17.05.2019-çu il tarixində Azərbaycan Aşıqlar Birliyinin Sumqayıt bölməsinin açılışı olmuşdur.
Mərasımdə AAB-nin sədri, Əməkdar Elm Xadimi Məhərrəm Qasımının göstərişi ılə AAb-nin sədr müavini Altay Məmmədli və birliyin əməkdaşı Yaşar Rüstəmov iştirak etmişlər. İlk sözü Sumqayıt bölməsinin rəhbəri Qənirə Mehdixanlı alaraq təbbir iştirakılarini salamladı.

Göstərdikləri köməkliyə görə Sumqayıt şəhər İcra Başçısına və AAB-in rərbərliyinə təşəkkürünü bildirdi.Sonra, AAB-nin sədr müavini, filologiya üzrə fəlsəfə doktoru Altay Məmmədli söz alaraq AAB –nin sədri Əməkdar elm xadimi Məhərrəm Qasımlının təbriklərini tədbir iştirakçılarının nəzərinə çatdırdı və birliyin adından hədiyyə təqdim etdi.
Tədbirdə Sumqayıt şəhər ədəbi mühütünün nümayyəndələrindən əməkdar jurnalist Rafiq Ödər,AYB-nin Sumqayıt şəhər bölməsinin rəhbəri Gülarə Cəmaləddin, şairə Ofelya Babayeva, İrina İslamqızı qocaman şair Əşrəf Veysəlli, aşıqlardan: Cahangir Sənanoğlu, Nəriman Aslanoğlu, Elməddin Məmmədli, Aşıq Mərkəz, İlham Aslanbəyli, Ruhiyyə Zəngilanlının çıxışları hamının ürəyindən oldu. Sumqayıt sazçı qızlar ansanbılının çıxışları alqışlarla qarşılandı.

[bt_slider uid="1558357867-5ce2a76bebfc6" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/1558275511299.jpg" title="1558275511299.jpg" link="" parent_tag="slider"] [bt_image src="/images/bt-shortcode/upload/IMG-20190519-WA0029.jpg" title="IMG-20190519-WA0029.jpg" link="" parent_tag="slider"] [bt_image src="/images/bt-shortcode/upload/1558276070448.jpg" title="1558276070448.jpg" link="" parent_tag="slider"] [bt_image src="/images/bt-shortcode/upload/1558276170492.jpg" title="1558276170492.jpg" link="" parent_tag="slider"] [bt_image src="/images/bt-shortcode/upload/IMG-20190520-WA0007.jpg" title="IMG-20190520-WA0007.jpg" link="" parent_tag="slider"][/bt_slider]

Azərbacan Aşıqlar Birliyi, Kəlbəcər rayon İcra hakimiyyəti və “Aşıq Şəmşir” Mədəniyyət Ocağı İctimai Birliyinin birgə təşkilatçılığı ilə XX əsr Azərbaycan ədəbiyyatının və aşıq sənətinin görkəmli nümayəndəsi Aşıq Şəmşirin anadan olmasının 126-cı ildönümü münasibətilə Gəncə şəhərində “Dədə Şəmşir – saz-söz bayramı” keçirlib. Tədbir iştirakçıları əvəlcə görkəmli sənətkarın Göygöl rayonundakı büstünü ziyarət ediblər.

