31 dekabr Dünya Azərbaycanlılarının həmrəyliyi günü və Yeni il bayramı münasibəti ilə Azərbaycan xalqını və respublikamızın bütün vətəndaşlarını təbrik edirik. Arzu edirik ki, 2019-cu il xalqımız üçün Qələbə ili olsun, işğal altında olan torpaqlarımız azad edilsin, qaçqın və məcburi köçkünlər yenidən öz dədə-baba yurdlarında firavan yaşamağa başlasınlar.

Yeni il respublikamız üçün daha düşərli və uğurlu olsun, hər bir ailəyə özü ilə bol ruzi və bərəkət gətirsin!
BAYRAMLARINIZ MÜBARƏK OLSUN!

AZƏRBAYCAN AŞIQLAR BİRLİYİ

Azərbaycan Aşıqlar Birliyinin katibi, “Ozan dünyası” jurnalının baş redaktoru, Əməkdar mədəniyyət işçisi Musa Nəbioğlunun yeni kitabı işıq üzü görüb.

Aşıqlar Birliyindən AZƏRTAC-a bildirilib ki, indiyədək aşıq sənəti və ustad aşıqların həyat və fəaliyyətindən bəhs edən “Ozan-aşıq dünyası”, “Sazımız – sazbəndimiz”, “Aşıq Ələsgər”, “Haqdan gələn saz”, “Xan Kamandar”, “Hüseyn Saraçlı” və s. kimi bir neçə kitabı işıq üzü görmüş müəllifin “Saza baxsın tariximi yazanlar” adlı bu kitabı da bütövlükdə aşıq sənətinə həsr olunub.

Kitabda M.Nəbioğlunun aşıq sənəti ilə bağlı son illərdə qələmə alıb müxtəlif mətbuat orqanlarında çap etdirdiyi elmi-publisistik məqalələri və Dədə Şəmşir, Ağacan, Əmrah Gülməmmədov, Hüseyn Saraçlı, Mikayıl Azaflı, Kamandar Əfəndiyev, Ədalət Nəsibov, Ələsgər Tağıyev, İsfəndiyar Rüstəmov və digər ustad aşıqlarımızın həyatından bəhs edən maraqlı oçerkləri ilə yanaşı, qadın aşıqlarımız və sazbəndlər haqqında da ayrıca bölümlər var. Eləcə də, müəllifin ayrı-ayrı vaxtlarda müxtəlif elm adamlarından və ustad aşıqlardan götürdüyü müsahibələr, kitablara yazdığı “Ön söz”lər, özünün verdiyi müsahibələr və kitabları haqqında yazılmış rəylər də kitabda yer alıb.

“Elm və təhsil” nəşriyyatında nəfis tərtibatla nəşr olunmuş kitabın elmi məsləhətçisi Əməkdar elm xadimi, professor Məhərrəm Qasımlı, redaktoru isə filologiya elmləri namizədi Razim Məmmədlidir.

2018-ci il oktyabrın 27-də Qazax Rayon İcra Hakimiyyətinin təşkilatçılığı ilə Aşıq Şəmşirin 125 illik yubileyi ilə əlaqədar Qazax şəhərinin mərkəzində Aşıq Şəmşirin və Aşıq Ələsgərin xatirəsinə ucaldılmış büstlərin açılış mərasimi olub. Sazsevərlər, sözə dəyər verənlər Azərbaycan aşıq sənətinin iki görkəmli nümayəndəsinin – Aşıq Ələsgərin və Dədə Şəmşirin ruhunun işığına toplaşıb.

