Azərbaycan Aşıqlar Birliyinin sədr müavini aşıq Altay Məmmədov 28-29 iyun 2019-cu il tarixində ümumdünya xalqlarının 5-ci epos festivalında iştirak etmişdir. Qırğızıstan Dövlət nümayəndələrinin qatıldığı Festivalda 30-dan çox ölkənin nümayəndələri və müxtəlif xalqların sənət adamlarının maraqlı çıxışları olmuşdur. Festivalın açılışındakı konsert proqramında ölkəmizi təmsil edən Altay Məmmədli “Qurbanı” dastanından bir parçanı tamaşaçıların nəzərinə çatdırmışdır.
Azərbaycan aşıq sənətinin nümunəsi tamaşaçılar tərəfindən yüksək maraqla qarşılanmışdır.
Festivalın yekun konsertində yenidən çıxış edən Aşıq Altay Məmmədli bu dəfə “Koroğlu” dastanından bir hissə danışaraq “Misri” və “Koroğlu Cəngi” havasını oxumuşdur. Aşığın ifası maraqla ,alqışlarla qarşılanmışdır.