Bu il Azərbaycan aşıq sənətinin görkəmli nümayəndəsi, böyük saz və söz ustadı Aşıq Ələsgərin anadan olmasının 200 illik yubiley ilidir. Bu böyük sənətkarın yubileyinin ölkə miqyasında geniş qeyd edilməsi ilə bağlı bu ilin fevralında Azərbaycan Respublikasının Prezidenti cənab İlham Əliyev ayrıca sərəncam imzalayıb. Artıq bu sərəncamdan irəli gələn vəzifələrin yerinə yetirlməsi istiqamətində mühüm işlər görülməkdədir. Bu mənada, Azərbaycan Aşıqlar Birliyinin indiyədək reallaşdırdğı layihələr xüsusi qeyd olunmalıdır.

Ozan-aşıq sənəti türk-oğuz xalqlarının, o cümlədən azərbaycanlıların mühüm sərvətidir. Çağdaş mərhələdə ozan-aşıq yaradıcılığının tədqiqi bu baxımdan xüsusi əhəmiyyət daşıyır. Yeri gəlmişkən, “Ozan-aşıq ensiklopediyası” ikicildliyinin nəşri bu işə əhəmiyyətli töhfə kimi qiymətləndirilə bilər. “Ozan-aşıq ensiklopediyası” Azərbaycanın müstəqilliyini əldə etdikdən sonra milli mədəniyyətə böyük qayğının nəticəsi kimi ortaya çıxıb. “Ozan-aşıq ensiklopediyası” Azərbaycan Respublikasının Prezidenti İlham Əliyevin Aşıqlar Birliyinin inkişafına dəstək məqsədilə ayırdığı vəsait hesabına nəşr olunub.

Noyabrın 28-də İsmayıllı rayon Mədəniyyət evində Mədəniyyət və Turizm Nazirliyi, Azərbaycan Aşıqlar Birliyi və İsmayıllı Rayon İcra Hakimiyyətinin birgə təşkilatçılığı ilə Şirvan aşıq mühitinin dövrümüzdəki tanınmış nümayəndəsi, ustad aşıq, Əməkdar Mədəniyyət İşçisi Yanvar Bədəlovun anadan olmasının 75 illik yubileyi qeyd olunub. Əməkdar Mədəniyyət İşçisi, tanınmış folklorşünas alim Elxan Məmmədlinin aparıcılığı ilə keçən tədbirdə yubilyarı təbrik etmək üçün ilk söz İsmayıllı RİH başçısı Mirdaməd Sadıqova verilib.

2017-ci il mayın 15-də Azərbaycan Dövlət Filarmoniyasında XVIII əsr Azərbaycan ədəbiyyatının görkəmli nümayəndələrindən biri olan Molla Pənah Vaqifin anadan olmasının 300 illik yubileyi münasibəti ilə Mədəniyyət və Turizm Nazirliyi  və Azərbaycan Aşıqlar Birliyinin təşkil etdiyi “Könüldən könülə yollar görünür” adlı tədbir keçirilib.
Tədbiri giriş sözü ilə açan Azərbaycan Aşıqlar Birliyinin sədri, Əməkdar Elm Xadimi, professor Məhərrəm Qasımlı qeyd etdi ki, Molla Pənah Vaqif öz ənənələri ilə seçilən ədəbi məktəb yaratmış ölməz sənətkardır.

2017-ci il may ayının 3-4-də Qırğızıstanın paytaxtı Bişkek şəhərində “Beynəlxalq Türk dünyası aşıqlıq gələnəyi” mövzusunda elmi konfrans keçirlib. Qırığızıstan-Türkiyə Manas universitetinin (KTMU) Ədəbiyyat fakültəsi Türkoloji bölümünün təşkilatçılığı təşkilatçılığı və Qırğızıstan respublikasının Mədəniyyət, İnformasiya və Turizm nazirliyi, TİKA (Türk İşbirliyi və Koordinasiya Agentliyi), Qırğızıstan Xalqları Məclisi və Beynəlxalq Türk Mədəniyyəti Təşkilatının təşkilatçılığı ilə keçirilən tədbirə   Azərbaycan Aşıqlar birliyinin təmsilçiləri də qatılıb.  

2009-cu ildə Azərbaycan aşıq sənəti YUNESKO-nun qeyri-maddi mədəni irs üzrə reprezentativ siyahısına daxil edildikdən sonra xalqımızın bu ölməz sənəti dünya miqyasında daha çox tanınmağa başladı. Bu gün mədəniyyətimizin digər sahələri kimi, aşıq sənətinə də dövlət səviyyəsində qayğı və diqqətin gündən-günə artması göz önündədir. İndi aşıqlarımızın səsi tez-tez müxtəlif xarici ölklərin möhtəşəm salonlarından gəlir.

Martın 28-də Heydər Əliyev Sarayında Mədəniyyət və Turizm Nazirliyi, AzTV və Azərbaycan Aşıqlar Birliyinin birgə layihəsi əsasında ustad sənətkar, Əməkdar incəsənət xadimi Aşıq Şəmşirin xatirəsinə həsr olunmuş “Dədə Şəmşir ucalığı” adlı konsert keçirilib.
Əvvəlcə tədbir iştirakçıları sarayın foyesində sənətkara həsr edilmiş fotosərgiyə baxıblar.

Heydər Əliyev Sarayında “Dədə Şəmşir ucalığı” adlı konsert təşkil olunub.

AZƏRTAC xəbər verir ki, saz və sözün yer aldığı musiqili gecə Aşıq Şəmşirin xatirəsinə həsr edilib. Əvvəlcə tədbir iştirakçıları sarayın foyesində unudulmaz sənətkara həsr edilmiş fotosərgiyə baxıblar.

Tədbirdə çıxış edən Azərbaycan Aşıqlar Birliyinin sədri, professor Məhərrəm Qasımlı sənətkarın ömür yolundan və zəngin yaradıcılıq axtarışlarından söz açıb.