Sonra Göygöl şəhərində ustad sənətkarın adını daşıyan musiqi məktəbində XX əsr Azərbaycan aşıq sənətinin görkəmli nümayəndəsi, Əməkdar İncəsənət Xadimi Dədə Şəmşirin xatirəsinə həsr olunmuş Yeniyetmə Aşıqların Müsabiqəsi keçirilib. Azərbaycan Respublikası Mədəniyyət Nazirliyi, Aşıqlar Birliyi və “Aşıq Şəmşir” Mədəniyyət Ocağı İçtimai Birliyinin birgə təşkilatçılığı ilə həyata keçirilən müsabiqədə Azərbaycanın müxtəlif bölgələrini təmsil edən yeniyetmə gənc aşıqlar iştirak ediblər. 50-dən çox gənc aşığın qatıldığı tədbirdə Bakı, Sumqayıt, Naxçıvan, Gəncə, Qazax, Ağstafa, Tovuz, Gədəbəy, Laçın, Şirvan, Göygöl və Kəlbəcər bölgələri təmsil olunub. Yeniyetmə gənclər klassik saz havaları üstündə Dədə Şəmşirin sözlərini səsləndiriblər. Aşıqlar Birliyinin sədri Əməkdar elm xadimi, professor Məhərrəm Qasımlı, ustad aşıqlar-Əməkdar Mədəniyyət işçisi Mais Gəncəli, Fətulla Göyçəli, Əhliman Kəlbəcərli və digər ustad sənətkarların münsiflik etdiyi müsabiqə uğurla yekunlaşdırılmış, qaliblər mükafatlandırılmışlar.
Sonra tədbir Gəncə şəhərində yerləşən Kəlbəcər rayon Mədəniyyət Evində davam etdirilib. Azərbaycan Aşıqlar Birliyinin sədri, professor Məhərrəm Qasımlı çıxış edərək ustad sənətkar Dədə Şəmşirin Azərbaycan ədəbiyyatında və aşıq sənətindəki yeri və mövqeyi haqqında danışıb. Natiq qeyd edib ki, Dədə Şəmşir qoşma, gəraylı, təcnis, divani, bayatı, rübai, qəzəl, müxəmməs və s. şeir formalarında əsərlər yazmış, eyni zamanda bir neçə dastanın da müəllifidir. Onun 40-dan artıq şəyirdi olmuşdur. Dədə Şəmşirin böyük bir aşıq məktəbinin yaradıcısı olduğunu bildirən M.Qasımlı vurğulayıb ki, bu məktəb təkcə aşıq sənətinə deyil, ümumən saz-söz sənətinə təsir göstərməklə Bəhmən Vətənoğlu, Ənvər Rza, Məmməd Aslan, Sücaət kimi görkəmli şairlərin yetişməsinə zəmin yaradıb.
Kəlbəcər rayon İcra hakimiyyətinin başçısı Aqil Məmmədov bu cür tədbirlərin əhəmiyyətindən bəhs edərək, dövlətimizin incəsənətin digər sahələri ilə kimi aşıq sənətinə də verdiyi yüksək qiymətdən danışıb.
“Aşıq Şəmşir” Mədəniyyət Ocağı İctimai Birliyinin sədr müavini Həbib Misirov tədbir iştirakçılarını İctimai Birliyin sədri, Dədə Şəmşirin övladı Qənbər Şəmşiroğlunun adından salamlayıb. O bildirib ki, ötən il Dədə Şəmşirin 125 illik yubileyi ölkə miqyasında qeyd edilib, bununla bağlı Azərbaycan Respublikasının Prezidenti İlham Əliyev 2 aprel 2018-ci il tarixində sərəncam imzalayıb. Bu sərəncamı Dədə Şəmşirə, bütünlükdə saz-söz sənətinə verilən yüksək qiymət kimi dəyərləndirən natiq xüsusi vurğulayıb ki, Ulu öndər Heydər Əliyev də ustad sənətkarın ədəbi-bədii irsinə yüksək qiymət vermiş, hələ 1973-cü ildə böyük sənətkarın 80 illik yubileyinin keçirilməsi ilə bağlı qərar vermişdir. 2003-cü il iyul ayının 5-də isə Heydər Əliyev “Aşıq Şəmşirin 110 illik yubileyinin keçirilməsi haqqqında” sərəncam imzalamışdır. Sərəncama əsasən, Aşıq Şəmşirin 110 illik yubileyi dövlət səviyyəsində qeyd edilib, Göygöl rayonundakı 7 illik uşaq musiqi məktəbinə Aşıq Şəmşirin adı verilib və büstü ucaldılıb. Həbib Misirov təəssüf hissi ilə qeyd edilib ki, bu gün görkəmli sənətkarın məzarı doğma Kəlbəcərdə erməni girovluğundadır. Erməni vandalları onun məzarını dağıtmaqla yanaşı Dədə Şəmşirin və atası Ağdabanlı Şair Qurbanın külliyatını da yandırmışlar. Eyni zamanda o, əminliyini bildirib ki, möhtərəm prezidentimiz İlham Əliyevin uğurlu siyasəti nəticəsində işğal olunmuş bütün torpalarımız kimi Dədə Şəmşirin yurdu Kəlbəcər, Ağdaban düşmən tapdağından azad ediləcək və Dədə Şəmşirin növbəti yubileyləri böyük sənətkarın doğma yurdunda qeyd olunacaq.
Tədbir daha sonra musiqi proqramı ilə davam etdirilib, kəlbəcərli aşıqlar görkəmli sənətkarın sözlərini saz havaları üstündə iştirakçılara çatıdırıblar.
Qeyd edək ki, “Dədə Şəmşir saz-söz bayramı” adlı tədbir hər il Dədə Şəmşirin doğum gününə uyğun olaraq martın 15-16 da ölkəmizin müxtəlif bölgələrində keçirləcəkdir.

