Bu günlərdə Aşıqlar Briliyində 2022-ci ilin ilk nəşri işıq üzü görüb. “Aşıq divaniləri və müxəmməsləri” adlı bu kiitabı Məhərrəm Qasımlı, Mahmud Allahmanlı, Altay Məmmədli hazılayıblar.

“Aşıq divaniləri və müxəmməsləri” antalogiyası XVI-XXI əsrlərə məxsus aşıqların yaratdıqları divani və müxəmməs şeir çeşidlərinin ən seçkin örnəklərini çevrələyir. Aşıq məclisinin açılışını, ilkin xeyr-duasını ortaya qoyan divanilərin, eləcə də qapanışını xoş bir ovqatla tamamlayan müxəmməslərin tarixi-xronoloji ardıcıllığı toplu boyu diqqət önündə saxlanılır. Bu kitabda müxtəlif yüzilliklərdə yaşayıb yaratmış ustad sənətkarların sözü gedən tarixi məzmunu əks etdirən çoxsaylı divani və müxəmməslərdən örnəklər toplanmşdır.

Çeşidli məzmun və forma özünəməxsusluqları ilə səciyyələnən antologiya yüzdən çox sənətkarın divani və müxəmməslərini əhatə edir. Ustad məclislərində, el yığnaqlarında dillər əzbərinə çevrilən bu nümunələr yüz illər boyu ulularımızın könül həmdəmi kimi onlara sənət yoldaşlığı etmişdir. Saz-söz ustadlarının bağrının başından qopan rəngarəng divani və müxəmməslər bu dərin poetik irsi gələcək nəsillərə çatdırmaq məqsədi ilə antoloji toplu halında aşıqlara və geniş ictimaiyyətə təqdim olunur.

Möhtərəm cənab Prezident!

Sizi doğum gününüz – 60 illik yubileyiniz münasibəti ilə Azərbaycan Aşıqlar Birliyi və çoxsaylı aşıqlar ordusu adından səmimi qəlbdən təbrik edirəm!

Bu gün təkcə Azərbaycanda yox, dünyanın hər yerində Sizi ölkəmizin sosial-iqtisadi siyasətinin prioritet istiqamətlərini müəyyən etməyi bacaran, zəngin biliyini və təcrübəsini ölkənin firavanlaşmasına və əhalinin rifahının yüksəldilməsinə yönəlmiş genişmiqyaslı proqramların həyata keçirilməsinə sərf edən səriştəli və uzaqgörən bir lider kimi tanıyırlar.

Sizin müdrikliyiniz və əzmkarlığınız sayəsində Azərbaycan daha güclü və gündən-günə firavanlaşan bir dövlətə çevrilib. Respublikamızın nüfuzunun dünyada möhkəmlənməsi istiqamətində gördüyünüz işlər bu gün öz bəhrəsini verməkdədir.

Sizin rəhbərlik istedadınız, siyasi müdrikliyiniz, uzaqgörənliyiniz, xalqımıza sədaqətlə xidmət etməyiniz və əsl liderlik keyfiyyətləriniz sayəsində Azərbaycanın uğurları gündən-günə artmaqdadır. Xalqımıza bəxş etdiyiniz ən böyük uğur, ən böyük sevinc hissi isə, 44 günlük müharibədə əldə olunan Zəfərlə bağlıdır.

Siz Azərbaycan xalqının böyük oğlu və ümummilli lideri Heydər Əlirza oğlu Əliyevin şanlı işlərini ləyaqətlə davam etdiririsiniz!

Xalqımızın milli-mədəni sərvətlərinə, mədəniyyətimizin inkişafına göstərdiyiniz qayğı, mədəniyyət işçilərinin sosial-rifah halının yaxşılaşdırılması istiqamətində ardıcıl olaraq həyata keçirdiyiniz tədbirlər biz mədəniyyət işçilərini, bütün yaradıcı insanları daha da ruhlandırır, yeni yaradıcılıq uğurlarına stimul verir.

Möhtərəm İlham Heydər oğlu, Sizi 60 illik yubileyiniz münasibəti ilə ürəkdən təbrik edir, möhkəm cansağlığı, uzun və sağlam ömür, ölkəmizin daha da çiçəklənməsi naminə yorulmaz fəaliyyətinizdə uğurlar arzulayıram.

                                               Məhərrəm Qasımlı

Azərbaycan Aşıqlar Birliyinin sədri,

                                                                                   Dövlət Mükafatı

                                                                    Əməkdar elm xadimi, professor.

Dahi Azərbaycan şairi və mütəfəkkiri Nizami Gəncəvinin 880 illiyi ilə əlaqədar dekabrın 17-də Heydər Əliyev Sarayında Azərbaycanda ilk dəfə “Leyli və Məcnun” dastan-tamaşasının təqdimatı olub.

AZƏRTAC xəbər verir ki, Nizami Gəncəvinin “Leyli və Məcnun” poemasının motivləri əsasında hazırlanan eyniadlı dastan-tamaşa Mədəniyyət Nazirliyinin dəstəyi, Heydər Əliyev Sarayı və Azərbaycan Aşıqlar Birliyinin birgə təşkilatçılığı ilə gerçəkləşib.

Təqdimatdan öncə Azərbaycan Aşıqlar Birliyinin sədri, Əməkdar elm xadimi Məhərrəm Qasımlı çıxış edərək dastan-tamaşanın ərsəyə gəlməsi ilə bağlı məlumat verib.

