Azərbaycan Aşıqlar Birliyi daim gənclərə qayğı göstərir, istedadlı gənclərin üzə çıxarılması istiqamətində axtarışlarını davam etdirir. Bunun nəticəsidir ki.ölkəmizin ayrı-ayrı bölgələrində olan istedadlı saz-söz həvəskarları və aşıq sənətinə maraq göstərən gənclərin sayı getdikcə artmaqdadır. Bu gün belə istedadlı gənclərə paytaxt Bakı şəhəri ilə yanaşı vətənimizin hər mahalında rast gəlmək olar. Onlardan biri də Ağcabədi rayonunun Hacıbədəlli kəndindən olan Zamin Sərdar oğlu Həsənlidir.

Bakı Humanitar kollecində oxuyan Zamin uşaqlıqdan aşıq sənətinə meyil göstərib. Gənc olmasına baxmayaraq, o, kifayət qədər zəngin repertuara malikdir və özünün işıqlı sabahına böyük ümidlər oyadır.  Azərbaycan Aşıqlar Birliyi digər istedadlı gənclərimiz kimi, ona da öz qayğısını əsrgəmir, bir sənətkar kimi yetişməsi üçün lazım olan dəstəyi göstərir.

  Zamin Sərdaroğlu yaxın günlərdə AzTV və Aşıqlar Birliyinin birgə layihəsi olan “Yeni aşıq səsləri”ndə uğurla çıxış etmişdir. Zəngin repertuarı,istedadlı ifa tərzi və aşıqlıqla  bağlı bilgilərinə görə Zamin Sərdaroğlu istisna hal kimi Azərbaycan Aşıqlar Birliyinə üzv qəbul olunub. AAB-nin sədri, Əməkdar elm xadimi, professor Məhərrəm Qasımlı bu münasibətlə onu təbrik edərək üzvlük vəsiqəsini təqdim edib, sənətin çətin, lakin şərəfli yollarında gənc aşığa uğurlar arzulayıb.

Bu il Borçalı aşıq mühitinin görkəmli nümayəndəsi, XX əsrin ikinci yarısında Azərbaycan aşıq sənətinin inkişafında özünəməxsus xidmətləri olmuş ustad aşıq Kamandar Əfəndiyevin anadan olmasının 90 illik yubileyi tamam olur. Bu böyük sənətkarın yubileyinin yüksək səviyyədə qeyd olunması üçün Azərbaycan Aşıqlar Birliyində ayrıca tədbirlər planı hazırlanıb və artıq bu istiqamətdə ilk addımlar atılmaqdadır.

Azərbaycan Aşıqlar Birliyinin “Mədəniyyət” televiziya kanalı ilə birgə layihəsi olan “Saz-söz axşamı” verilişinin bir buraxılşının bütövlükdə Aşıq Kamandara həsr olunması nəzərdə tutulur. Yaxın günlərdə efirə gedəcək verilişdə Aşıq Kamandarın özsünəməxsus sənət yolundan söz açılacaq, aşıqlardan Avdı Musayev, Şaiq İncəli, Telli Borçalı, Əşrəf Qəriboğlu, Qabil Abdıyev və Ramin Qarayev ustadın repertuarına müraciət edərək yaratdığı havaları və poetik yaradıcılığından nümunələri, eləcə də ona həsr olunmuş şeirləri ifa edəcəklər.