Azərbaycan Aşıqlar Birliyinin, “Aşıq Şəmşir” Mədəniyyət Ocağı İctimai Birliyinin üzvləri, “Qazax Xeyriyyə” İctimai Birliyinin, Ağstafa Regional Mədəniyyət İdarəsinin, Qazax RİHB aparatının məsul işçilərinin, elm və sənət adamlarının, rayon ictimaiyyəti nümayəndələrinin iştirak etdiyi tədbirin aparıcısı, Regional Mədəniyyət İdarəsinin Qazax rayonu üzrə nümayəndəsi Valeh Vəliyev tədbiri açıq elan edərək Dədə Şəmşir yaradıcılığından söz açıb.
Qazax Rayon İcra Hakimiyyətinin başçısı Rəcəb Babaşov qonaqları salamlayaraq tədbirin əhəmiyyətindən danışıb. Bildirib ki, Azərbaycan mədəniyyətinə, elminə, sözünə, sazına xidmət göstərmiş Dədə Şəmşir və onun ustadı olmuş Dədə Ələsgər bu gün bütün xalqın ürəyində yaşayır. Qeyd olunub ki, dövlət başçısı İlham Əliyevin 2 aprel 2018-ci il tarixli, 3857 nömrəli Sərəncamı ilə Aşıq Şəmşirin 125 illik yubileyinin respublikamızın hər yerində böyük təntənə ilə qeyd olunması bütün aşıqlara, saz sənətini yaşadanlara verilən qiymətdir.
Qonaqlardan – Milli Məclisin deputatı Ülviyyə Ağayeva, Azərbaycan Aşıqlar Birliyinin sədri, Dövlət Mükafatı Laureatı, Əməkdar elm xadimi, professor Məhərrəm Qasımlı, Akademik Teymur Bünyadov, “Qazax Xeyriyyə” İctimai Birliyinin sədri, fizika-riyaziyyat elmləri doktoru, professor İlham Pirməmmədov, “Aşıq Şəmşir” Mədəniyyət Ocağı İctimai Birliyinin sədr müavini Həbib Misirov, Regional Mədəniyyət İdarəsinin rəisi Ramiz Quliyev və başqaları Dədə Ələsgərlə Dədə Şəmşirin sazının, sözünün qüdrətinə yüksək qiymət veriblər.

[bt_slider uid="1540811750-5bd6ebe67754e" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/_DSC2484.JPG" title="_DSC2484.JPG" link="" parent_tag="slider"] [bt_image src="/images/bt-shortcode/upload/_DSC2834.JPG" title="_DSC2834.JPG" link="" parent_tag="slider"] [bt_image src="/images/bt-shortcode/upload/_DSC2162 (1).JPG" title="_DSC2162 (1).JPG" link="" parent_tag="slider"] [bt_image src="/images/bt-shortcode/upload/_DSC2633.JPG" title="_DSC2633.JPG" link="" parent_tag="slider"][/bt_slider]
Azərbaycan Respublikasının Xalq rəssamı Natiq Əliyevin hazırladığı büstlərin açılışından sonra Dədə Şəmşirin 125 illik yubileyinə həsr olunmuş tədbir Qazax rayon Mədəniyyət mərkəzində davam etdirilib.
Akademik Teymur Bünyadov çıxış edərək deyib ki, bu gün biz qazaxlılar fəxr edə bilərik ki, dahi şair Səməd Vurğunun bütün dünyaya tanıtdığı Dədə Şəmşirin yubileyini elə dahi şairin doğma el-obasında qeyd edirik. Necə ki, Səməd Vurğun Şəmşirə yüksək dəyər vermişdi, bu gün də qazaxlılar, ziyalılarımız, rayon rəhbərliyi Şəmşirə böyük qiymət verir.
Azərbaycan Aşıqlar Birliyinin sədri, Dövlət Mükafatı Laureatı, Əməkdar elm xadimi, professor Məhərrəm Qasımlı çıxışında qeyd edib ki, Azərbaycan sazının iki ustad aşığının sənətinə ucaldılmış qoşa abidənin açılışı ondan xəbər verir ki, Qazaxda mədəniyyət sahəsinə yüksək diqqət və qayğı göstərilir. O, vurğulayıb ki, son illərdə rayonda hər gün bir yeniliyin şahidi oluruq.
Prezident İlham Əliyevin, Azərbaycan Respublikasının birinci vitse-prezidenti Mehriban Əliyevanın milli sərvətimiz olan saz sənətinin qorunub saxlanılmasında, gələcək nəsillərə çatdırılmasında gördükləri genişmiqyaslı işlərdən söz açan M.Qasımlı bugünkü tədbirin həmin işlərin davamı olduğunu bildirib.
"Qazax Xeyriyyə” İctimai Birliyinin sədri, fizika-riyaziyyat elmləri doktoru, professor İlham Pirməmmədov çıxış edərək bu tədbirin bütün qazaxlılar üçün bir töhfə olduğunu bildirib. Ölkə başçısının Aşıq Şəmşirin 125 illik yubileyi ilə bağlı imzaladığı Sərəncamdan söz açan birlik sədri dövlətimiz və dövlət başçımız tərəfindən aşıq sənətinə verilən yüksək qiymətdən, dəyərdən danışıb.
Sonra söz aşıqlara verilib. Aşıq Avdı Musayev, Şaiq İncəli, Ədalət Dəlidağlı, Aşıq Hacı, Camoy Qurbanov, Gözəl Kəlbəcərli və Şöhrət Kərimovun, eləcə də “Ruhani” saz qrupunun çıxışları rəğbətlə qarşılanıb. Qazax Dövlət Dram Teatrının aktyorları və aşıq Yaşar Gülümcanov Xalq şairi Səməd Vurğunla Dədə Şəmşirin 1955-ci ildə İstisudakı tarixi görüşünü əks etdirən səhnəni təqdim ediblər.