O deyib ki, “Leyli və Məcnun” dastan-tamaşası görkəmli şair və mütəfəkkir Nizami Gəncəvinin yaratdığı eyniadlı məsnəvisi üzərində aşıqların ərsəyə gətirdiyi dastan səhnələşdirilməsidir: “Dastan uzun zamandan bəri mövcud idi. Ancaq onun aşıqların repertuarında yer alması XX əsrin 40-cı illərinə təsadüf edir. O vaxt Nizaminin 800 illiyi ilə bağlı işlər gedirdi və aşıqların reperturında da “Leyli və Məcnun” dastan-tamaşaları yayılmağa başladı. Həmin dövürdə nisbətən orta yaşda olan aşıq Şəmşir bu dastanı mənimsəmişdi. Aşıq Şəmşir 60-cı illərin sonlarında oğlu Qəmbər Şəmşiroğluna bu dastanla bağlı bilgilər verdi. Ondan sonra belə qərara gəlindi ki, dastan yazıya alınsa, daha yaxşı olar. Bir neçə il əvvəl Qəmbər Şəmşiroğlu dədə Şəmşirin arxivində olan dastanı mənə təqdim elədi. Bu dastanı Aşıqlar Birliyinə gətirdim və onun səhnələşdirilməsi işini müzakirə elədik. Prezident İlham Əliyevin bu ili “Nizami Gəncəvi İli” elan edilməsi ilə bağlı imzaladığı müvafiq Sərəncamından sonra, bu dastanın səhnələşdirilməsi qərarına gəldik. Mədəniyyət Nazirliyinin xətti ilə Heydər Əliyev Sarayında bu işi gerçəkləşdirmək mümkün oldu”.

[bt_slider uid="1639821067-61bdaf0b75741" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/16397587045560239062_1000x669.jpg" title="16397587045560239062_1000x669.jpg" link="" parent_tag="slider"] [bt_image src="/images/bt-shortcode/upload/1639758704813012845_1000x669.jpg" title="1639758704813012845_1000x669.jpg" link="" parent_tag="slider"] [bt_image src="/images/bt-shortcode/upload/16397587045435241661_1000x669.jpg" title="16397587045435241661_1000x669.jpg" link="" parent_tag="slider"] [bt_image src="/images/bt-shortcode/upload/1639758704186181131_1000x669.jpg" title="1639758704186181131_1000x669.jpg" link="" parent_tag="slider"] [bt_image src="/images/bt-shortcode/upload/16397587041767336790_1000x669.jpg" title="16397587041767336790_1000x669.jpg" link="" parent_tag="slider"] [bt_image src="/images/bt-shortcode/upload/1639758704101502409_1000x669.jpg" title="1639758704101502409_1000x669.jpg" link="" parent_tag="slider"] [bt_image src="/images/bt-shortcode/upload/16397587045255148815_1000x669.jpg" title="16397587045255148815_1000x669.jpg" link="" parent_tag="slider"][/bt_slider]

Məhərrəm Qasımlı qeyd edib ki, dastanda ilk dəfə aktyorlar deyil, aşıqlar iştirak edirlər, bütün rolları aşıqlar ifa edirlər: “İlk dəfə olaraq burada musiqi aşıq havalarından ibarətdir. Burada aşıq sənətinin poetik çeşidlərindən ilk dəfə istifadə olunur. Bu mənada dastanda ilklər olduqca çoxdur. Biz istəyirik ki, daha çox Azərbaycan milli-mənəvi ruhunu ifadə edən bir Məcnun və bir Leyli ortaya gəlmiş olsun. Bu işin ərsəyə gəlməsində əziyyəti keçən hər kəsə təşəkkür edirəm”.

Sonra “Leyli və Məcnun” dastan-tamaşası təqdim olunub.

Dastan-tamaşada Qələndər Zeynalov (Ustad aşıq), Əməkdar mədəniyyət işçisi Samirə Əliyeva (Leyli), Əli Zeynalabdinov (Qeys), Kəmalə Qubadlı (Leylinin anası), Elməddin Məmmədli (Qeysin dostu Zeyd), Əməkdar mədəniyyət işçisi Solmaz Kosayeva (Qeysin anası), Şahniyar Əliyev (Qeysin atası), Nəbi Nağıyev (Leylinin atası), Eldar Bağırov (Səyyad), Elman Talıstanlı (Salam şahzadə), Əli Tapdıqoğlu (Nofəl pəhlivan) və saz ifaçıları Afil Bəxtiyarov, Ayxan Məlikov, Coşqun Əsgərov çıxış ediblər.

Qeyd edək ki, “Nizami Gəncəvi İli” çərçivəsində keçirilən dastan–tamaşanın ssenari müəllifləri Azərbaycan Aşıqlar Birliyinin sədri, Əməkdar elm xadimi Məhərrəm Qasımlı və filologiya üzrə fəlsəfə doktoru Altay Məmmədli, quruluşçu rejissoru Əməkdar artist İnarə Babayevadır.

https://azertag.az/xeber/Azerbaycanda_ilk_defe_Leyli_ve_Mecnun_dastan_tamasasinin_teqdimati_olub-1954708

Gürcüstan Aşıqlar Birliyi yaradılır.

“Report”un yerli bürosu xəbər verir ki, bu gün Tbilisidə Mirzə Fətəli Axundzadə adına Azərbaycan Mədəniyyəti Mərkəzində məsələ ilə bağlı müzakirələr aparılıb.

Müzakirələrdə iştirak edən aşıq Nargilə Mehtiyeva "Report"a bildirib ki, Gürcüstanda Aşıqlar Birliyinin təsis olunmasına çoxdan ciddi ehtiyac var idi: “Birliyin yaradılması istiqamətində hazırlıqlara artıq başlanılıb və gələn həftənin sonunda Gürcüstanın bir sıra bölgələrini təmsil edən aşıqlar və ziyalıların iştirakı ilə Tbilisidə Aşıqlar Birliyinin təsis toplantısı keçiriləcək. İclasda təşkilatın sədri, onun müavinləri və İdarə Heyətinə üzvlər seçiləcək. Təşkilatın əsas fəaliyyət istiqamətləri Gürcüstanda bütün aşıqları bir araya gətirmək, saz-söz sənətinin inkişafı və təbliğindən ibarət olacaq”.

N.Mehtiyeva Aşıqlar Birliyinin Gürcüstanda dövlət qeydiyyatına alınacağını, fəaliyyətinə Gürcüstan və Azərbaycanın aidiyyəti qurumlarının dəstək göstərəcəyini deyib.

Qeyd edək ki, indiyədək Gürcüstanda Aşıqlar Birliyi adı altında bir neçə qeyri-hökumət təşkilatı yaradılıb və heç biri əsaslı fəaliyyət göstərməyib.