2022-ci il may ayının 12-13-də Azərbaycan Respublikasının Prezidenti İlham Əliyevin təşəbbüsü və Heydər Əliyev Fondunun təşkilatçılığı ilə ölkəmizin mədəniyyət paytaxtı Şuşanın Cıdır düzündə “Xarıbülbül” musiqi festivalı keçirilib. Festivalının ilk günündə ölkəmizdə yaşayan müxtəlif xalqların musiqili folklor yaradıcılığı “Azərbaycan musiqisində multikulturalizm” mövzusunda təqdim edilib. Ölkəmizin müxtəlif bölgələrində yaşayan ayrı-ayrı xalqların musiqi qrupları və ifaçıları öz çıxışları ilə Azərbaycanın millətindən, dinindən asılı olmayaraq hər bir kəsin vahid Vətəni olduğu ideyasını bütün dünyaya çatdırıb. Festivalın açılışındakı çıxışında bu ideyanın tarixi əhəmiyyətini xüsusi vurğulayan Azərbaycan Prezidenti İlham Əliyev deyib: “Azərbaycanda bütün xalqlar dostluq, qardaşlıq, həmrəylik şəraitində yaşayır və bu, 44 günlük müharibə bir daha onu göstərdi ki, ölkəmizdə milli birlik, milli həmrəylik vardır”.

Festivalın açılışında Azərbaycan xalqının ümummilli lideri Heydər Əliyevin vaxtilə işğal altında olan ərazilərimiz haqqında söylədiyi “Arzu edirəm ki, sizinlə birlikdə gedək Şuşaya. Gedəcəyik, inanın ki, gedəcəyik. Şuşa Azərbaycanın gözüdür, hər bir azərbaycanlı üçün bu, iftixar mənbəyidir. Şuşa bizim mədəniyyətimizin, tariximizin rəmzidir. Şuşa hamı üçün əzizdir. Amma tək Şuşa yox, Laçın dağları da belə əzizdir. Heç vaxt biz Laçınsız yaşaya bilmərik. Ağdam kimi gözəl bir şəhər, Füzuli, Cəbrayıl, Zəngilan, Qubadlı, Kəlbəcərin o bulaqları, Kəlbəcərin o İstisuyu. Biz onlarsız yaşaya bilmərik” fikirlərini və Silahlı Qüvvələrin Müzəffər Ali Baş Komandanı, Prezident İlham Əliyevin Şuşa şəhərinin 2020-ci il noyabrın 8-də işğaldan azad edildiyi gün xalqımıza müraciətində dediyi “Xoşbəxt adamam ki, ata vəsiyyətini yerinə yetirdim. Şuşanı azad etdik! Bu, böyük Qələbədir! Şəhidlərimizin, Ulu Öndərin ruhu şaddır bu gün! Gözün aydın olsun Azərbaycan! Gözünüz aydın olsun dünya azərbaycanlıları! Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik! Şuşa bizimdir! Qarabağ bizimdir! Qarabağ Azərbaycandır!” sözlərini əks etdirən videoçarx təqdim edilib.

Festivalda digər mədəniyyət təşkilatlarının nümayəndələri ilə yanaşı, Azərbaycan Aşıqlar Birliyinin təmsilçiləri də uğurla çıxış ediblər. Əməkdar mədəniyyət işçisi Gülarə Azfalının rəhbərlik etdiyi “Çeşmə” folklor qrupu, Elman Talıstanlının rəhbərlik etdiyi İsmayıllı rayonunun  “Aşıqlar” ansamblı və tanınmış balaban ustası, Əməkdar mədəniyyət işçisi Rasim Ələsgərovun, eləcə də Əməkdar mədəniyyət işçisi Samirə Əliyeva və Əli Tapdıqoğlunun çıxışları yerli musiqisevərlərlə yanaşı, festivalın xarici qonaqları tərəfindən də böyük rəğbətlə qarşılanıb.

Şuşada keçirilən bu festival işğaldan azad olunan ərazilərdə həyata keçirilən böyük quruculuq layihələri və mədəni abidələrin bərpası ilə yanaşı, həm də tarixi torpaqlarımızda illərdir keçirilməyən mədəni tədbirlərimizin, ənənələrimizin bərpası kimi mühüm əhəmiyyət kəsb edir.

Türkiyənin Ege Universiteti Türk Dünyası Araşdırmaları İnstitutunun əməkdaşı dos. dr. Pınar Fedakar və Ege Universiteti Dövlət Türk Musiqisi Konservatoriyasının əməkdaşı Ali Hikmet Gökçen bu günlərdə Azərbaycan Aşıqlar Birliyində qonaq olublar. Azərbaycan Aşıqlar Birliyinin sədri, Əməkdar elm xadimi, professor Məhərrəm Qasımlı qonaqları salamlayıb, AAB-nin fəaliyyəti və Azərbaycan aşıq sənətinin bu günü ilə bağlı ətraflı məlumat verib.