Azərbaycan Aşıqlar Birliyinin nəşri olan “Ozan” elm və sənət toplusunun ikinci buraxılışı işıq üzü görüb.
Topluda Azərbaycan aşıqalrının 2018-ci il sentyabrın 28-də Bakıda keçirilmiş VI Qurultayının hesabat-stenoqramı verilib. Oxucular Mədəniyyət naziri Əbülfəs Qarayevin, Millət vəkili, akademik Rafael Hüseynovun çıxışları, AAB-nin sədri, Əməkdar elm xadimi, professor Məhərrəm Qasımlının hesabat məruzəsi ilə yanaşı, Xalq şairi Nəriman Həsənzadənin, Bəstəkarlar İttifaqının sədri Firəngiz Əlizadənin, AMEA Folklor İnstitutunun direktoru, AMEA-nın həqiqi üzvü Muxtar İmanovun, Əməkdar elm xadimi, professor Qəzənfər Paşayevin, Türkiyədən gəlmiş professor Əli Qafqasiyalının, eləcə də, ustad aşıqlardan Prezident təqaüdçüsü və Əməkdar mədəniyyət işçiləri Mahmud Məmmədov və Ulduz Quliyevanın, istedadlı gənc aşıq, sənətşünaslıq üzrə fəlsəfə doktoru, Əməkdar mədəniyyət işçisi Samirə Əliyevanın qurultay iştirakçılarına təbrik çıxışları ilə tanış ola biləcəklər.

Topluda həmçinin Azərbaycan aşıqlarının VI Qurultayının Azərbaycan Respublikasının Prezidenti cənab İlham Əliyevə Müraciəti və Qurultayın qəbul etdiyi Qətnamə də yer alıb.
Toplunun bu buraxılışında yer alan yazılar içərisində AAB-nin sədri, Əməkdar elm xadimi, professor Məhərrəm Qasımlı və AAB-nin katibi, Əməkdar mədəniyyət işçisi Musa Nəbioğlunun anadan olmalarının 60 illik yubileyinə həsr olunmuş elmi-publisistik yazılar, filologiya üzrə elmlər doktoru Əfzələddin Əsgərovun “Aşıq yaradıcılığının tarixi haqqında bəzi qeydlər” adlı elmi məqaləsi də yer alıb.
Toplunun xəbər bölümündə Azərbaycan Aşıqlar Birliyinin 2018-ci ildə həyata keçirdiyi tədbirlər haqda geniş məlumat öz əksini tapıb, “Yeni nəşrlər” rubrikası altında isə Azərbaycan Aşıqlar Birliyinin nəşri olan yeni kitablardan söhbət açılır.
Redaksiya heyətində respublikamızın tanınmış elm və sənət adamları ilə yanaşı, xarici ölkələrin də nüfuzlu alimlərinin yer aldığı toplunun baş redaktoru AAB-nin sədri, Əməkdar elm xadimi, professor Məhərrəm Qasımlı, baş redaktorun müavini isə AAB-nin katibi, Əməkdar mədəniyyət işçisi Musa Nəbioğludur.

Müslüm Maqomayev adına Azərbaycan Dövlət Akademik Filarmoniyasında aşıq sənətinin UNESCO-nun Qeyri-Maddi Mədəni İrs Siyahısına daxil olmasının 10 illiyi ilə bağlı tədbir keçirilib.
Tədbiri giriş sözü ilə açan Azərbaycan Aşıqlar Birliyinin sədri, Əməkdar elm xadimi Məhərrəm Qasımlı ölkəmizdə aşıq sənətinə verilən qiymətdən danışıb. O, ötən müddətdə Paris, Strasburq, London və dünyanın müxtəlif ölkələrində UNESCO səviyyəsində keçirilən mərasimlərdə Azərbaycan aşıq sənətinə verilən yüksək qiymətin bütövlükdə xalqımızın milli-mənəvi dəyərlərinə olan hörmət kimi səciyyələndirib.

