“Sazın ana laylası” adlı konsert proqramı keçirildi...

Saz-söz axşamına qonaq olmaq, gözəlliklərə göz kəsilmək həqiqətən də xoşbəxtlikdir. Qadın hər zaman gözəlliyi, nəcibliyi, xanımlığı ilə diqqət mərkəzində olub. Zərif məxluqların yaratdığı xarüqələr aləmi mat qoyub həmişə.

Ana sazımızın təəssübkeşi olan qadın aşıqlar hər zaman dədə-baba yadigarı olan sazımıza sahib çıxmağı bacarıblar.  Qadın aşıqlar sazları sinədə səhnəyə çıxanda həqiqətən də dinləyici və tamaşaçılara böyük zövq yaşadıb.

“SAZIN ANA LAYLASI”

Sizi xanım aşıqların “Sazın ana laylası” adlı konsertinə dəvət edirik. Konsert 02 mart 2017-ci il tarixində, saat 19:00-da R.Behbudov adına Mahnı Teatrında keçiriləcəkdir.


Ünvan:  Rəşid Behbudov, 24

Azərbaycan aşıqları Aşqabadda keçirilən Beynəlxalq Elmi Konfransdan qayıdıb

Azərbaycan aşıq sənətinin yalnız ölkəmizdə deyil, onun hüdudlarından kənarda da təbliğ olunması üçün dövlət səviyyəsində böyük səylər göstərilir. Son illər aşıqlarımız mütamadi olaraq dünayanın müxtəlif ölkələrində keçirilən folklor festivallarında, saz-söz şölənlərində, beynəlxalq konfrans və elmi simpoziumlarda iştirak edir...

Bakıda ustadlara sayğı gecəsi

Dekabrın 1-də Beynəlxalq Muğam Mərkəzində “Ustadlara sayğı gecəsi” adlı sazlı-sözlü tədbir təşkil olunub.
AZƏRTAC xəbər verir ki, tədbir Mədəniyyət və Turizm Nazirliyi, Azərbaycan Aşıqlar Birliyi, Türk Mədəniyyəti və İrsi Fondu, Bakı Yunus Əmrə İnstitutunun birgə təşkilatçılığı, Türkiyənin ölkəmizdəki səfirliyinin dəstəyi ilə baş tutub. Tədbirdə Azərbaycan Aşıqlar Birliyinin sədri Məhərrəm Qasımlı və Bakı Yunus Əmrə İnstitutunun rəhbəri İbrahim Yıldırım çıxış edərək üzü Dədə Qorquddan bu günə gələn aşıq sənətinin yaşadılması baxımından tədbirin əhəmiyyətini yüksək qiymətləndiriblər. Bildirilib ki, bu ortaq mədəni keçmişdən gələn xalqlarımızın ortaq gələcəyinə doğru yolda mühüm addımdır. Qeyd olunub ki, gələcəkdə belə tədbirlər böyük miqyasda - türk dünyası arealında təşkil edilməlidir.

Aşıq musiqisi Avropa musiqisinin sintezində

Azərbaycan Aşıqlar Birliyində (AAB) aşıq musiqisi ilə Avropa musiqisinin (rok, caz, pop və digər) sintezi problemlərinə həsr olunmuş nəzəri-təcrübi tədbir keçirilib. AAB-nin katibi, Əməkdar Mədəniyyət İşçisi Musa Nəbioğlu AZƏRTAC-a bildirib ki, aşıqlar, musiqiçilərlə yanaşı, bəstəkarların və musiqişünasların da iştirak etdiyi tədbirdə qurumun sədri, Əməkdar Elm Xadimi, professor Məhərrəm Qasımlı Azərbaycan aşıq musiqisinin Avropa musiqisi ilə sintezi imkanlarından və bu istiqamətdə görülən işlərdən danışıb.

Aşıq Hüseyn Saraclının 100 illiyinə həsr olunan xatirə gecəsi keçirildi

Azərbaycan aşıq sənətinin görkəmli nümayəndəsi, Borçalı aşıq mühitinin əvəzedilməz siması, Gürcüstan Respublikasının əməkdar mədəniyyət işçisi aşıq Hüseyn Saraclının anadan olmasının 100 illiyi münasibəti ilə təntənəli yubiley mərasimi keçirildi.
Noyabrın 16-da Azərbaycan Respublikası Mədəniyyət və Turizm Nazirliyi və Azərbaycan Aşıqlar Birliyinin təşkilatçılığı ilə M.Maqomayev adına Azərbaycan Dövlət Filarmoniyasında keçirilən tədbir Hüseyn Saraclını bir daha yada saldı. Ustad aşıq Hüseyn Saraçlının anadan olmasının 100 illiyinə həsr olunan xatirə gecəsi onun lent yaddaşına çökən, artıq tarixə çevirilən ifaları ilə başlandı. H.Saraclının xatirə gecəsində çıxışedən Azərbaycan Aşıqlar Birliyinin sədri, Əməkdar Elm Xadimi, professor Məhərrəm Qasımlı açdı.

Görkəmli söz ustası Aşıq Pənahın 90 illik yubileyi qeyd edilib

Oktyabrın 25-də R.Behbudov adına Dövlət Mahnı Teatrında Azərbaycan aşıq sənətinin görkəmli nümayəndəsi Aşıq Pənahın anadan olmasının 90 illiyinə həsr edilmiş təntənəli tədbir keçirilib.
AZƏRTAC xəbər verir ki, Mədəniyyət və Turizm Nazirliyinin və Azərbaycan Aşıqlar Birliyinin (AAB) birgə təşkilatçılığı ilə keçirilən tədbirdə aşığın həyat və yaradıcılığını əks etdirən videoçarx nümayiş olunub. AAB-nin sədri, Əməkdar Elm Xadimi Məhərrəm Qasımlı XX əsr aşıq sənətinin görkəmli nümayəndələrindən biri olan Aşıq Pənahın təkcə Azərbaycanda deyil, ölkəmizin hüdudlarından kənarda da tanındığını bildirib.

Azərbaycan Dövlət Filarmoniyasında “Çiçəklənən, ana yurdum” adlı konsert proqramı təqdim olundu

Oktyabrın 8-də Müslüm Maqomayev adına Azərbaycan Dövlət Filarmoniyasında Azərbaycan Respublikasının dövlət müstəqilliyinin bərpa olunmasının 25-ci ildönümünə hərs olunmuş “Çiçəklənən, ana yurdum” adlı konsert proqramı təqdim olundu. Konsert Mədəniyyət və Turizm Nazirliyi və Azərbaycan Aşıqlar Birliyinin birgə təşkilatçılığı ilə keçirilirdi.

Azərbaycanın dövlət müstəqilliyinin 25 illiyi münasibəti ilə aşıqların konserti keçiriləcək

Bakı. Fərid Mirzəyev – APA. Oktyabrın 8-də M. Maqomayev adına Filarmoniyada Mədəniyyət və Turizm nazirliyi ilə Azərbaycan Aşıqlar Birliyinin birgə təşkil etdikləri “Çiçəklən, ana yurdum” adlı tədbir keçiriləcək. Aşıqlar Birliyindən APA-ya verilən məlumata görə, tədbir Azərbaycanın dövlət müstəqilliyinin 25 illiyinə həsr olunur. Tədbirdə respublikanın müxtəlif bölgələrini təmsil edən aşıqlar geniş konsert proqramı ilə çıxış edəcək.

2 -dən səhifə 3