Qarşılıqlı fikir mübadiləsi əsasında keçən görüşdə Türkiyədə və Azərbaycanda, eləcə də Borçalıda və Cənubi Azərbaycanda aşıq sənətinin bu günkü durumu ilə bağlı maraqlı fikirlər səsləndirilib. Qonaqlar xüsusilə də Borçalı aşıq mühiti, Borçalı aşıqlarının həyat və yaradıcılıqları, Borçalı aşıq havalarının özəllikləri ilə maraqlanıblar.

Bu günlərdə Azərbaycan aşıq sənətinin inkişafında özünəmxsus xidmətləri ilə seçilən, xüsusilə də balaban sənətinin inkiaşfında böyük xidmətləri olan ustad balabançı Tahir Ziyad oğlu İsgəndərov Azərbaycan Aşıqlar Birliyinin “Fəxri balaban ustası” diplomu ilə təltif olunub.

Fəxri diplomu ustad sənətkara təqdim edən AAB-nin sədri, Əməkdar elm xadimi, professor Məhərrəm Qasımlı son onilliklərdə respublikamızda balaban sənətinin inkişafına öz töhfəsini vermiş Tahir İsgəndərovun xidmətlərindən danışıb, onu təbrik edib və yeni-yeni sənət uğurları arzulayıb.

Ustad balabançı Tahir İsgəndərov onun sənətinə verilən qiymətə görə Azərbaycan Aşıqlar Birliyinə öz təşəkkürünü bildirib.

28 may – Respublika günü münasibəti ilə Azərbaycan Aşıqlar Birliyində xüsusi tədbirlər planı hazırlanıb. Artıq bu istiqamətdə işlərə start verilib.

Həyata keçiriləcək tədbirlərdən biri aşıqların konsert proqramının hazırlanmasıdır. Proqram çərçivəsində dövlətimizə və dövlətçiliyimizə, ölkəmizin müstəqilliyinə və qüdrətli Azərbaycan Ordusuna ithaf olunmuş mahnılar səsləndiriləcək. Belə ki, konsertdə aşıqlardan Qələndər Zeynalov “Qəhrəmanı” (Hüseyn Cavanın “Azərbaycan” şeiri) və “Misri” (“Orduumuz” şeiri), Ruhiyyə Zəngilanlı “Paşaköçdü” (“Ana yurdum, Azərbaycan” şeiri), Əli Pənahoğlu “İrəvan çuxuru” (Aşıq Şəmşirin “Heydərim” şeiri”) və Nərminə Salahova “Hüseyni” (Əkbər Cəfərovun “Azərbaycanım” şeiri) və “Orta müxəmməs” (Aşıq Şakir Hacıyevin “Səhər-səhər” şeiri) havalarını ifa edəcəklər.

Konset proqramı may ayının 28-də “Mədəniyyət” kanalında yayımlanan “Saz-söz axşamı” verilişində tamaşaçılara təqdim olunacaqdır.

Azərbaycan Aşıqlar Birliyində bölgələrdə yaşayan aşıqların fəaliyyətinə daim böyük diqqət yetirilir, onların yaradıcılıqlarının inkişafına hərtərəfli dəstək göstərilir. Bölgələrlə işin daha  səmərəli təşkili üçün bu günlərdə daha bir uğurlu addım atılıb. 2022-ci il iyun ayının 2-də Birliyin Gəncəbasar və Qazax-Ağstafa-Tovuz filiallarında AAB-nin sədri, Əməkdar elm xadimi, professor Məhərrəm Qasımlının, regional mədəniyyət idarələrinin, yerli icra strukturlarının təmsilçilərinin və aşıqların iştirakı ilə keçirilən toplantılarda bölgələrdə aşıq sənətinin inkişafı və qarşıda duran vəzifələr müzakirə olunub, AAB-nin hər iki filialında təşkilati məsələlər müzakirə olunaraq, yeni təyinatlar həyata keçirilib.