M.NƏBİOĞLU

Azərbaycan aşıq sənətinin tanınmış nümayəndələrindən biri, Şirvan aşıq mühiti ənənələrinin yaşadılmasında özünəməxsus xidmətləri olan ustad aşıq, Əməkdar mədəniyyət işçisi Yanvar Bədəlov 2018-ci il dekabrın 27-də dünyasını dəyişib.
Yanvar Piralı oğlu Bədəlov 1942-ci il fevralın 2-də İsmayıllı rayonunun Tircan kəndində anadan olub. Orta məktəbdə oxuyarkən qonşu kənddə yaşayan ustad aşıq Şamildən sənətin sirlərini öyrənib. Orta məktəbi bitirdikdən sonra təhsilini Bakı Mədəni-Maarif Texnikumunda davam etdirib.

1963-cü ildə respublika festivalının iştirakçısı olub və II dərəcəli diplomla mükafatlandırılıb. Sonralar müxtəlif müsabiqələrdə iştirak edərək, bir sıra diplom və fəxri fərmanlarla təltif olunub. 2004-cü ildə isə “Respublika aşıqları” müsabiqəsinin “Şirvan aşıq sənətkarları” nominasiyasının qızıl medalına layiq görülüb.
Yanvar Bədəlov 1970-ci ildə Tircan kəndində açılmış Mədəniyyət evinin müdiri vəzifəsinə təyin olunub və uzun illər aşıqlıqla yanaşı bu vəzifədə də şərəflə çalışıb.
Azərbaycan Respublikası Prezidenti cənab İlham Əliyevin 19 sentyabr 2016-cı il tarixli sərəncamıyla aşıq Yanvar Pirali oglu Bədəlova Azərbaycan Respublikasının Əməkdar mədƏniyyət isçisi fəxri adı verilib.
Ustad aşıq Yanvar Bədəlovun əziz xatirəsi yaxınlarının, doğmalarının, sənət dostlarının və bütün sənətsevərlərin xatirəsində daim yaşayacaqdır.
Allah rəhmət eləsin!

AZƏRBAYCAN AŞIQLAR BİRLİYİ

Noyabrın 28-də R.Behbudov adına Dövlət Mahnı Teatrında Mədəniyyət nazirliyi və Azərbaycan Aşıqlar Birliyinin birgə təşkilatçılığı ilə ustad aşıq Cəlal Qəhrəmanovun 90 illik yubileyinə həsr olunmuş tədbir keçirilib. Məti Osmanoğlunun aparıcılığı ilə keçən tədbirdə əvvəlcə ustadın ömür yolundan bəhs edən video süjet nümayiş etdirilib.

Sonra Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı, “Qazax Xeyriyyə İctimai Birliyi”nin sədri, Əməkdar müəllim, professor İlham Pirməmmədov, bu günlərdə işıq üzü görmüş “Aşıq Cəlalın sənət yolu” kitabının müəllifi İlhamə Qəsəbova çıxış edərək Aşıq Cəlal Qəhrəmanovun həyat və sənət yolundan danışıb, ustad aşıq kimi özünəməxsus sənətkar keyfiyyətlərindən söz açıblar.
Xatırladaq ki, Cəlal Məhəmməd oğlu Qəhrəmanov 1928-ci il aprelin 28-də Qazax rayonunun Kəmərli kəndində ziyalı ailəsində anadan olub, orta təhsilini qonşu Qaymaqlı kəndində alıb.
Sənətin sirlərini Aşıq Avdı Qaymaqlıdan öyrənib.
Onun yüzdən çox qoşması, gəraylısı, müxəmməsi, divanisi, təcnisi və deyişməsi var.
Cəlal Qəhrəmanov 1961-ci ildə Bakıda keçirilmiş Azərbaycan Aşıqlarının III Qurultayında iştirak edib, 1978-ci il avqust ayının 17-də ömrünün 50-ci baharında dünyasını dəyişib.
Aşıqlardan Əməkdar mədəniyyət işçisi Solmaz Kosayeva, Telli Borçalı, Avdı Musayev, İlham Aslanbəyli, Nəbi Nağıyev, Nazim Quliyev, Əli Pənahoğlu, Şaiq İncəli, Hüseyn Şəmistanoğlu, Telli Borçalı, Famil Mikayılov, Sahil Qurbanov, Ramin Qarayev, Rəfiqə Göyçəli, Xanım Göyçəli, Roman Azaflı, Əfsanə Kərimli, İsa Qaraxanlı, İsmayıl Məmmədli, Təbriz Vəliyev, Şahniyar Əliyev, Kərəm Vəliyev, Məharət Habiloğlu və Xavər Zəngilanlı öz ifaları ilə ustad aşığın ruhunu şad ediblər.

