa, Litva, Rusiya, Slovakiya, Ukrayna və başqa ölkələrdən dəvət olunmuş kollektivlər çıxış ediblər.

Bu festivalda respublikamızı aşıqlardanməkdar Mədəniyyət İşçisi Samirə Əliyeva, Əli Quliyev və  nağaraçı Asim Quliyev təmsil ediblər. Sənətçilərimiz əsasən Aşıq Ələsgərin yaradıcılığına müraciət ediblər.

Festival çərçivəsində tanınmış pedaqoqlar, xalq ənənələrini araşdıranlar təcrübə mübadiləsi aparıb, mütəxəssis-etnoqrafların ustad dərsləri, sərgilər, xalq sənəti nümunələri və kulinar irsinə aid yarmarkalar, tələbə və şagirdlər üçün proqramlar, dəyirmi masa, xalq rəqsləri axşamları təşkil olunub.

M.Nəbioğlu

14 oktyabr 19 00 - GİRİS AÇIQDIR

Amerika Birləşmiş Ştatlarının Kostal Karolina universitetinin professoru Anna Oldfield Azərbaycan Aşıqlar Birliyinin qonağı olub. AAB sədri, Əməkdar Elm Xadimi, professor Məhərrəm Qasımlı ilə görüşən qonaq respublikamızda daha öncə də olub, Azərbaycan aşıq sənəti ilə bağlı tədqiqat işləri aparıb. Əsas tədqiqat sahəsi qadın aşıqlarımızla bağlı olan bu xanım Azərbaycan dili ilə yanaşı, rus və qazax dillərini də bilir ki, bu da elmi axtarışlarında ona çox kömək edir.

2005-2008-ci illərdə Bakıda elmi-tədqiqat aparan A.Olfield 2013-cü ildə “Azərbaycan qadın aşıqlarının yaradıcılığı” mövzusunda dissertasiya müdafiə edib. Hazırda Kostal Karolina universitetində “Dünya ədəbiyyatı” kafedrasının professorudur. O, qadın aşıqlarımızın həyat və yaradıcılığını tədqiq etməklə yanaşı, Azərbaycan aşıq sənətinin ABŞ-da təbliği istiqamətində də çox iş görüb. Əminə Eldarovanın “Azərbaycan aşıq sənəti” adlı kitabını ingilis dilinə tərcümə edərək ABŞ-da nəşr etdirib, qadın aşıqlarımızın okeanın o tayında çıxışlarını təşkil edib. Ustad aşıq Əkbər Cəfərovun 1964-cü ildə yazıya alınmış və ABŞ senatının kitabxanasında saxlanılan səs yazısını da ilk dəfə respublikamıza məhz bu xanım professor gətirb.
İşgüzar şəraitdə keçən görüşdə amerikalı professor Anna Oldfield aşıq sənəti ilə bağlı gələcək planlarından, bu sənətin Amerikada daha geniş təbliği üçün nəzərdə tutduğu planlarından danışıb, Azərbaycan Aşıqlar Birliyi ilə birlikdə həyata  keçirilməsi nəzərdə tutulan layihələr barədə maraqlı fikir mübadiləsi olub.
Musa Nəbioğlu

Tədbir 24 oktyabr 2017-ci il tarixində saat 19:00-da Azərbaycan
Dövlət Filarmoniyasında keçiriləcəkdir. Giriş sərbəstdir.

Azərbaycan elmi ictimaiyyətinin və saz-söz adamlarının görkəmli alim, aşıq sənətinin bilicisi kimi tanıdığı Əməkdar Elm Xadimi, professor, Azərbaycan Aşıqlar Birliyinin sədri Məhərrəm Qasımlı həm də könüllər oxşayan şeirlər müəllifidir. Poeziya həvəskarları onu şair Orxan Paşa kimi tanıyır və şeirlərini sevə-sevə oxuyurlar. Yeri gəlmişkən qeyd edək ki, Orxan Paşanın şeirləri gürcü dilinə də tərcümə olunaraq ötən il Tbilisidə kitab halında nəşr olunmuşdur.

Bu günlərdə isə Orxan Paşanın - Məhərrəm Qasımlının yeni bir kitabı işiq üzü görüb. Bakıda “Elm və Təhsil” nəşriyyatında yüksək poliqrafik tərtibatla nəşr olunan kitab “Taleyimdən və ürəyimdən keçənlər” adlanır.

İndiyədək elmi əsərləri və şeir kitabları ilə daha çox tanınan müəllifin bu kitabında həyati müşahidələrdən gələn xəlqi ümumiləşdirmələr, ədəbi-estetik dəyərləndirmələr, sətiraltı eyhamlar, xatirələr və s. yer alır.
“İllər boyu ürəyimdən və taleyimdən keçənlərin bir qismini xırda qeydlər, bəzən də gündəlik düşüncələr şəklində yazıya almışam”, - deyən müəlif eyni zamanda onu da vurğulayır ki, “qələmə aldığım mətnlərin janr səciyyəsini müəyyənləşdirməkdə, hansı janrın əlamətlərini daşıdığını söyləməkdə çətinlik çəkirəm.”
Müəllif yazdıqlarının hansı janra aid olduğunu deməkdə çətinlik çəksə də, onun nə demək istədiyini anlamaqda oxucu çətinlik çəkmir. Çünki yazdıqlarının hamısı həyatın özündən gələn, hər gün rastlaşdığımız həyat lövhələrinin bədii-publisistik təsviridir.
Kitabda diqqəti çəkən bir məqam da odur ki, elmi fəaliyyəti aşıq sənətinin tədqiqinə həsr olunmuş M.Qasımlı - Orxan Paşa bu kitabında da xalqımızın bu ölməz sənətinə, onun daşıyıcılarına geniş, yer verib, ustad sənətkarlarla bağlı xatirələrini də qələmə alıb.
İnanırıq ki, Orxan Paşanın bu kitabı da geniş oxucu kütləsi tərəfindən rəğbətlə qarşılanacaqdır.

Musa Nəbioğlu