Azərbaycan Aşıqlar Birliyinin Gəncəbasar filialına aşıq Elbrus Hüseyn oğlu Hüseynov sədr, Saleh Ələddin oğlu Tağıyev və Elnur Elşən oğlu Əmirov isə onun müavinləri seçiliblər. İclasda həmçinin filialın aşağıdakı bölmələrinə təmsilçilər də təyin olunub: Gəncə şəhər bölməsinə Şöhrət Elman oğlu Kərimov və İlqar Nəcəf oğlu Nəcəfov; Goranboy bölməsinə Elnur Elşən oğlu Əmirov; Daşkəsən bölməsinə Saleh Ələddin oğlu Tağıyev; Kəlbəcər bölməsinə Əhliman Məhəmməd oğlu Allahverdiyev və Əfqan Əvəz oğlu Məmmədov; Göygöl bölməsinə isə Fətulla Əbdüləzim oğlu Əliyev və Ələddin Musa oğlu Süleymanov.

Azərbaycan Aşıqlar Birliyinin Qazax-Ağstafa-Tovuz filialına isə aşıq Camoy Camoy oğlu Qurbanov sədr seçilib. Eyni zamanda Hüseyn Şəmistan oğlu Dərgahquliyev Qazax, Hakim Mikayıl oğlu Zeynalov və Məmməd İsmayıl oğlu Ələsgərov Tovuz, Hüseyn Əziz oğlu Hüseynov isə Ağstafa bölmələri üzrə təmsilçilər seçiliblər.

Hər iki filial və müvafiq bölmələrdə rəhbər vəzifələrə təyinatlar üzrə AAB-nin sədri, Əməkdar elm xadimi, professor Məhərrəm Qasımlı müvafiq əmr imzalayıb.

“Əməkdar mədəniyyət işçisi", "Tərəqqi" medalı mükafatçısı Sahibə xanım Abdullayevanın 65 illik yubileyi münasibətilə tədbir keçirilib.

Tədbir İsmayıllı Rayon İcra Hakimiyyətinin və İsmayıllı Regional Mədəniyyət İdarəsinin birgə təşkilatçılığı ilə keçirilib. Yubiley tədbirində İsmayıllı Rayon İcra Hakimiyyətinin başçısı Nahid Bağırov, Millət vəkili Novruzəli Aslanov, Azərbaycan Aşıqlar Birliyinin sədri, Əməkdar elm xadimi, ptofessor Məhərrəm Qasımlı, idarə, müəssisə, təşkilat nümayəndələri, rayon ictimaiyyəti və yubliyarın sənət dostları iştirak edib.

Tədbiri giriş sözü ilə açan Millət vəkili Novuzəli Aslanov Sahibə xanımı təbrik edərək, onun yaradıcılıq yoluna nəzər salıb. Qeyd edib ki, həm respublika, həm də rayon tədbirlərində İsmayıllını layiqincə təmsil edən Sahibə xanıma ən böyük qiyməti ölkə başçısı, Prezident İlham Əliyev verərək onu “Tərəqqi” medalına və “Əməkdar mədəniyyət işçisi” adına layiq görüb. Daha sonra Millət vəkili Sahibə xanıma Azərbaycan Qızıl Aypara Cəmiyyətinin “100 illik yubiley” medalını təqdim edib.

Sonra İsmayıllı Rayon İcra Hakimiyyətinin başçısı Nahid Bağırov çıxış edərək Sahibə xanımı 65 illik yubileyi münasibətilə təbrik edib, səbəbkara rayonda təşkil olunan mədəni-kütləvi tədbirlərdə iştirakına və 65 illik yubileyi münasibətilə RİH başçısının təşəkkürnaməsini təqdim edib.