Türkiyədə fəaliyyət göstərən Avrasiya Kültür Sənət dərnəyinin nəşri olan “Türk dünyası Korkut Ata aşıklar kervanı” adlı toplu işıq üzü görüb. Osmaniyə bələdiyyəsinin dəstəyi ilə işıq üzü görən bu toplu dərnəyin 2017-ci ildə Türkiyə, Azərbaycan və Quzey Kıprıs Türk Cumhuriyyətində düzənlədiyi tədbirlərə həsr olunub.

Topluda Azərbaycan aşıq sənətinə və aşıqlarımıza da geniş yer verilib. Xatırladaq ki, Avrasiya Kültür Sənət dərnəyi Azərbaycan Aşıqlar Birliyi ilə birlikdə ötən ilin oktyabrında Bakıda “Türk dünyası Qorqud Ata aşıqlar karvanı” adlı tədbir keçirmişdi. Hər iki qurumun birgə təşkilatçılığı ilə 2018-ci ilin oktyabrında Bakıda keçirilən tədbir isə XX əsr Azərbaycan aşıq sənətinin görkəmli nümayəndəsi Aşıq Şəmşirin 125 illik yubileyinə həsr olunub.
Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı toplunun redaksiya heyətinin üzvüdür.

2018-ci il dekabrın 17-də Azərbaycan aşıq sənətinin XX əsrdəki görkəmli nümayəndələrindən biri olan Əmrah Gülməmmədovun anadan olmasının 110 illik yubileyi qeyd olunub. Bu barədə məlumat verən Azərbaycan Aşıqlar Birliyinin katibi, Əməkdar mədəniyyət işçisi Musa Nəbioğlu bildirib ki, Mədəniyyət nazirliyi və Aşıqlar Birliyinin birgə təşkilatçılığı ilə keçirilən tədbir R.Behbudov adına Dövlət Mahnı Teatrında baş tutub.

Əməkdar mədəniyyət işçisi Elxan Məmmədlinin aparıcılığı ilə keçən tədbirdə ustad aşığın həyat və yaradıcılığından söz açılıb, respublikamızın müxtəlif bölgələrindən olan aşıqlardan Cahangir Quliyev, Əməkdar mədəniyyət işçisi Nemət Qasımlı, Şaiq İncəli, Avdı Musayev, Kəmalə Qubadlı, Seymur Müslümoğlu, Babək Şakirli, Əli Pənahoğlu, Şirin Şahbuzlu, Elməddin Məmmədli, Şəhriyar Qaraxanlı, Fariz Təmirov, Şəhriyar Laçın və eləcədə Əməkdar mədəniyyət işçisi Gülarə Azaflının rəhbərlik etdiyi “Çeşmə” folklor qrupu və Mədəniyyət və İncəsənət universitetitinin müəllimi Hafiz Kərimovun rəhbərliyi ilə tələbələrdən ibarət qrupla yanaşı və ustadın vətəni Borçalıdan olan aşıqlar Telli Borçalı, Nargilə Mehdiyeva, Məsim Sadaxlı, Qabil Faxralı, Ramin Qarayev, Kamil Nəbizadə və Kənan Gülməmmədov Əmrah Gülməmmədovun sözlərini və ona ithaf olunmuş şeirləri ifa ediblər.
Xatırladaq ki, Əmrah Paşa oğlu Gülməmmədov 1908-ci ildə Borçalıda – Gürcüstanın indiki Marneuli rayonunun Kəpənəkçi kəndində anadan olub. İkinci dünya müharibəsində iştirak edib. Sənətin sirlərini dövrünün tanınmış sənətkarı olan Məsim Bəyazitlidən öyrənib.
1959-cu ildə Moskvada keçirilən Azərbaycan mədəniyyəti ongünlüyünün ən fəal iştirakçılarından biri də məhz Aşıq Əmrah olub. O, Azərbaycan aşıqlarının III (1961) və IV (1984) qurultaylarında iştirak edib.
Ozan-aşıq sənətində Əmrah Gülməmmədovun ən böyük xidmətlərindən biri sazı təkmilləşdirərək 11 simli etməsidir.
Təkrarsız və bənzərsiz ifası ilə yaddaşlara hopan Aşıq Əmrah 1987-ci il martın 11-də vəfat edib.