Dekabrın 20-də M.Maqomayev adına Azərbaycan Dövlət Akademik Filarmoniyasında Mədəniyyət Nazirliyi və Azərbaycan Aşıqlar Birliyinin birgə təşkilatçılığı ilə Aşıq Ələsgərin 200 illik yubileyi qeyd olunub.
Tədbir ölkə başçısının Aşıq Ələsgərin 200 illik yubileyinin qeyd edilməsi haqqında müvafiq Sərəncamına əsasən təşkil edilib.

Mədəniyyət və incəsənət xadimlərinin, tanınmış aşıqların və ictimaiyyət nümayəndələrinin iştirakı ilə keçirilən mərasimdə mədəniyyət naziri Anar Kərimov çıxış edərək, ustad sənətkarın şifahi xalq ədəbiyyatına töhfələrindən, türk dünyasının aşıq sənətinə təsirindən söz açıb: “Aşıq Ələsgər çoxəsrlik keçmişə malik aşıq sənəti ənənələrinə ən yüksək bədii-estetik meyarlarla yeni məzmun qazandırıb, xalq ruhuyla həmahəng əsərləri ilə Azərbaycanın mədəni sərvətlər xəzinəsinə misilsiz töhfələr bəxş edib. Sənətkarın doğma təbiətə məhəbbət və vətənpərvərlik hisslərini vəhdətdə aşılayan, ana dilimizin saflığını, məna potensialını və hüdudsuz ifadə imkanlarını özündə cəmləşdirən dərin koloritli yaradıcılığı Azərbaycan ədəbiyyatının parlaq səhifələrindəndir. Aşıq Ələsgər çox sayda yetirmələrindən ibarət bir məktəb formalaşdırıb və gələcəyin məşhur el şairlərinə qüvvətli təsir göstərib. Azərbaycan aşıq sənətinin ümumbəşəri dəyərlər sırasında qorunan dünya qeyri-maddi mədəni irs nümunələri siyahısına salınması həm də Aşıq Ələsgər sənətinə ehtiramın təzahürüdür".
Nazirin sözlərinə görə, Aşıq Ələsgərin zəngin poetik irsinin geniş tədqiqi, nəşri və təbliğinin mühüm mərhələsi mədəni-mənəvi dəyərlərimizin bütün daşıyıcılarına həmişə qədirbilənliklə yanaşan ümummilli lider Heydər Əliyevin adı ilə bağlıdır: "Sənətkarın yubileyləri məhz Ulu Öndərin təşəbbüsü ilə dövlət səviyyəsində qeyd edilib. Böyük söz ustadının respublikamızda və onun hüdudlarından kənarda 150 illik yubiley mərasimi keçirilərkən əlamətdar hadisə baş verib, azərbaycanlıların əzəli yurdlarından olan qədim Göyçə mahalında, doğulduğu kənddə Aşıq Ələsgərin qəbirüstü abidəsi ucaldılıb. Həmin əzəmətli büst soydaşlarımız öz dədə-baba torpaqlarından didərgin salındıqdan sonra erməni vandalları tərəfindən dağıdılsa da, milli-mədəni varlığımızın tərkib hissəsinə çevrilmiş Aşıq Ələsgər irsi silinməz tarixi yaddaş rəmzi kimi yaşamaqdadır. Aşıq Ələsgər yaradıcılığının məktəblərdə və digər ölkələrdə təbliğ edilməsi üçün Birinci vitse-prezident Mehriban Əliyevanın təşəbbüsü ilə aşıq sənəti UNESCO-nun qeyri-maddi mədəni irsi siyahısına daxil edilib. Bununla əlaqədar olaraq bir sıra tədbirlər keçirilib. Prezident İlham Əliyevin imzaladığı Sərəncama əsasən Bakı şəhərində onun heykəli qoyulacaq. Aşıq Ələsgər yaradıcılığı onun doğulduğu yerdən, Göyçə torpağından bizə qalan yeganə əmanətdir. Buna görə də Aşıq Ələsgər şəxsiyyəti bizim üçün önəm kəsb edir".
Azərbaycan Aşıqlar Birliyinin sədri, Əməkdar elm xadimi professor Məhərrəm Qasımlı deyib ki, bu gün saz-söz bayramıdır: "Aylardır ki, biz hamımız bu bayramın içərisindəyik. Aşıq Ələsgər ustadlar ustadıdır. Onun sözü-sənəti Azərbaycan aşıq sənətinin pasportu olmağa layıqdir. Biz hər yerdə onun şeirlərindəki mükəmməlliyə, poetik gözəlliyə baxdığımız zaman belə qərara gəldik. Bu mənada Aşıq Ələsgər özünün ustadnamələrindən tutmuş qoşmalarına, təcnislərinə qədər Azərbaycan dilinin, ruhunun təmsilçisidir. Aşıq Ələsgərin şeirlərinə baxdığımız zaman bu şeirlərin hər misrasında aşıq sənətinin nizamnaməsini görürük”.
Tədbirin bədii hissəsində aşıqlardan Əməkdar mədəniyyət işçiləri Ağamurad İsrafilov, Samirə Əliyeva, Əhliman Allahverdiyev, Ədalət Dəlidağlı və Bəhmən Göyçəli, eləcə də Altay Məmmədli, Telli Borçalı, Qələndər Zeynalov, Təbriz Vəliyev, Nəbi Nağıyev, Nazim Quliyev, Eldar Bağırov, Azər Fərmayıloğlu, Elman Talıstanlı, Babək Şakirli, Rza Məmmədov, Elçin Rəşidoğlu, Familə Göyçəli, İmran Həsənoğlu, Xanlar Xəlilov, Vaqif Göyçəli, Elməddin Məmmədli, Roman Azaflı, Şəhriyar Qaraxanlı, Ramin Qarayev, Şaiq İncəli, Qabil Borçalı, Əfqan Məmmədov, Şöhrət Kərimov, Elbrus Hüseynov, Vüqar Şəmkirli, Kəmalə Qubadlı, Sahil Qurbanov, Afil Bəxtiyar, Tacir Alxanov, Əməkdar mədəniyyət işçisi Gülarə Azaflının rəhbərlik etdiyi “Çeşmə” qrupunun üzvləri müxtəlif aşıq havaları üstündə Aşıq Ələsgərin sözlərini oxuyublar. Onalrı balabanda Əməkdar mədəniyyət işçisi İbadət Allahverdiyev, Ələkbər Ələkbərov və Əziz Göyçəli müşayiət edib.
Xanəndə Sevinc Sarıyevanın ifası, Aşıq Ələsgərin şeirlərini səsləndirən bədii qiraət ustaları Fatimə Vəfa və Aydın Rəvan çıxışları da tamaşaçılar tərəfindən rəğbətlə qarşılanıb.
Sonda Aşıq Ələsgər ocağının nümayəndəsi – ustadın nəticəsi, “Dədə Ələsgər ocağı” İB-nin sədri Xətai Ələsgərli çıxış edərək Aşıq Ələsgərin 200 illik yubileyinin belə təntənə ilə qeyd edilməsinə görə ölkə başçısına, mədəniyyət nazirliyinə və Aşıqlar birliyinə minnətdarlığını bildirib.