Azərbaycan Aşıqlar Birliyinin sədri, Əməkdar elm xadimi, ptofessor Məhərrəm Qasımlı yubilyarı təbrik edərək Azərbaycan Aşıqlar Birliyinin fəxri diplomunu təqdim edib.

Tədbirdə həmçinin S.Abdullayevanın həyat və yaradıcılığını əks etdirən videoçarx nümayiş olunub.

Digər çıxış edənlər də yubilyara xoş arzularını çatdırıblar.

1. S. Abdullayeva ona göstərilən diqqət və qayğıya görə tədbirin keçirilməsində əməyi keçən hər kəsə öz dərin təşəkkür və minnətdarlığını bildirib.

Yubiley tədbirində “Niyal” instrumental və “Aşıqlar” ansamblları rəngarəng konsert proqramı ilə çıxış ediblər.

[bt_slider uid="1653307595-628b78cb26c38" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/282003775_312978611006142_7823224777525019041_n.jpg" title="282003775_312978611006142_7823224777525019041_n.jpg" link="" parent_tag="slider"] [bt_image src="/images/bt-shortcode/upload/283243459_312978301006173_314208881680645690_n.jpg" title="283243459_312978301006173_314208881680645690_n.jpg" link="" parent_tag="slider"] [bt_image src="/images/bt-shortcode/upload/283216520_312978251006178_7942502961697710822_n.jpg" title="283216520_312978251006178_7942502961697710822_n.jpg" link="" parent_tag="slider"] [bt_image src="/images/bt-shortcode/upload/283173701_312978341006169_7617246603577081041_n.jpg" title="283173701_312978341006169_7617246603577081041_n.jpg" link="" parent_tag="slider"] [bt_image src="/images/bt-shortcode/upload/283353818_312978481006155_4128850231299635591_n.jpg" title="283353818_312978481006155_4128850231299635591_n.jpg" link="" parent_tag="slider"][/bt_slider]

Artıq xeyli vaxtdır ki, Azərbaycan Aşıqlar Birliyində “Yeni aşıq səsləri” adlı layihə üzərində iş gedir. Layihə çərçivəsində 17-25 yaş arasında olan gənc aşıqlara qayğı və diqqət göstərilir, sənət yollarında ilk kövrək addımlarına atan bu gənclərin ustadlardan hərtərəfli bəhrələnərək gələcəyin kamil sənətkarı kimi yetişmələrinə yardım edilir, onlar efir məkanına çıxarılırlar.

Layihənin növbəti – 3-cü buraxılışında Kəlbəcər rayonundan olan Arif Məmmədoğlu, Şamaxıdan İsgəndər Şirvanlı, əslən Göyçədən olan Ömür Göyçəli, Saatlı rayonundan olan Ələmdar Muğanlı və Ağcabədili Zamin Sərdaroğlunun ifaları “Mədəniyyət” kanalında yayımlanan “Saz-söz axşamı” verilişində tamaşaçılara təqdim olunacaqdır.

2022-ci il may ayının 17-də Azərbaycan Aşıqlar Birliyi Sumqayıt bölməsinin təşkilatçılığı İLƏ Sumqayıt şəhərində “Bakıdan Şuşaya Zəfər yolu çəkən şəhidlər” adlı ədəbi-bədii gecə keçirilib. 100-ə yaxın şəhid ailəsi və qazilərin iştirakı ilə keçirilən tədbri giriş sözü ilə Azərbaycan Aşıqlar Birliyinin Sumqayıt bölməsinin rəhbəri Qənirə Mehdixanlı açaraq tədbirin keçirilməsində əsas məqsədin 44 günlük müharibədə Vətən uğrunda canlarından keçmiş qəhrəmanlarımızı yad etmək, onların ailələrinə mənəvi dəstək vermək olduğunu bildirib.