Noyabrın 15-də Mədəniyyət nazirliyi və Azərbaycan Aşıqlar Birlyinin birgə təşkilatçılığı ilə R.Behbudov adına Mahnı Teatrında ustad aşıq, Əməkdar mədəniyyət işçisi İmran Həsənovun anadan olmasının 90 illik yubileyinə həsr olunmuş tədbir keçirilib. Bu barədə məlumat verən Aşıqlar Birliyinin katibi, Əməkdar mədəniyyət işçisi Musa Nəbioğlu bildirib ki, tədbiri giriş sözü ilə açan Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı İmran Həsənovun keçdiyi ömür və yaradıcılıq yolundan danışıb, XX əsrin ikinci yarısında Azərbaycan aşıq sənətinin inkişafında onun özünəmxsus yerindən, böyük xidmətlərindən söz açıb.

Qeyd olunub ki, İmran Mehralı oğlu Həsənov 1928-ci ildə Göyçə mahalının Ağbulaq kəndində anadan olub. Sonradan Tovuza köçüb. Aşıqlığı əvvəlcə əmisi aşıq Dünyamalıdan, sonra isə Məhərrəm Hacıyevdən öyrənib. Zil səsi ilə seçilən İ.Həsənov qısa müddət ərzində istedadlı bir aşıq kimi bütün Azərbaycanda tanınıb. 1956-cı ildə Bakı, 1957-ci ildə Moskva festivallarının laureatı olub. 1967-ci ildə respublikanın “Əməkdar mədəniyyət işçisi” fəxri adına layiq görülüb. Azərbaycan aşıqlarının III və IV qurultaylarının fəal iştirakçılarından olub.
Aşıq İmran sazı ilə dünyanın bir çox ölkələrini gəzib, beynəlxalq miqyaslı müxtəlif tədbirlərdə iştirak edib və həmişə də vətənə mükafatla qayıdıb.
Aşıq yaradıcılığının, nağıl və dastanların, aşıq şeirlərinin və havalarının mahir bilicisi və ifaçısı olan Aşıq İmran həm də şair-aşıqdır, yüzlərlə qoşma, gəraylı və vücudnamələr qoşub.
Ustad aşıq İmran Həsənov 2000-ci ildə dünyasını dəyişib.
Tədbirin bədii hissəsində aşıqlardan Əməkdar mədəniyyət işçiləri Mahmud Məmmədov, Ulduz Quliyeva, Gülarə Azaflı, Solmaz Kosayeva, Sərdar Məmmədli, Samirə Əliyeva, eləcə də Altay Məmmədli, Qələndər Zeynalov, Telli Borçalı, Nəbi Nağıyev, Əli Tapdıqoğlu, Məhərrəm Hüseynli, Gözəl Kəlbəcərli, Vəli Şınıxlı, Kəmalə Qubadlı, Babək Şakirli, Təbrizdən gəlmiş aşıqlar Cəfər Xakipur və Əbülfəz Məhəmmədi, Əməkdar Mədəniyyət işçisi Gülarə Azaflının rəhbərlik etdiyi ”Çeşmə” folklor qrupu və Anar Abdullayevin başçılığı ilə “Koroğlu” aşıqlar qrupunun üzvləri öz ifaları ilə ölməz sənətkarın ruhuna ehtiramlarını ifadə ediblər.
Tədbirin sonunda yubilyarın oğlu Firdovsi Həsənov çıxış edərək atasının xatirəsinin əziz tutulduğuna görə dövlət başçısına, Mədəniyət nazirliyinə və Azərbaycan Aşıqlar Birliyinə öz minnətdarlığını bildirib.