Azərbaycan Dövlət Pedaqoji Universitetinin (ADPU) filologiya fakültəsinin təşkilatçılığı ilə Azərbaycan aşıq sənətinin zirvələrindən  biri olan ustad Aşıq Ələsgərin anadan olmasının 200 illiyi münasibəti ilə" Aşıq Ələsgər - 200" adlı yubiley tədbiri keçirilib.

Tədbirin bədii hissəsində Azərbaycan Aşıqlar Birliyinin üzvü, gənc aşıq Sayad Aydınoğlu, fakültənin məzunu olan gənc aşıq Ceyhun Qurbansoy ustadın irsindən ifalar təqdim edib, fakültədə fəaliyyət göstərən "MEH" ədəbi dərnəyinin üzvləri olan tələbələr Ələsgər yaradıcılığından müxtəlif şeirlər səsləndirib, bədii kompozisiya nümayiş etdiriblər.

Açılış nitqi ilə çıxış edən universitetin rektoru, professor Cəfər Cəfərov bildirib ki, dahi sənətkarın irsi Ulu öndər Heydər Əliyevin sovet Azərbaycanına rəhbərlik etdiyi dövrdə ilk dəfə dövlət səviyyəsində diqqət mərkəzinə gəlmiş və Aşıq Ələsgərin 150 illik yubileyi təntənəli surətdə qeyd edilmişdir. Ulu öndər yolunun davamçısı, Prezident İlham Əliyevin Azərbaycan mədəniyyətinə qayğısının bariz göstəricisi kimi bu ilin əvvəlində Aşıq Ələsgərin 200 illik yubileyi ilə bağlı sərəncam imzalanıb.

Beynəlxalq əlaqələr üzrə prorektor, professor Mahirə Hüseynova, elm və innovasiyalar üzrə prorektor, professor Asəf Zamanov,  Azərbaycan Aşıqlar Birliyinin katibi, Əməkdar mədəniyyət işçisi Musa Nəbioğlu və ADPU-nun Ədəbiyyat kafedrasının müdiri, dosent Razim Məmmədov qeyd ediblər ki, Aşıq Ələsgər həm aşıq, həm də böyük şair idi. Böyük söz ustadı ölkə hüdudlarından kənarda da tanınır. Belə ki, 2009-cu ildə Azərbaycan aşıq sənəti YUNESKO-nun qeyri-maddi mədəni irs siyahısına daxil edilib. Bu, dolayısı ilə aşıq sənətinin zirvələrindən olan Aşıq Ələsgər yaradıcılığına da verilən dəyərdir. Eyni zamanda vurğulanıb ki, Aşıq Ələsgərin əsərlərindəki pedaqoji görüşlər və tərbiyə məsələləri də geniş araşdırılaraq metodik ədəbiyyatlarda əks olunmalıdır.

Tədbirdə Ədəbiyyat kafedrasının professoru Mahmud Allahmanlı,  Ədəbiyyat kafedrasının dosenti Qüdrət Umudov Aşıq Ələsgərlə bağlı elmi məruzələrlə çıxış ediblər.

Aşıq sənətinin inkişafındakı böyük zəhməti olan ustad aşıq və balabançıların, eləcə də bu sənətin tədqiqində və təbliğində xidmətləri olan ziyalıların, sənətsevərlərin əməyinə dəyər verilməsi, onların mükafatlandırılması Azərbaycan Aşıqlar Birliyində bir ənənəyə çevrilib. Bu günlərdə növbəti təltifetmə olub – balaban ustası Ələkbər Ələkbərov AAB-nin təsis etdiyi “Fəxri balaban ustası” adına, Arzu Qurbanov isə aşıq sənətinin təbliğindəki xidmətlərinə görə “Fəxri diplom”a layiq görülüb.

AAB-nin sədri, Əməkdar elm xadimi, professor Məhərrəm Qasımlı təltif olunanlara diplomları təqdim edərək onları təbrik edib, aşıq sənətinin inkişafı naminə yorulmaz fəaliyyətlərində uğurlar arzulayıb.  

Dekabrın 20-də Müslüm Maqomayev adına Azərbaycan Dövlət Akademik Filarmoniyasında Mədəniyyət Nazirliyi və Azərbaycan Aşıqlar Birliyinin birgə təşkilatçılığı ilə Aşıq Ələsgərin 200 illik yubileyi qeyd olunub.

AZƏRTAC xəbər verir ki, tədbir ölkə başçısının Aşıq Ələsgərin 200 illik yubileyinin qeyd edilməsi haqqında müvafiq Sərəncamına əsasən təşkil edilib.