“Sevindirici haldır ki, Prezident İlham Əliyevin və Birinci vitse-prezident Mehriban Əliyevanın aşıq sənətinə diqqət və qayğısı çox yüksəkdir. Azərbaycanın aşıq ensiklopediyası hazırlanıb. Mehriban Əliyevanın səyləri nəticəsində aşıq sənəti UNESCO-nun Qeyri-Maddi Mədəni İrs Siyahısına daxil edilib. Artıq aşıq sənəti özünün əvvəlki şöhrətini bərpa etməkdədir. Bu sənət növü artıq bəşəri sənət kimi qorunur. Ölkəmizdə aşıq festivallarının keçirilməsi və dünya miqyasında buraya sənətkarların cəlb olunması Azərbaycan aşıq sənətinin böyük irəliləyişinə səbəb olub. 2010-cu ildə və 2013-cu ildə keçirilən Beynəlxalq aşıq festivalları,aşıqların VI Qurultayı böyük uğurların ortada olduğunu göstərdi.
Kosertdə “Çeşmə” folklor qrupu,”Ruhani” sazçı qrupu,ustad aşıqlar Ağamurad Şirvanlı, Qələndər Zeynalov,Altay Məmmədli, Samirə Əliyeva, Əli Tapdıqoğlu, Bəhmən Göyçəli, Əli Pənahoğlu, Kəmalə Qubadlı, Babək Şakirli, Elvin Laçınlı və başqaları klassik saz havaları üzərində maraqlı ifalar təqdim etmişlər. Təqdim olunan mahnılar vətənpərvərlik,qəhrəmanlıq, milli dövlətçilik ideyalarının təbliğınə həsr edilmişdir.
Aşıqlar Birliyi UNESCO-da aşıq sənətinin qeydə alınmasının 10 illiyi ilə bağlı bölgələrdə də silsilə tədbirlər keçirəcəkdir.

[bt_slider uid="1555946819-5cbddd4395262" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/IMG_20190419_191838.jpg" title="IMG_20190419_191838.jpg" link="" parent_tag="slider"] [bt_image src="/images/bt-shortcode/upload/IMG_20190419_201652.jpg" title="IMG_20190419_201652.jpg" link="" parent_tag="slider"] [bt_image src="/images/bt-shortcode/upload/IMG_20190419_200803.jpg" title="IMG_20190419_200803.jpg" link="" parent_tag="slider"] [bt_image src="/images/bt-shortcode/upload/IMG_20190419_195101.jpg" title="IMG_20190419_195101.jpg" link="" parent_tag="slider"] [bt_image src="/images/bt-shortcode/upload/IMG_20190419_193925.jpg" title="IMG_20190419_193925.jpg" link="" parent_tag="slider"] [bt_image src="/images/bt-shortcode/upload/IMG_20190419_195741.jpg" title="IMG_20190419_195741.jpg" link="" parent_tag="slider"] [bt_image src="/images/bt-shortcode/upload/IMG_20190419_211009.jpg" title="IMG_20190419_211009.jpg" link="" parent_tag="slider"] [bt_image src="/images/bt-shortcode/upload/IMG_20190419_192525.jpg" title="IMG_20190419_192525.jpg" link="" parent_tag="slider"][/bt_slider]

Möhtərəm cənab prezident!

Azərbaycan milli-mənəvi dəyərlərinin qorunması və inkişaf etdirilməsi sahəsində həyata keçirdiyiniz məqsədyönlu və uğurlu siyasət xalqımız tərəfindən qədirşünaslıqla qarşılanmaqdadır. Bu il martın əvvəlində Heydər Əliyev Mərkəzində ölkəmizin tanınmış mədəniyyət və incəsənət xadimləri ilə görüşdə milli-mədəni sərvətlərimizin qorunması və daha da irəli aparılması zərurətini diqqət önündə saxlamağınız hamımızın ürəyindən oldu. Görüşdən az sonra mədəniyyət sahəsinə, o cümlədən də yaradıcılıq təşkilatlarına göstərdiyiniz maliyə dəstəyi. Sizin mədəni-humanitar sferada gedən proseslərə nə qədər həssas münasibət bəslədiyinizi bir daha ayani şəkildə ortaya qoydu.
Martın 13-də Azərbaycan Aşıqlar Birliyi də daxil olmaqla yaradıcılıq ittifaqları və birliklərinə prezidentin ehtiyat fondundan ayrıdığınız maliyə vəsaiti hamımızda böyük məmnunluq hissi yaratmışdır. Bu unudulmaz qayğı və diqqətə görə Sizə dərin təşəkkürümüzü bildiririk.
Möhtərəm cənab prezident!
Qoy ozan-aşıq mədəniyyətinin ulu ustadı-Dədə Qorqudun müqəddəs ruhundan gələn alqış və dualar hər zaman Sizə yardımçı olsun!