Bu il Azərbaycan aşıq yaradıcılığının böyük nümayəndəsi, Əməkdar incəsənət xadimi Aşıq Şəmşirin anadan olmasının 125 illiyi tamam olur. Prezident İlham Əliyevin Sərəncamı ilə ölkəmizdə bu böyük söz ustadının 125 illiyinə həsr olunmuş silsilə tədbirlər keçirilir. İndiyədək yubilyarla bağlı bir sıra tədbirlər: kitab müzakirəsi, oxucu konfransı, rəsm və şeir müsabiqəsi, ədəbi-bədii gecələr keçirilib və bu tədbirlər Azərbaycanla yanaşı, digər türkdilli ölkələrdə də qeyd edilməkdədir.

Oktyabrın 12-də Aşıq Şəmşirin anadan olmasının 125 illiyi münasibətilə Rəşid Behbudov adına Mahnı Teatrında daha bir təntənəli tədbir keçirilib. Mədəniyyət Nazirliyinin dəstəyi, Azərbaycan Aşıqlar Birliyi, “Aşıq Şəmşir” Mədəniyyət Ocağı İctimai Birliyi və “Türk dünyası Qorqud Ata aşıqlar karvanı” layihəsinin təşkilatçılığı ilə reallaşan tədbirdə Milli Məclisin deputatları, tanınmış elm və mədəniyyət xadimləri və incəsənət adamları iştirak ediblər.
Tədbirdə çıxış edən Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı və “Türk dünyası Qorqud Ata aşıqlar karvanı” layihəsinin rəhbəri Menderes Dəmir Aşıq Şəmşirin həyatından və yaradıcılığından söz açıblar.
Vurğulanıb ki, Aşıq Şəmşir Azərbaycanın çoxəsrlik şifahi sənət ənənələrini layiqincə davam etdirərək meydana gətirdiyi rəngarəng poetik-bədii nümunələrlə milli folklor xəzinəsini daha da zənginləşdirmiş görkəmli söz ustalarındandır. Qədim saz havalarının və dastanların mahir ifaçısı kimi tanınan el sənətkarı daim Vətən torpağına bağlı olub, yaradıcılığı boyunca xalqın duyğu və düşüncələrini, yüksək mənəvi keyfiyyətləri və yurdun təbiət gözəlliklərini tərənnüm edib.
Bildirilib ki, Aşıq Şəmşir Azərbaycanın çoxəsrlik şifahi sənət ənənələrini layiqincə davam etdirərək yaratdığı rəngarəng poetik-bədii nümunələrlə milli folklor xəzinəmizi daha da zənginləşdirən görkəmli söz ustadıdır.
Aşıq Şəmşirin toxunduğu bütün mövzular – dostluq və xəyanət, həqiqət və yalan, xeyirxahlıq və zülm – əsl həyat ensiklopediyasıdır, həyat təcrübəsidir və məhz bu xüsusiyyətlər ilə insanları özünə cəlb edir. Aşıq sənətinə xidmət edən, söz sənətinə ucalıq gətirən el sənətkarı Aşıq Şəmşir, xalqın daim böyük sevgi, hörmət bəslədiyi Azərbaycan aşıq sənətinin sözün əsl mənasında zirvələrə qaldırıb.
Tədbirdə iştirak edən Azərbaycanını müxtəlif bölgələrini təmsil edən aşıqlarla yanaşı, Türkiyə və Qazaxıstandan gəlmiş sənət adamlarının da çıxışları tamaşaçılar tərəfindən böyük rəğbətlə qarşılanıb.
Sonda “Azərbaycan Dəmir Yolları” Qapalı Səhmdar Cəmiyyətinin sədri, Milli Məclisin deputatı, sənətkarın nəvəsi Cavid Qurbanov Aşıq Şəmşirin Azərbaycan ədəbiyyatına bəxş etdiyi zəngin mədəni irsdən söz açıb, babası haqqında maraqlı xatirələrini bölüşüb. Ümummilli lider Heydər Əliyevin xalqımızın ən qədim mənəvi dəyərlərindən olan aşıq sənətinə, XX əsr Azərbaycan aşıq poeziyasının görkəmli nümayəndələrindən biri Aşıq Şəmşirin yaradıcılığına göstərdiyi diqqət və qayğıdan danışan C.Qurbanov Prezident İlham Əliyevin Sərəncamı ilə söz ustadının 125 illik yubileyinin ölkəmizdə silsilə tədbirlərlə qeyd edildiyini vurğulayıb, bu diqqət və qayğıya görə ailəsi adından ölkə rəhbərliyinə və tədbirin təşkilatçılarına minnətdarlığını bildirib.
Tədbirdə iştirakçılara Azərbaycan Aşıqlar Birliyinin və “Aşıq Şəmşir” Mədəniyyət Ocağı İctimai Birliyinin ustad aşığın anadan olmasının 125 illiyi münasibətilə çap etdirdiyi “Dədə Şəmşir ərməğanı” kitabı və sənətkarın səs yazılarından ibarət disk təqdim edilib.
Sonda Azərbaycan Aşıqlar Birliyinin və “Türk dünyası Qorqud Ata aşıqlar karvanı” layihəsinin diplomları təqdim edilib.