Mədəniyyət və incəsənət xadimlərinin, tanınmış aşıqların və ictimaiyyət nümayəndələrinin iştirakı ilə keçirilən mərasimdə mədəniyyət naziri Anar Kərimov çıxış edərək, ustad sənətkarın şifahi xalq ədəbiyyatına töhfələrindən, türk dünyasının aşıq sənətinə təsirindən söz açıb: “Aşıq Ələsgər çoxəsrlik keçmişə malik aşıq sənəti ənənələrinə ən yüksək bədii-estetik meyarlarla yeni məzmun qazandırıb, xalq ruhuyla həmahəng əsərləri ilə Azərbaycanın mədəni sərvətlər xəzinəsinə misilsiz töhfələr bəxş edib. Sənətkarın doğma təbiətə məhəbbət və vətənpərvərlik hisslərini vəhdətdə aşılayan, ana dilimizin saflığını, məna potensialını və hüdudsuz ifadə imkanlarını özündə cəmləşdirən dərin koloritli yaradıcılığı Azərbaycan ədəbiyyatının parlaq səhifələrindəndir. Aşıq Ələsgər çox sayda yetirmələrindən ibarət bir məktəb formalaşdırıb və gələcəyin məşhur el şairlərinə qüvvətli təsir göstərib. Azərbaycan aşıq sənətinin ümumbəşəri dəyərlər sırasında qorunan dünya qeyri-maddi mədəni irs nümunələri siyahısına salınması həm də Aşıq Ələsgər sənətinə ehtiramın təzahürüdür".

Nazirin sözlərinə görə, Aşıq Ələsgərin zəngin poetik irsinin geniş tədqiqi, nəşri və təbliğinin mühüm mərhələsi mədəni-mənəvi dəyərlərimizin bütün daşıyıcılarına həmişə qədirbilənliklə yanaşan ümummilli lider Heydər Əliyevin adı ilə bağlıdır: "Sənətkarın yubileyləri məhz Ulu Öndərin təşəbbüsü ilə dövlət səviyyəsində qeyd edilib. Böyük söz ustadının respublikamızda və onun hüdudlarından kənarda 150 illik yubiley mərasimi keçirilərkən əlamətdar hadisə baş verib, azərbaycanlıların əzəli yurdlarından olan qədim Göyçə mahalında, doğulduğu kənddə Aşıq Ələsgərin qəbirüstü abidəsi ucaldılıb. Həmin əzəmətli büst soydaşlarımız öz dədə-baba torpaqlarından didərgin salındıqdan sonra erməni vandalları tərəfindən dağıdılsa da, milli-mədəni varlığımızın tərkib hissəsinə çevrilmiş Aşıq Ələsgər irsi silinməz tarixi yaddaş rəmzi kimi yaşamaqdadır. Aşıq Ələsgər yaradıcılığının məktəblərdə və digər ölkələrdə təbliğ edilməsi üçün Birinci vitse-prezident Mehriban Əliyevanın təşəbbüsü ilə aşıq sənəti UNESCO-nun qeyri-maddi mədəni irsi siyahısına daxil edilib. Bununla əlaqədar olaraq bir sıra tədbirlər keçirilib. Prezident İlham Əliyevin imzaladığı Sərəncama əsasən Bakı şəhərində onun heykəli qoyulacaq. Aşıq Ələsgər yaradıcılığı onun doğulduğu yerdən, Göyçə torpağından bizə qalan yeganə əmanətdir. Buna görə də Aşıq Ələsgər şəxsiyyəti bizim üçün önəm kəsb edir".

Azərbaycan Aşıqlar Birliyinin sədri, Əməkdar elm xadimi professor Məhərrəm Qasımlı deyib ki, bu gün saz-söz bayramıdır: "Aylardır ki, biz hamımız bu bayramın içərisindəyik. Aşıq Ələsgər ustadlar ustadıdır. Onun sözü-sənəti Azərbaycan aşıq sənətinin pasportu olmağa layıqdir. Biz hər yerdə onun şeirlərindəki mükəmməlliyə, poetik gözəlliyə baxdığımız zaman belə qərara gəldik. Bu mənada Aşıq Ələsgər özünün ustadnamələrindən tutmuş qoşmalarına, təcnislərinə qədər Azərbaycan dilinin, ruhunun təmsilçisidir. Aşıq Ələsgərin şeirlərinə baxdığımız zaman bu şeirlərin hər misrasında aşıq sənətinin nizamnaməsini görürük”.

Tədbirin bədii hissəsində ustad sənətkarın sözlərinin aşıqlar, müğənnilər və qiraət ustaları tərəfindən təqdimatı olub. Tovuz, Qazax, Kəlbəcər və Laçından olan aşıqlar ustad sənətkarın yaradıcılığına müraciət ediblər. Proqramda qiraətçilərin ifasında “Ustadnamə”, “Qəmərcanı”, “İncimərəm”, “Qadan alım”, “Çeşmə sazçı folklor qrupu”nun ifasında “Ceyranım” və digər şeirlər səsləndirilib.

[bt_slider uid="1640174089-61c3120930813" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/w_1616400698752942656549_1000x669.jpg" title="w_1616400698752942656549_1000x669.jpg" link="" parent_tag="slider"] [bt_image src="/images/bt-shortcode/upload/w_161640069875105009251_1000x669.jpg" title="w_161640069875105009251_1000x669.jpg" link="" parent_tag="slider"] [bt_image src="/images/bt-shortcode/upload/w_1616400698765787751471_1000x669.jpg" title="w_1616400698765787751471_1000x669.jpg" link="" parent_tag="slider"] [bt_image src="/images/bt-shortcode/upload/w_1616400698764533536143_1000x669.jpg" title="w_1616400698764533536143_1000x669.jpg" link="" parent_tag="slider"] [bt_image src="/images/bt-shortcode/upload/w_161640069876965320149_1000x669.jpg" title="w_161640069876965320149_1000x669.jpg" link="" parent_tag="slider"] [bt_image src="/images/bt-shortcode/upload/w_161640069876130307137_1000x669.jpg" title="w_161640069876130307137_1000x669.jpg" link="" parent_tag="slider"] [bt_image src="/images/bt-shortcode/upload/w_1616400698762000022530_1000x669.jpg" title="w_1616400698762000022530_1000x669.jpg" link="" parent_tag="slider"] [bt_image src="/images/bt-shortcode/upload/w_16164006987648573739_1000x669.jpg" title="w_16164006987648573739_1000x669.jpg" link="" parent_tag="slider"] [bt_image src="/images/bt-shortcode/upload/w_1616400698761476522715_1000x669.jpg" title="w_1616400698761476522715_1000x669.jpg" link="" parent_tag="slider"][/bt_slider]

Dekabrın 8-də Azərbaycan Dövlət Neft və Sənaye Universitetində (ADNSU) Azərbaycan aşıq sənətinin görkəmli nümayəndəsi, qüdrətli söz ustadı Aşıq Ələsgərin 200 illik yubileyinə həsr olunmuş tədbir keçirilib.