Dərin ehtiramla

Azərbaycan Aşıqlar
Birliyinin sədri Məhərrəm Qasımlı
Azərbaycan Respublikakası Dövlət
Mükafatı laureatı, Əməkdar Elm
Xadimi, professor

Azərbaycan elmi ictimaiyyətinin və saz-söz adamlarının görkəmli alim, aşıq sənətinin bilicisi kimi tanıdığı Əməkdar elm xadimi, professor, Azərbaycan Aşıqlar Birliyinin sədri Məhərrəm Qasımlı həm də könüllər oxşayan şeirlər müəllifidir. Poeziya həvəskarları onu şair Orxan Paşa kimi tanıyırlar. Bu günlərdə M.Qasımlının – Orxan Paşanın “Taleyimdən və ürəyimdən keçənlər” adlı kitabı İranda nəşr olunub. “Əxtar” nəşriyyatında işıq üzü görən kitabı nəşrə Məcid Teymurifər (Səfa) hazırlayıb.

Kitabda müəllifin uzun illər ərzində taleyindən və ürəyindən keçən düşüncələri əks etdirən kiçik qeydləri toplanıb. Burada həyati müşahidələrdən irəli gələn xəlqi ümumiləşdirmələr, fərdi poetik duyğular, ədəbi-estetik dəyərləndirmələr, sətiraltı eyhamlar və s. yer alıb.
Xatırladaq ki, müəllifin eyniadlı kitabı 2017-ci ildə Bakıda “Elm və təhsil” nəşriyyatında çap olunub.

Azərbaycan aşıq sətinin UNESCO-nun qeyri-maddi irs üzrə reprezentativ siyahısında qeydə alınmasının 10 illiyinə həsr olunmuş "sazın səsi haqq səsidir" adlı təntənəli konsert proqramına dəvət edirik.
Tədbir 19 aprel 2019-cu il tarixində, saat 19.00 da Azərbaycan Dövlət Akademik Filarmoniyasında keçiriləcəkdir.

Martın 11-də M.Maqomayev adına Azərbaycan Dövlət Filarmoniyasında ustad aşıq, Əməkdar İncəsənət xadimi Ədalət Nəsibovun anadan olmasının 80 illiyinə həsr olunmuş yubiley tədbiri keçirilib. Bu barədə məlumat verən Azərbaycan Aşıqlar Birliyinin katibi, Əməkdar mədəniyyət işçisi Musa Nəbioğlu bildirib ki, Mədəniyyət nazirliyi və Azərbaycan Aşıqlar Birliyinin birgə təşkilatçılığı ilə keçirilən tədbiri giriş sözü ilə AAB-nin sədri Əməkdar elm xadimi, professor Məhərrəm Qasımlı açaraq Ədalət Nəsibovun keçdiyi ömür və sənət yolundan söz açıb, onun Azərbaycan aşıq sənətindəki xidmətlərindən, xüsusilə də solo saz ifaçlığında müstəsna xidmətlərindən danışıb.