Sonra AAB-nin sədr müavini, filologiya üzrə fəlsəfə doktoru, aşıq Altay Məmmədli çıxış edərək AAB-nin sədri, Əməkdar elm xadimi, professor Məhərrəm Qasımlının salamlarını tədbir iştirakçılarına çatdırıb. Ulu Vətən savaşında şəhid və qazilərimizin göstərdikləri igidliklərdən söz açan Altay Məmmədli qələbənin əldə olunmasında Ali Baş Komandan, ölkə başçısı cənab İlham Əliyevin polad iradəsinin, qətiyyətli qərarlarının mühüm rol oynadığını xüsusi vurğulayıb. O, həmçinin qeyd edib ki, müharibənin getdiyi ərəfədə və qələbəmizdən sonra Azərbaycan Aşıqlar Birliyi və “Mədəniyyət” televiziya kanalının birgə layihəsi olan “Saz-söz axşamı” verilişinin 10-dan çox buraxılışı igidlərimizin qəhrəmanlığına həsr olunub. Həmin günlərdə Qarabağda vuruşan oğullara həsr olunmuş çoxsaylı aşıq mahnıları efirdə səslənib.

Tədbirdə Sumqayıt ziyalıları, şairlər və mətbuat işçiləri də çıxış ediblər. Onlardan Ofeliya Babayeva, Leyla Hüseynova, Arzu Göytürk, Elbrus Qayalı, Namiq Dəlidağlı, Aygün Hacıyeva, Xatirə Fərəc, Solmaz Cahangirova və digərləri 44 günlük müharibədə xalqımızın qələbəsi ilə bağlı ürək sözlərini söyləyiblər.

Şəhid ailələri adından çıxış edən şəhid anası Leyla Əhmədova “Vətən sağ olsun” deyərək, övladlarının göstərdikləri şücaətə görə bu gün qürur duyduqlarını bildirib.

Tədbirdə aşıqlardan Təbriz Vəliyev, Şahniyar Mikayıloğlu, Çərkəz Qurbanov, Əli Zeynalabdinov, Əli Vüqaroğlu, Həvva Nəsibova, Arif Məmmədov, Nəcəf Kəlbəcərli, ustad balabançı, fəxri mədəniyyət işçisi Ələkbər Ələkbərov və digərləri şəhid və qazilərimizə ithaf olunmuş sözləri və vətənpərvərlik mövzusunda olan digər şeirləri müxtəlif aşıq havaları üstündə ifa ediblər.

Tədbirin sonunda şəhid ailələri ilə xatirə şəkli çəkdirilib.

[bt_slider uid="1652967669-628648f5c7fa5" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/WhatsApp Image 2022-05-19 at 14.54.51.jpeg" title="WhatsApp Image 2022-05-19 at 14.54.51.jpeg" link="" parent_tag="slider"] [bt_image src="/images/bt-shortcode/upload/WhatsApp Image 2022-05-19 at 14.54.52.jpeg" title="WhatsApp Image 2022-05-19 at 14.54.52.jpeg" link="" parent_tag="slider"] [bt_image src="/images/bt-shortcode/upload/WhatsApp Image 2022-05-19 at 14.54.50.jpeg" title="WhatsApp Image 2022-05-19 at 14.54.50.jpeg" link="" parent_tag="slider"] [bt_image src="/images/bt-shortcode/upload/WhatsApp Image 2022-05-19 at 14.54.53.jpeg" title="WhatsApp Image 2022-05-19 at 14.54.53.jpeg" link="" parent_tag="slider"][/bt_slider]

2022-ci il aprelin 28-də Ağsu rayon Mədəniyyət Sarayında AMEA Nizami Gəncəvi adına Milli Azərbaycan Ədəbiyyatı Muzeyinin Xaqani Şirvani adına Aran Regional filialı və İsmayıllı Regional Mədəniyyət İdarəsinin Ağsu rayon Mədəniyyət Mərkəzinin birgə təşkilatçılığı ilə Azərbaycan aşıq sənətinin görkəmli nümayəndəsi, Əməkdar mədəniyyət işçisi Aşıq Şakirin 100 illik yubileyi münasibətilə tədbir keçirilib.