Tədbiri giriş sözü ilə açan ADNSU-nun Tərbiyə İşləri üzrə prorektoru, dosent Ata Babayev 2021-ci il fevralın 18-də Prezident İlham Əliyev tərəfindən imzalanmış Sərəncama əsasən Aşıq Ələsgərin 200 illik yubileyinin ölkəmizdə təntənə ilə qeyd edildiyini deyib, Aşıq Ələsgərin həyatı və yaradıcılığı haqqında iştirakçılara məlumat verib.

ADNSU-nun Humanitar fənlər kafedrasının professoru Rüstəm Kamal Aşıq Ələsgərin yaradıcılığında elmi motivlərdən danışıb və aşıq sənətinin qədim ənənələrini günümüzədək ən yüksək bədii-estetik meyarlarla çatdırdığını deyib.

ADNSU-nun İnformasiya Texnologiyaları və İdarəetmə Fakültəsinin (İTİF) dekanı Fərid Ağayev ustad Aşığın Azərbaycan Şifahi Xalq ədəbiyyatına töhfələri, həmçinin Türk dünyasının aşıq sənətinə təsirindən danışıb.

Daha sonra “Humanitar fənlər” kafedrasının müəlliməsi f.ü.f.d Vəfa Abbasova “Aşıq Ələsgərin yaradıcılığında gözəlliyin tərənnümü” mövzusunda çıxış edib.

Sonda “Humanitar fənlər” kafedrasının baş müəllimi Könül Abdullayevanın rəhbərliyi ilə Aşıq Ələsgərin sözləri əsasında universitetin tələbələri tərəfindən hazırlanmış ədəbi-bədii kompozisiya nümayiş olunub.

Qeyd edək ki, Azİİ e Kitab Evində də görkəmli söz ustadı Aşıq Ələsgərin anadan olmasının 200 illiyinə həsr olunmuş “Qüdrətli söz ustadı Aşıq Ələsgər 200” adlı kitab sərgisi təşkil olunub.

Sərgidə XIX əsrin sonu XX əsrin əvvəllərində aşıq poeziyasında özünəməxsus yeri olan Aşıq Ələsgərin şeir kitabları, həmçinin Aşıq Ələsgər yaradıcılığında gözəlliyi, müdrikliyi, bəşər idrakının kamilliyini əks etdirən mətbuat məqalələri geniş yer alib. Sərgidə ədəbiyyatşünas alimlərin Aşıq Ələsgərin ustad sənətkar olmaqla yanaşı, onun yaradıcılığında Azərbaycan dilinin poetik imkanlarından, bədii ifadə vasitələrindən düzgün istifadə etməklə, şeir nümunələrinin xəlqiliyini, sadəliyini, forma və üslub xüsusiyyətlərinin keyfiyyətlərini qoruyaraq, şeir sənətimizi daha da zənginləşdirilməsindən bəhs edən kitabları da yer alıb.

“Dahi Azərbaycan şairi və mütəfəkkiri Nizami Gəncəvinin 880 illik yubileyinin keçirilməsinə dair Tədbirlər Planı” çərçivəsində həyata keçirilən tədbirlərdə fəal iştiraklarına, Nizami irsinin təbliği və tanıdılmasında mühüm xidmətlərinə görə bir qrup mədəniyyət işçisi Azərbaycan Respublikası Mədəniyyət Nazirliyinin təsis etdiyi “Nizami Gəncəvinin 880 illiyi (1141 – 2021)” xatirə nişanı ilə təltif olunub.

Təltif olunanlar arasında Azərbaycan Aşıqlar Birliyinin üzvlərindən Əməkdar mədəniyyət işçisi Samirə Əliyeva, Qələndər Zeynalov və Əli Zeynalabdinov da var. Onlar bu mükafata 2021-ci il dekabrın 17-də Heydər Əliyev Sarayında tamaşaçılara təqdim olunan “Leyli və Məcnun” dastan-tamaşasındakı uğurlu çıxışlarına görə layiq görülüblər. Bu munasiibətlə aşıqlarımızı təbrik edir, onlara yeni-yeni yaradıcılıq uğurları arzulayırıq.

Xatırladaq ki, “Leyli və Məcnun” dastan-tamaşası görkəmli şair və mütəfəkkir Nizami Gəncəvinin eyniadlı məsnəvisi üzərində aşıqların ərsəyə gətirdiyi dastan əsasında hazırlanmışdır. Dastan-tamaşanın ssenari müəllifləri Əməkdar elm xadimi, professor Məhərrəm Qasımlı və filologiya üzrə fəlsəfə doktoru, aşıq Altay Məmmədlidir.

AZƏRBAYCAN AŞIQLAR BİRLİYİ

Dahi Azərbaycan şairi və mütəfəkkiri Nizami Gəncəvinin 880 illiyi ilə əlaqədar dekabrın 17-də Heydər Əliyev Sarayında Azərbaycanda ilk dəfə “Leyli və Məcnun” dastan-tamaşasının təqdimatı keçirilib.

Sənətşünaslıq üzrə fəlsəfə doktoru Samirə Əliyeva  tamaşada Leyli obrazını canlandırıb. 
Tamaşadan sonra Moderator.az-ın suallarını cavablandıran Əməkdar mədəniyyət işçisi Samirə Əliyeva bu obrazın onun yaradıcılığında xüsusi bir missiyasının olduğunu bildirdi:

-  İlk dəfə idi ki, “Leyli və Məcnun” -nun dastan tamaşasını izlədik. Bu layihənin yaradıcılığınızda rolu nədən ibarət oldu?