M.Qasımlının apardığı məclisdə Xalq şairi Nəriman Həsənzadə, Əməkdar incəsənət xadimi, şair Barat Vüsal ustad aşıq Ədalət Nəsibovla bağlı xatirələrini tamaşaçılarla bölüşüblər.
Əməkdar mədəniyyət işçisi Gülarə Azaflının rəhbərlik etdiyi “Çeşmə” folkor qrupu, Əməkdar mədəniyyət işçiləri Mahmud Məmmədov, Əhliman Rəhimov, Nemət Qasımlı, Ədalət Dəlidağlı və Samirə Əliyeva, eləcə də aşıqlardan Şaiq İncəli, Avdı Musayev, İlham Aslanbəyli, Altay Məmmədli, Nəbi Nağıyev, Dəmir Vəliyev, Səlim Göyçəli, Roman Azaflı, Əli Tapdıqoğlu, Şirin Şahbuzlu, Ruhiyyə Qarabağlı, Əfsanə Kərimli və digərləri bənzərsiz ifaları ilə ustadın ruhunu şad ediblər.
Sonda ustadın oğlu Hekayət Nəsibov çıxış edərək atasının xatirəsinin əziz tutulduğu üçün Mədəniyyət nazirliyinə, Azərbaycan Aşıqlar Birliyinə və Qazax Xeyriyyə İctimai Birliyinə təşəkkürünü bildirib.
Xatırladaq ki, Ədalət Nəsibov 1929-cu il yanvarın 27-də anadan olub, 2017-ci il sentyabrın 14-də dünyasını dəyişib.

Azərbaycan aşıq sənətinə ağır itki üz verib. Ustad aşıq, Əməkdar mədəniyyət işçisi Səyyad Pənahov 2019-cu il fevralın 16-da dünyasını dəyişib.
Səyyad Məşədi oğlu Pənahov 1945-ci il iyul ayının 28-də Gədəbəy rayonunun Kərimli kəndində anadan olub. 1961-ci ildə orta məktəbi bitirib.
Aşıq sənətinə hələ kiçik yaşlarından böyük həvəs göstərən Səyad Məşədi oğlunun ustadı aşıq Hüseyn olub. Erkən yaşlarından istedadı, şirin avazı və zil səsi ilə tanınıb. Sənətdə ilk uğurunu 1957-ci ildə keçirilən Ümumittifaq Uşaq və Gənclər festivalında qazanıb – uğurlu çıxışına görə medalla təltif olunub.

Sənətdə qazandığı uğurlarla yanaşı, təhsilini də davam etdirib. 1969-cu ildə Azərbaycan Mədəniyyət və İncəsənət İnstititunun (indiki ADMİU) Mədəni-maarif fakültəsinə daxil olub,1974-cü ildə bu ali təhsil ocağını bitirib.
Aşıq Səyyad Azərbaycan aşıqların III, IV, V və VI qurultaylarında iştirak edib, Azərbaycan Aşıqlar Birliyinin üzvü olub. Gədəbəy aşıqlar ansamblının ən fəal üzvlərindən olan aşıq Səyyad Pənahov respublikamızda keçirilən mədəni-kütləvi tədbirlərdə, beynəlxalq aşıq festivallarında həmişə fəal iştirak edib. Dəfələrlə Türkiyədə, İranda, Rusiya Fedrasiyasının bir çox böyük şəhərlərində Azərbaycan mədəniyyətini layiqincə təmsil edib, bənzərsiz ifası ilə könüllər oxşayıb, hər yerdə tamaşaçı rəğbəti qazanıb. Aşıq Ələsgərin 1972-ci ildə Moskvada keçirilən 150 illik yubiley tədbirində çıxış edənlər arasında aşıq Səyyad olub.
Bütün aşıq havalarını özünəməxsus ustalıqla ifa edən, bənzərsiz zil səsi ilə Koroğlu aşığı kimi tanınan Səyyad Pənahov həm də dastanlarımızın mahir bilicisi olan ustad idi. Dəfələrlə respublika radio və televiziya kanallarında çıxışları olan ustadın çox qiymətli lent yazıları bu gün Azərbaycan Dövlət Televiziyası və Radiosunun qızıl fondunda qorunub saxlanılır.
Ustad aşıq kimi xalqın məhəbbətini qazanan, hər yerdə hörmət və ehtiramla qarşılanan aşıq Səyyad Pənahovun sənətdəki xidmətləri dövlət tərəfindən də layiqincə qiymətləndirilib, Əməkdar mədəniyyət işçisi fəxri adına layiq görülüb.
Ustad aşıq, Əməkdar mədəniyyət işçisi Səyyad Pənahovun əziz xatirəsi doğmalarının və yaxınlarının, sənət dostlarının və bütün sənətsevərlərin qəlbində daim yaşayacaqdır.
Allah rəhmət eləsin!