XX əsr Azərbaycan aşıq sənətinin görkəmli simalarından olan ustad sənətkar Əmrah Gülməmmədovun bu il 110 illik yubileyidir. Bu münasibətlə hazırlanmış yubiley tədbiri 17 dekabr 2018-ci ildə R.Behbudov adına Mahnı Teatrında olacaqdır. Saat 19:00-da keçiriləcək həmin tədbirə və konsert proqramına giriş sərbəstdir.

Hörmətli saz sevərlər!
XX əsr Azərbaycan aşıq sənətinin görkəmli simalarından olan ustad sənətkar Əməkdar Mədəniyyət İşçisi İmran Həsənovun bu il 90 illik yubileyidir. Bu münasibətlə hazırlanmış yubiley tədbiri 15 noyabr 2018-ci ildə R.Behbudov adına Mahnı Teatrında olacaqdır. Saat 19:00-da keçiriləcək həmin tədbirə və konsert proqramına giriş sərbəstdir.

Azərbaycan Aşıqlar
Birliyinin katibliyi

Aşıq Şəmşir Azərbaycanın çoxəsrlik şifahi sənət ənənələrini layiqincə davam etdirərək meydana gətirdiyi rəngarəng poetik-bədii nümunələrlə milli folklor xəzinəsini daha da zənginləşdirmiş görkəmli söz ustalarındandır. Qədim saz havalarının və dastanların mahir ifaçısı kimi tanınan el sənətkarı daim Vətən torpağına bağlı olub, yaradıcılığı boyunca xalqın duyğu və düşüncələrini, yüksək mənəvi keyfiyyətləri və yurdun təbiət gözəlliklərini tərənnüm etmişdir. Bu il Azərbaycan aşıq yaradıcılığının böyük nümayəndəsi, Əməkdar incəsənət xadimi Aşıq Şəmşirin anadan olmasının 125 illiyi tamam olur. Ölkəmizdə Prezident İlham Əliyevin Sərəncamı ilə söz ustadının 125 illiyinə həsr olunmuş silsilə tədbirlər keçirilir.

AZƏRTAC xəbər verir ki, bu fikirlər oktyabrın 12-də Aşıq Şəmşirin anadan olmasının 125 illiyi münasibətilə Rəşid Behbudov adına Mahnı Teatrında keçirilən tədbirdə səslənib.

Mədəniyyət Nazirliyinin dəstəyi Azərbaycan Aşıqlar Birliyi və “Türk dünyası Qorqud Ata aşıqlar karvanı” layihəsinin təşkilatçılığı ilə reallaşan tədbirdə Milli Məclisin deputatları, tanınmış elm və mədəniyyət xadimləri və incəsənət adamları iştirak ediblər.

Gecədə çıxış edən Azərbaycan Aşıqlar Birliyinin sədri, Əməkdar elm xadimi Məhərrəm Qasımlı və “Türk dünyası Qorqud Ata aşıqlar karvanı” layihəsinin rəhbəri Menderes Dəmir bəy Aşıq Şəmşirin həyatından və yaradıcılığından söz açıblar.

Bildirilib ki, Aşıq Şəmşir Azərbaycanın çoxəsrlik şifahi sənət ənənələrini layiqincə davam etdirərək yaratdığı rəngarəng poetik-bədii nümunələrlə milli folklor xəzinəmizi daha da zənginləşdirən görkəmli söz ustadıdır.