- Dünən Azərbaycan incəsənəti, mədəniyyəti, aşıq sənəti tarixində bir ilk yaşandı. Belə ki, ilk dəfə olaraq “Leyli və Məcnun” dastan tamaşası nümayiş olundu. Bu dastan tamaşanın Leyli obrazını mən canlandırdığım üçün çox sevincliyəm. Leyli obrazının öhdəsindən uğurla gəldiyim üçün eyni zamanda qürurluyam. Ümid edirəm ki, bundan sonra da dastanlarımızın yaşaması, gələcək nəslin yaddaşına həkk olunması üçün dastan tamaşalarının qurulması vacib məsələdir. İnşallah davamlı olar. 

-  İndiyə qədər bir çox səhnələrdə çıxışınız olub, amma bu dəfə səhnəyə çıxışınız tamamilə fərqli idi.  

-  Əlbəttə ki, o səhnəyə çıxmağın məsuliyyət son dərəcə böyük idi, eyni zamanda həyəcan da vardı. Çünki saz havaları ilə, ilk dəfə idi ki, Leyli  obrazı ifa edilirdi. Bu dəfə “Leyli və Məcnun” dastan tamaşası qismində təqdim edildi. Bu tamaşada sözlər də dastanla idi. Musiqi də saz havalarından ibarət  hazırlanmışdı. Burada indiyə qədər “Leyli və Məcnun” tamaşasında dinlədiyimiz muğamlar, qəzəllər, şeirlərin, musiqilərin heç biri yox idi. Tam fərqli, aşıq sənətinə uyğun tamaşa hazırlanmışdı. Çünki bu dastan tamaşası idi. Musiqilər də ona görə saz havalarından ibarət idi.  Bu aşıq sənəti tarixində bir ilk idi.

-  Leyli obrazı hər bir sənətkarın arzusudur. İfaçılıqdan obraza keçid etmək sizə çətin olmadımı?  

 - Bu zaman qədər tamaşalarda heç bir obraz canlandırmamışam, ilk dəfə idi.  İlk dəfə özümü teatr səhnəsində sınamaq, aşıqların ilk Leylisi olmaq, ümumiyyətlət aşıq sənətində  ilk dastan tamaşasının iştirakçısı olmaq məsuliyyətli, bir o qədər həyəcanlı, sevincli, şərəfli və  qürurverici idi.      

- Bu tamaşanın aşıq sənətində rolu nədən ibarətdir?

 - Aşıq sənətində olan zənginliyi əyani olaraq müasir standartlara uyğun tamaşa şəklində göstərdik. Əvvəllər dastanlar bir- iki aşığın ifasında el şənliklərində baş tuturdu. İndiyə qədər  böyük konsert salonlarında aşıqların belə bir tamaşası olmamışdı. Müasir dövr üçün buna çox böyük ehtiyac var. Dastanlarımızda o qədər qəhrəmanlarımız, dahilərimiz var ki... Dastanlarımız bizim milli dəryərlərimizdir. Onu nə qədər canlandırsaq, gündəmə gətirsək bir o qədər tariximizi, milli dəyərlərimiz qorumuş, gənc nəsilə sevdirmiş olarıq. 

- 2021-ci ilin bitməsinə sayılı günlər qalıb. Geridə qoyduğumuz il yaddaşınızda necə qaldı? 

-  Geridə qoyduğumuz ildə qələbə, zəfər sevincini yaşadıq. Bu ili uzun müddət yaddaşlardan silinməyəcək. Şəhidlərimizin ruhunu, xatirəsini andıq, şəhid ailələrinin kədərini onlarla bərabər yaşadıq, qazilərimizin yanında olduq.  Müharibə bitsə də ondan qalan hisslər yaşadığımız müddətcə bizimlə bərabər olacaq. 

Geridə qoyduğumuz ildə Şuşada keçirilən Xarı bülbül festivalı mənim yaddaşımda silinməz iz qoydu. Mən heç zaman Qarabağda olmamışdım. Mən orada Qarabağın füsünkar təbiətini gördüm. Bu səfərimi  heç vaxt unutmayacam. İstər öz ölkəmizdə, istərsə də digər ölkələrdə çoxsaylı mötəbər  tədbirlərdə iştirak etmişəm.  Amma mənim üçün Xarı bülbül festivalının səhnəsi ən müqəddəs səhnə idi.

-  Yeni ildən gözləntilətiniz nələrdir?

-   Arzu edirəm ki, necə ki vətən müharibəsi dövründə bütün dünya azərbaycanlıalaır bir yumruq oldu, dəmir yumruq ətrafında birləşdik, həmrəy olduq, hər zamana belə həmrəy olaq. Biz o birliyi gördük, yaşadıq. Arzu edirəm ki, vətənimizdə hər zaman sülh, əmin-amanlıq olsun.  Qoy, körpələrimiz xoşbəxt böyüsünlər. Valideynlər öz övladları ilə daima xoşbəxt həyat sürsünlər, ailələrdə xoşbəxtlik hökm sürsün, ruzi- bərəkət bol olsun. Ölkəmiz hər zaman bütün dünya ölkələri sırasında ən öndə olsun.

 Xəyalə Rəis

Milli Məclisin Mədəniyyət komitəsinin, “Regional Hüquqi və İqtisadi Maarifləndirmə”, “Avrasiya Beynəlxalq Araşdırmalar İnstitutu” və “Nəfəs” ictimai birliklərinin dəstəyi ilə Aşıq Ələsgərin 200 illik yubileyi münasibətilə nəşr olunmuş “Dədə Ələsgər” kitabının təqdimatı olub.

AZƏRTAC xəbər verir ki, “Azərkitab” Kitab Təbliğatı Mərkəzində keçirilən tədbirin aparıcısı Milli Məclisin Mədəniyyət komitəsinin eksperti Əkbər Qoşalı qüdrətli söz ustadının 200 illik yubileyi münasibətilə ölkə başçısının müvafiq Sərəncamının əhəmiyyətindən söz açaraq Aşıq Ələsgər irsinə dövlət qayğısından danışıb. O, Prezidentinin müvafiq Sərəncamına uyğun olaraq Mədəniyyət komitəsi tərəfindən qüdrətli söz ustadı Aşıq Ələsgərə həsr olunmuş bir sıra mühüm tədbirlər təşkil etdiyini bildirib, “Dədə Ələsgər” kitabının nəşrinin və təqdimat mərasiminin də bu çərçivədə reallaşdığını vurğulayıb.