AZƏRBAYCAN AŞIQLAR BİRLİYİ

Azərbaycan Aşıqlar Birliyində yeni layihəyə start verilib. Belə ki, çağdaş aşıqalrımızın şeir yaradıcılığından ibarət antologiyanın hazırlanmasına başlanılıb. Topluda hazırda yaşyıb-yaradan və bədii yaradıcılıqla da məşğul olan aşıqların aşıq şeirinin müxtəlif şəkillərində yaratdıqları poetik nümunələr – qoşma, gəraylı, təcnis, müxəmməs, cığalı təcnis və s. yer alacaq.
Toplunun bu ilin sentyabr-oktyabrı aylarında nəşr olunaraq geniş ictimaiyyətə təqdim olunması nəzərdə tutulur.

Ustad aşıq Əməkdar İncəsənət Xadimi Ədalət Nəsibovun Dövlət Filarmoniyasında 80 illik yubileyi keçiriləcək.

11 mart 19.00-da başlanacaq tədbirə giriş sərbəstdir.

Yanvarın 24-də Azərbaycan Aşıqlar Birliyində “Gənclik və aşıq sənəti” mövzusunda dəyirmi masa keçirilib. Bu barədə məlumat verən Azərbaycan Aşıqlar Birliyinin katibi, Əməkdar mədəniyyət işçisi Musa Nəbioğlu bildirib ki, Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı tədbiri açaraq aşıq sənətinin bu günkü vəziyyəti, xüsusilə də gənc aşıqların qarşısında duran vəzifələr, ustad-şəyird ənənəsinin indiki vəziyyəti və gənc sənətkarlara göstərilən qayğıdan danışıb, bu sahədə olan problemlərə toxunub. Sonra məruzə ətrafında çıxışlar olub.

Prezident təqaüdçüsü, Əməkdar mədəniyyət işçisi, ustad aşıq Mahmud Məmmədov, Əməkdar mədəniyyət işçisi, folklorşünas alim Elxan Məmmədli, Prerzident təqaüdçüsü, Əməkdar mədəniyyət işçisi, ustad aşıq Ulduz Quliyeva, Əməkdar mədəniyyət işçiləri Gülarə Azaflı, Samirə Əliyeva, Əhliman Rəhimov və Musa Nəbioğlu, eləcə də, tədqiqatçı alimlər Altay Məmmədli, Mübariz Əliyev və Hafiz Kərimov çıxış edərək gənc aşıqların yaradıcılıq məsələləri ilə bağlı vacib məsələlərə diqqəti yönəldiblər, gənc aşıqlar arasında respublika müsabiqəsinin keçirilməsinin vacibliyini vurğulayıblar. Çıxışlarda eyni zamanda bəzi özəl televiziya kanallarında aşıq sənətinə şou prizmasından yanışlması da tənqid olunub.
Tədbirdə iştirak edən Mədəniyyət nazirliyinin əməkdaşı Elgün Əliyev öz çıxışında Mədəniyyət nazirliyinin bütövlükdə aşıq sənətinə, o cümlədən də gənc aşıqlara daim diqqət göstərdiyini qeyd edib və bu qayğının bundan sonra davam edəcəyini vurğulayıb.
Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı tədbirə yekun vuraraq dəyirmi masanın keçirilməsinin əhəmiyyətini diqqətə çatdırıb, bu kimi tədbirlərin bundan sonra da davam edəcəyini deyib.

 [bt_slider uid="1548406029-5c4acd0dae227" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/DSC_5974.JPG" title="DSC_5974.JPG" link="" parent_tag="slider"] [bt_image src="/images/bt-shortcode/upload/DSC_5969.JPG" title="DSC_5969.JPG" link="" parent_tag="slider"] [bt_image src="/images/bt-shortcode/upload/DSC_5965.JPG" title="DSC_5965.JPG" link="" parent_tag="slider"] [bt_image src="/images/bt-shortcode/upload/DSC_5966.JPG" title="DSC_5966.JPG" link="" parent_tag="slider"] [bt_image src="/images/bt-shortcode/upload/DSC_5970.JPG" title="DSC_5970.JPG" link="" parent_tag="slider"] [bt_image src="/images/bt-shortcode/upload/DSC_5967.JPG" title="DSC_5967.JPG" link="" parent_tag="slider"] [bt_image src="/images/bt-shortcode/upload/DSC_5988.JPG" title="DSC_5988.JPG" link="" parent_tag="slider"] [bt_image src="/images/bt-shortcode/upload/DSC_5973.JPG" title="DSC_5973.JPG" link="" parent_tag="slider"][/bt_slider]