Tədbiri giriş söz ilə açan muzeyin Aran Regional filialının müdiri, filologiya üzrə fəlsəfə doktoru Yaqut Bahadurqızı Şirvan aşıq mühitinin görkəmli nümayəndəsi Mirzə Bilalın ən layiqli davamçılarından biri olan Aşıq Şakir Hacıyevin adının bu gün də dillər əzbəri olmasından, sənətiylə milyonların qəlbini fəth etməsindən danışıb. O, eyni zamanda qeyd edib ki, Aşıq Şakir Şirvan aşığı olsa da, onun sənətinə olan məhəbbətin coğrafiyası Azərbaycanla yanaşı, bütün Qafqazı, Orta Asiya və İranı əhatə edir. O, məlahətli səsi, zənguləsi ilə ifa etdiyi aşıq havalarına öz möhürünü vurmuşdur.

Sonra Aşıq Şakirin ifasında lent yazısı – “Nə bağ bildi, nə də bağban” aşıq mahnısı səsləndirilib.

Tədbirdə çıxış edən Ağsu rayon İcra Hakimiyyətinin başçısı Rövşən Bağırov tədbir iştirakçılarını salamlayaraq bildirib ki, ulu öndərimiz H.Əliyev milli-mənəvi dəyərlərimizin ayrılmaz parçası olan folklorumuz və aşıq sənəti haqqında belə deyib: “Yeni əsrə, yeni minilliyə biz Qorqud irsinin bayrağı altında, Qorqud mənəviyyatını yaşadan insanlar kimi qədəm qoyuruq.” Ulu öndərin bu dahi kəlamı onun layiqli varisi İlham Əliyev və Birinci vitse-prezident, H.Əliyev fondunun prezidenti Mehriban Əliyevanın fəaliyyətinin devizinə çevrilib. Saz-söz sənətçiləri, aşıqlarımız da mənəviyyatımızın, mədəniyyətimizin keşiyində duranlar, bayrağımızı daha uca zirvələrdə dalğalandıranlar sırasındadır. Natiq çıxışının sonunda Aşıq Şakir sənətinin davamçılarına uğurlar arzulayıb.

[bt_slider uid="1651224922-626bb15ac5c5a" target="_blank" width="0" crop="no" thumbnail_width="800" thumbnail_height="600" show_title="no" centered="yes" arrows="yes" pagination="bullet" autoplay="5000" speed="600"][bt_image src="/images/bt-shortcode/upload/278577095_1669904416683875_6383429610328991144_n.jpg" title="278577095_1669904416683875_6383429610328991144_n.jpg" link="" parent_tag="slider"] [bt_image src="/images/bt-shortcode/upload/279055211_1669907690016881_8294614554154030702_n.jpg" title="279055211_1669907690016881_8294614554154030702_n.jpg" link="" parent_tag="slider"] [bt_image src="/images/bt-shortcode/upload/278592865_1669904166683900_916938237221891293_n (1).jpg" title="278592865_1669904166683900_916938237221891293_n (1).jpg" link="" parent_tag="slider"] [bt_image src="/images/bt-shortcode/upload/278576564_1669907626683554_3463481166782015641_n.jpg" title="278576564_1669907626683554_3463481166782015641_n.jpg" link="" parent_tag="slider"] [bt_image src="/images/bt-shortcode/upload/278575500_1669907553350228_4747655369225826813_n.jpg" title="278575500_1669907553350228_4747655369225826813_n.jpg" link="" parent_tag="slider"] [bt_image src="/images/bt-shortcode/upload/278575505_1669904300017220_5101700247535890451_n.jpg" title="278575505_1669904300017220_5101700247535890451_n.jpg" link="" parent_tag="slider"] [bt_image src="/images/bt-shortcode/upload/278871484_1669904113350572_2714345731910003949_n.jpg" title="278871484_1669904113350572_2714345731910003949_n.jpg" link="" parent_tag="slider"] [bt_image src="/images/bt-shortcode/upload/278641598_1669904226683894_7348119198146835933_n.jpg" title="278641598_1669904226683894_7348119198146835933_n.jpg" link="" parent_tag="slider"][/bt_slider]