Vurğulanıb ki, sənətkarın anadan olmasının 125 illiyi münasibətilə bir sıra tədbirlər: kitab müzakirəsi, oxucu konfransı, rəsm və şeir müsabiqəsi, ədəbi-bədii gecələr keçirilir və bu mərasimlər Azərbaycanla yanaşı, digər türkdilli ölkələrdə də qeyd edilməkdədir.

Aşıq Şəmşirin toxunduğu bütün mövzular – dostluq və xəyanət, həqiqət və yalan, xeyirxahlıq və zülm – əsl həyat ensiklopediyasıdır, həyat təcrübəsidir və məhz bu xüsusiyyətlər ilə insanları özünə cəlb edir. Aşıq sənətinə xidmət edən, söz sənətinə ucalıq gətirən el sənətkarı Aşıq Şəmşir, xalqın daim böyük sevgi, hörmət bəslədiyi Azərbaycan aşıq sənətinin sözün əsl mənasında zirvələrə qaldırıb.

Aşıq Şəmşirin “Şeirlər” adlı ilk kitabı 1959-cu ildə “Akademiya” nəşriyyatı tərəfindən buraxılıb. Sonralar müəyyən fasilələrlə ustad sənətkarın “Qoşmalar”, “Seçilmiş əsərləri”, “Dağ havası”, “Şeirlər”, “Öyüdlər” və s. kitabları işıq üzü görüb. Bu onun yaradıcılığının bir hissəsidir.

[bt_slider uid="1539585990-5bc437c61c8ac" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/15393661456395952893_1000x669.jpg" title="15393661456395952893_1000x669.jpg" link="" parent_tag="slider"] [bt_image src="/images/bt-shortcode/upload/15393661451579461316_1000x669.jpg" title="15393661451579461316_1000x669.jpg" link="" parent_tag="slider"] [bt_image src="/images/bt-shortcode/upload/15393661455151731935_1000x669.jpg" title="15393661455151731935_1000x669.jpg" link="" parent_tag="slider"] [bt_image src="/images/bt-shortcode/upload/1539366025243834726_1000x669.jpg" title="1539366025243834726_1000x669.jpg" link="" parent_tag="slider"] [bt_image src="/images/bt-shortcode/upload/1539366025601531879_1000x669.jpg" title="1539366025601531879_1000x669.jpg" link="" parent_tag="slider"] [bt_image src="/images/bt-shortcode/upload/1539366025607507376_1000x669.jpg" title="1539366025607507376_1000x669.jpg" link="" parent_tag="slider"] [bt_image src="/images/bt-shortcode/upload/15393660255522143800_1000x669.jpg" title="15393660255522143800_1000x669.jpg" link="" parent_tag="slider"][/bt_slider]

“Azərbaycan Dəmir Yolları” Qapalı Səhmdar Cəmiyyətinin sədri, Milli Məclisin deputatı, sənətkarın nəvəsi Cavid Qurbanov tədbirin təşkilatçılarına təşəkkürünü bildirib. O, saz-söz ustadı Aşıq Şəmşirin Azərbaycan ədəbiyyatına bəxş etdiyi zəngin mədəni irsdən söz açıb, babası haqqında maraqlı xatirələrini bölüşüb.

Ümummilli lider Heydər Əliyevin xalqımızın ən qədim mənəvi dəyərlərindən olan aşıq sənətinə, XX əsr Azərbaycan aşıq poeziyasının görkəmli nümayəndələrindən biri Aşıq Şəmşirin yaradıcılığına göstərdiyi diqqət və qayğıdan danışan C.Qurbanov Prezident İlham Əliyevin Sərəncamı ilə söz ustadının 125 illik yubileyinin ölkəmizdə silsilə tədbirlərlə qeyd edildiyini vurğulayıb. O, bu diqqət və qayğıya görə ailəsi adından minnətdarlığını bildirib.

Tədbirdə iştirakçılara Azərbaycan Aşıqlar Birliyinin və “Aşıq Şəmşir” Mədəniyyət Ocağı İctimai Birliyinin ustad aşığın anadan olmasının 125 illiyi münasibətilə çap etdirdiyi “Dədə Şəmşir ərməğanı” kitabı və sənətkarın səs yazılarından ibarət disk təqdim edilib.

Sonda Azərbaycan Aşıqlar Birliyinin və “Türk dünyası Qorqud Ata aşıqlar karvanı” layihəsinin diplomları təqdim edilib.