Ustad aşıq Bəylər Qədirovun 100 illik yubileyi keçirildi

Aşıq Bəylər QədirovAzərbaycan aşıq sənətinin elə bir simasıdır ki, onu hər zaman xatırlamaq, yadigar səs yazılarını dinləmək insana müsbət təsir edir. Bəzən sənətkarları yubiley və xatirə günlərində yada salırıq. Əslində, belə olmamalıdır. Əsl sənətkar hər zaman xatırlanmalı, hər zaman anılmalıdır. XX əsr Azərbaycan aşıq sənətinin, Şirvan-Muğan aşıq mühitinin görkəmli nümayəndələrindən biri olan ustad aşıq mərhum Bəylər Qədirov sazsevərlərin yaddaşında həmşə yaşayır. Ustad aşığın xatirəsi dövlət tərəfindən əziz tutulur, ruhu sayğı ilə anılır.

“Kitabi-Dədə Qorqud” dastanında çəkilən çalğı alətləri öyrənilir...

Azərbaycan Aşıqlar Birliyinin qrifi ilə nəşr olunan bu  kitabda  “Kitabi-Dədə Qorqud” dastanında çəkilən  çalğı alətləri öyrənilir. Həmin alətlərin yarandığı dövrdən  başlayaraq  sonrakı  mərhələlərdə də inkişafına  diqqət  yetirilir. Kitabdan musiqişünaslıq, aşıqşünaslıq,  muğamşünaslıq, folklorşünaslıq, mədəniyyət və incəsənətin digər sahələrində fəaliyyət göstərən  araşdırıcılar, müəllimlər, tələbələr, ifaçılar, habelə geniş oxucu kütləsi  də faydalana bilər.

ABŞ-dan gəlmiş professor AAB-nin qonağı olub

Amerika Birləşmiş Ştatlarının Kostal Karolina universitetinin professoru Anna Oldfield Azərbaycan Aşıqlar Birliyinin qonağı olub. AAB sədri, Əməkdar Elm Xadimi, professor Məhərrəm Qasımlı ilə görüşən qonaq respublikamızda daha öncə də olub, Azərbaycan aşıq sənəti ilə bağlı tədqiqat işləri aparıb. Əsas tədqiqat sahəsi qadın aşıqlarımızla bağlı olan bu xanım Azərbaycan dili ilə yanaşı, rus və qazax dillərini də bilir ki, bu da elmi axtarışlarında ona çox kömək edir.

“ÜÇ ƏSR KEÇSƏ DƏ...”

M.P.Vaqifin 300 illik yubileyinə həsr olunmuş tədbir keçirilib

Cəfər Cabbarlı adına Dövlət Teatr Muzeyində Molla Pənah Vaqifin anadan olmasının 300 illik yubileyinə həsr olunmuş tədbir keçirlib. Cəfər Cabbarlı adına Dövlət Teatr Muzeyi və Azərbaycan Aşıqlar Birliyinin birgə təşkilatçılığı ilə keçirilən “Üç əsr keçsə də...” adlı bədii-musiqili gecəni giriş sözü ilə muzeyin direktoru, Əməkar Mədəniyyət İşçisi Sevinc Mikayılova açıb.  Sonra  Azərbaycan Aşıqlar Birliyinin katibi, Əməkdar Mədəniyyət İşçisi Musa Nəbioğlu, sənətşünaslıq üzrə fəlsəfə doktoru, Əməkdar Mədəniyyət İşçisi Əhliman Şirvanlı və Xalq artisti Rafiq Əzimov çıxış edərək Mola Pənah Vaqifi təkcə “pərvanə tək hüsnün çırağında”, “bir ala gözlünün sorağında” olan lirik şair kimi yox, həm də “gərdişi-dövranı gəcrəftardan” baş çıxaran tarixi şəxsiyyət kimi də xarakterizə ediblər. Qeyd olunub ki, realist poeziyamızın ilk nümunələrini qələmə alan böyük şairin həmin şeirləri ilə poeziya tariximizdə yeni bir dövr başlanılıb.

XAÇMAZDA AŞIQ ƏLƏSGƏRİN BÜSTÜ UCALDILIB

Oktyabrın 21-də Xaçmaz şəhərindəki Şəxsiyyətlər muzeyinin önündəki parkda ustad  Aşıq Ələsgərin büstünün açılışı olub. Tədbiri giriş sözü ilə açan Xaçmaz RİH başçısının müavini İlhamə Nəzərova 2006-cı ildə rayonda yaradılmış Şəxsiyyətlər Muzeyi haqda məlumat verib, qeyd edib ki, muzeyin qarşısında açıq səma altında Azərbaycanın görkəmli şəxsiyyətlərinin ucaldıdığı park bu muzeyin əhəmiyyətini daha da artırır. Əgər bu park-muzeydə 2006-cı ildə 15 görkəmli şəxsiyyətin büstü vardlsa, bu gün onlkarın sayı 50-dən çoxdur. Burada Azərbaycan mədəniyyətinin, incəsənətinin, ədəbiyyatının, ictimai-siyasi fikir tarixinin görkəmli nümayəndələrinin, məşhur hərbçilərin büstləri ucaldılıb.

AŞIQLARIMIZ LİTVADA FOLKLOR FESTİVALINDA İŞTİRAK EDİBLƏR

Litvanın paytaxtı Vilnüsdə XII beynəlxalq folklor festivalı keçirilib. Oktyabrın 11-dən 15-dək davam edən festivalda Azərbaycan, Belarus, Estoniya, Gürcüstan, Polşa, Litva, Rusiya, Slovakiya, Ukrayna və başqa ölkələrdən dəvət olunmuş kollektivlər çıxış ediblər.

Bu festivalda respublikamızı aşıqlardanməkdar Mədəniyyət İşçisi Samirə Əliyeva, Əli Quliyev və  nağaraçı Asim Quliyev təmsil ediblər. Sənətçilərimiz əsasən Aşıq Ələsgərin yaradıcılığına müraciət ediblər.

“QORQUD ATA AŞIQLAR KARVANI” BAKIDA

2017-ci il oktyabrın 14-də Bakıda R.Behbudov adına Dövlət Mahnı Teatrında Türk dünyası “Qorqud Ata aşıqlar karvanı” adlı konsert keçirilib. Azərbaycan Aşıqlar Birliyi, Türkiyənin Osmaniyyə Bələdiyyəsi, Avrasiya mədəniyyət və sənət dərnəyi və Türk Dünyası Jurnalistlər Federasiyasının birgə təşkilatçılığı ilə ərsəyə gələn tədbiri giriş sözü ilə Azərbaycan Aşıqlar Birliyinin sədri, Əməkdar Elm Xadimi, professor Məhərrəm Qasımlı açaraq bu tədbirin keçirilməsinin əhəmiyyətindən söz açıb.

12 -dən səhifə 17