Mərasimdə Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı Aşıq Ələsgər yaradıcılığı, şəxsiyyəti haqqında geniş məruzə ilə çıxış edib.

Milli Məclisin Mədəniyyət komitəsinin sədri Qənirə Paşayeva tədbirdə geniş çıxış edib. O, bu il 200 illiyi keçirilən ustadlar ustadı Aşıq Ələsgərin uzun illərdir erməni işğalında qalan və dağıdılan məzarından da danışıb. Komitə sədri deyib ki, Qarabağ və Şərqi Zəngəzurda 30 illik işğal dönəmində ermənilər ciddi vandallıq əməlləri törətdiyi kimi Göyçədə də Aşıq Ələsgərin məzarı ilə öz xislətləri üzrə davranıblar.

Ümummilli liderimiz Heydər Əliyevin “Yalnız yüksək mədəniyyətə malik olan xalq həmişə irəli gedəcək, həmişə yaşayacaq, həmişə inkişaf edəcək” sözlərini xatırladan komitə sədri, Aşıq Ələsgər yaradıcılığının məhz yüksək mədəniyyətin örnəyi olduğunu, həmişəyaşarlıq simvolu olduğunu deyib: “Ölkə başçısı fevral ayında Aşıq Ələsgərin 200 illik yubileyinin dövlət səviyyəsində keçirilməsi haqqında, bu günlərdə isə Bakıda heykəlinin ucaldılması ilə bağlı Sərəncam imzaladı. Bu, aşıq sənətinə, ümumən mədəniyyətə dövlətimizin, şəxsən dövlət başçımızın yüksək münasibətinin ifadəsidir. UNESCO və ICESCO-nun xoşməramlı səfiri, Birinci vitse-prezidentimiz Mehriban xanım Əliyevanın səyləri ilə Azərbaycanın aşıq sənətinin UNESCO-nun Qeyri-Maddi Mədəni İrs üzrə Reprezentativ Siyahısına daxil edildiyini də burada minnətdarlıqla xatırlatmaq istərdim.

Aşıq Ələsgər Göyçədən türk dünyasına doğan sənət Günəşi idi. Onun yaradıcılığı sənətkarın insanlığa, hadisələrə, dünyaya baxışını aydın şəkildə göstərir.

Sənətkarın doğma yurdu Göyçə bu gün inzibati, siyasi-hüquqi sınırlarımız içində olmasa da, mədəniyyət, sənət coğrafiyamıza aiddir. Bizim Göyçədəki maddi-mədəni irsimiz, tarixi abidələrimiz son onilliklər boyu dağıdılıb və ya dağılmaq üzrədir. İnşallah Qarabağda, Şərqi Zəngəzurda olduğu kimi, Göyçədə də mədəni irsimizə sahib çıxacaq, onları bərpa edəcək, yenilərini tikəcək və Aşıq Ələsgərin bir abidəsini də orada yüksəldəcəyik.

Tədbirdəki digər çıxışlarda Aşıq Ələsgər irsi Azərbaycan mədəniyyəti tarixi üçün xüsusi hadisələrdən biri kimi dəyərləndirilib, şeirlərindən örnəklər səsləndirilib, sənətkarın mükəmməl şair, aşıq, dilçi, qüdrətli söz yaradıcısı olmasına diqqət çəkilib. Natiqlər Aşıq Ələsgər yaradıcılığının qorunması və təbliğ edilməsini dövlət mədəniyyət siyasətimizin tərkib hissəsi kimi şərh ediblər.

Aşıq Ələsgər ustaddan dərs almış, özü sağlığında ustadlaşmış qüdrətli sənətkar kimi xarakterizə olunub. Vurğulanıb ki, sənətkar milli, dini mənlik şüurunun gözəl tərənnümçüsü, ustad təbliğatçısı və mükəmməl yaradıcılarından, onu zənginləşdirənlərdən biri olub.

Sonda “Dədə Ələsgər Ocağı”nın rəhbəri Xətai Ələsgər çıxış edərək, bir ildə Aşıq Ələsgər haqqında iki sərəncam verən dövlət başçısına, aşıq sənətinin təbliği işinə yerli və beynəlxalq səviyyədə xüsusi dəstək göstərən Birinci vitse-prezidentə minnətdarlıq ifadə edib. O, gözəl nəşr və təqdimat üçün zəhməti keçən hər kəsə, Milli Məclisin Mədəniyyət komitəsinə təşəkkür edib, Q.Paşayevaya rəhbərlik etdiyi qurum adından təşəkkür plaketi verib.

Qeyd edək ki, Aşıq Ələsgərin nəvəsi, mərhum filoloq alim İslam Ələsgərin vaxtı ilə topladığı əsərlər və yazısı əsasında “CBS”-də çap olunan nəfis tərtibatlı “Dədə Ələsgər” kitabının layihə rəhbəri və “Ön söz” müəllifi Qənirə Paşayeva, nəşrə məsul Arzu Bağırovadır. Kitabın məsləhətçisi Milli Məclis sədrinin birinci müavini Əli Hüseynli, redaktoru Araz Yaquboğlu, rəyçiləri Əziz Ələkbərli, Xətai Ələsgər və Əkbər Qoşalıdır.

Kitab respublikanın aparıcı kitabxanalarına, digər bir sıra mədəniyyət ocaqlarına hədiyyə olunacaq.

[bt_slider uid="1639058765-61b20d4dbe9c0" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/16388630311769253258_1000x669.jpg" title="16388630311769253258_1000x669.jpg" link="" parent_tag="slider"] [bt_image src="/images/bt-shortcode/upload/16388630311594314566_1000x669.jpg" title="16388630311594314566_1000x669.jpg" link="" parent_tag="slider"] [bt_image src="/images/bt-shortcode/upload/16388630316158556030_1000x669.jpg" title="16388630316158556030_1000x669.jpg" link="" parent_tag="slider"] [bt_image src="/images/bt-shortcode/upload/16388630311934958191_1000x669.jpg" title="16388630311934958191_1000x669.jpg" link="" parent_tag="slider"][/bt_slider]