Dövət Mükafatı laureatı, Əməkdar elm xadimi, professor, Azərbaycan Aşıqlar Birliyinin sədri Məhərrəm Qasımlı çıxışında bildirib ki, Aşıq Şakir dövrünün ritmi ilə yaşayan, yazıb-yaradan sənətkar olub. Respublikanın ən mötəbər tədbirlərinin bəzəyi olan sənətkar el şənliklərinin, toy-mağarların ən əziz, ən arzulanan qonağı sayılıb. Keçirdiyi yığıncaqların söz-söhbəti aylarla dillərdə dolaşıb. İstər lirik sevgi qoşmaları, istər ibrətamiz qoşmaları, istərsə də əmək qəhrəmanlarından bəhs edən mahnıları eyni həvəslə dinlənilən Aşıq Şakirin dastan, nağıl söyləməsi də dinləyicisinin yaddaşına əbədi həkk olunub.

Mədəniyyət kanalında yayımlanan “Saz-söz axşamı” verilişinin bir buraxılışı bütünlüklə Aşıq Şakir Hacıyevə həsr olunub.

M.Qasımlı həmçinin qeyd edib ki, ustad sənətkarın 100 illik yubileyinin dövlət səviyyəsində keçirilməsi ilə bağlı Azərbaycan Aşıqlar Birliyinin Mədəniyyət nazirliyinə ünvanladığı müraciət müsbət qarşılanıb.

Azərbacan Respuklikası Milli Məclisinin deputatı Tahir Kərimli müqəddəs Ramazan ayına təsadüf edən saz-söz bayramı münasibətilə tədbir iştirakçılarını təbrik edərək qeyd edib ki, Aşıq Şakir xanəndə kimi də çox sevilmiş, onun ifa etdiyi havalarda muğam gəzişmələri, xırda boğazlar, zəngulələr aşıq havalarına yeni üslub, zənginlik, şirinlik gətirmiş və xanəndələrimiz, müğənnilərimiz onun repertuarından çox şey öyrənmişlər.

Tədbirdə çıxış edən jurnalist Tofiq Abdullayev uzun müddətdən bəri görkəmli şəxslərdən, ziyalılardan, sənət adamlarından bu böyük ustad sənətkar haqqında topladığı xatirələrdən və bu xatirələrin toplusu olan 3 kitab ərsəyə gətirməsindən bəhs edib.

Məclisin sonunda Aşıq Şakirin nəvəsi, Nəsimi adına Dilçilik İnstitutunun əməkdaşı, filologiya üzrə fəlsəfə doktoru, dosent Qətibə Mahmudova çıxış edərək Şirvan aşıqlarının çoxundan fərqli olaraq Aşıq Şakirin çox gözəl saz çalmasından, aşıq yaradıcılığının digər qollarına məxsus olan havaları və muğamlarımızı öyrənib məharətlə ifa etməsindən danışıb, tədbirin təşkilatçılarına və iştirakçılarına ustad sənətkara verdikləri dəyərə görə təşəkkürünü bildirib.

Yubiley məclisinin bədii hissəsində məclisin sazlı-sözlü qonaqlarından Azərbaycan Aşıqlar Birliyi Şirvan bölməsinin sədri, Əməkdar mədəniyyət işçisi aşıq Ağamurad Şirvanlı, tanınmış xanəndə Elbrus Niftəliyev, aşıq-xanəndə İnci Şirvanlı, aşıqlardan Elman Talıstanlı, Mətləb Məmmədov, Elçin Məmmədov, Rza Məmmədov və Amil Dadaşov Aşıq Şakirin repertuarından havalar ifa ediblər.

Sonda Aşıq Şakirin nəvəsi Babək Şakirli ustad sənətkarın hər zaman sevə-sevə ifa etdiyi, yaddaşlarda yaşayan “Şirvan şikəstəsi”ni ifa edib.

Tədbir ustadın lent yazısı ilə yekunlaşdırılıb.