Azərbaycan Aşıqlar Birliyində daha bir layihə uğurla başa çatdırılıb. Son illərdə aşıq sənəti və ustad aşıqlarla bağlı bir çox dəyərli kitablar nəşr etdirən AAB-nin növbəti ikicildlik nəşri “Aşığam, Haqdan yanar çırağım” adlanır. Bu barədə məlumat verən Azərbaycan Aşıqlar Birliyinin katibi, Əməkdar mədəniyyət işçisi Musa Nəbioğlu bildirib ki, irihəcmli toplunun birinci cildində aşıqların və yazılı ədəbiyyat nümayəndələrinin ustad aşıqlara həsr etdikləri şeirlərlə yanaşı, saz və aşıq havaları ilə bağlı da seçmə şeirlər, ikinci cilddə isə aşıqlar barədə qələmə alınmış epik şeir, nəsr və dram əsərləri yer alıb.

2026-cı il iyulun 8-də Azərbaycan Aşıqlar Birliyində “Ədalət” qəzetinin əməkdaşı, Əməkdar jurnalist Faiq Qismətoğlunun anadan olmasının 70 illik yubileyinə həsr olunmuş tədbir keçirilib. Giriş sözü ilə tədbiri açan AAB-nin sədri, Əməkdar elm xadimi, professor Məhərrəm Qasımlı Faiq Qismətoğlunun keçdiyi ömür yolundan və yaradıcılığından söz açıb, yubilyarı 50 il bundan əvvəldən – hələ tələbəlik illərindən tanıdığını, elə o zamandan da aralarında səmimi və doğma münasibət yarandığını vurğulayıb, onu yüksək insani keyfiyyətləri ilə fərqlənən bir qələm adamı, işıqlı ziyalı kimi dəyərləndirib.

Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi, Azərbaycan Respublikası Elm və Təhsil Nazirliyi, Naxçıvan Dövlət Universiteti və Qərbi Azərbaycan İcmasının birgə təşkilatçılığı ilə keçirilən  III “Qərbi Azərbaycana qayıdış” konqres-festivalında Azərbaycan Aşıqlar Birliyi də layiqincə təmsil olunub. Tədbir çərçivəsində Azərbaycan Aşıqlar Birliyinin sədri, Dövlət Mükafatı laureatı, Əməkdar elm xadimi, professor Məhərrəm Qasımlının  müəllifi olduğu “Ozan-aşıq sənəti və ədəbiyyatı”, “Aşıq Ələsgərlə bağlı dastan-rəvayətlər” və “Qərbi Azərbaycan aşıqlarının dastan repertuarı” kitablarının təqdimatı keçirilib.

https://youtu.be/R2HTg3ddXS8

Azərbaycan Aşıqlar Birliyi İdarə Heyətinin üzvü,  IV, V və VI Aşıqlar qurultaylarının iştirakçısı, Ümumittifaq Yaradıcılıq Festivalınını laureatı, “Fəxri mədəniyyət işçisi” Cabbar Qasım oğlu Cabbarov 20 avqust 1950-ci ildə Laçın rayonunun Ağbulaq kəndində anadan olub. 1967-ci ildə orta məktəbi bitirib, 1969-cu ildə o zamankı V.İ.Lenin adına Pedaqoji instituta (indiki ADPU) daxil olub 1973-cü ildə həmin ali məktəbi bitirib. 

Abşeron-Xızı Regional Mədəniyyət idarəsi, Sumqayıt şəhərindəki Bülbül adına 2 saylı Uşaq İncəsənət Məktəbinin saz ixtisası üzrə müəllimi Nurlan Məmmədlinin bədii rəhbəri olduğu “Cəngi” sazçı folklor qrupu son illərdə beynəlxalq və respublika miqyaslı bir sıra festivallarda uğurla çıxış edir.

Hüseyn Saraçlı – 110

XX əsri, xüsusən də əsrin ikinci yarısını Borçalıda aşıq sənətinin inkişafının qızıl dövrü adlandıranlar haqlıdırlar. Bu dövr bütövlükdə Azərbaycan aşıq sənətində öz dəst-xəttinə görə seçilən çox böyük ustad saz-söz sənətkarları ilə fərqlənir. Şair Nəbi, Ağacan, Sadıq Sultanov, Xındı Məmməd, Əmrah Gülməmmədov, Hüseyn Saraçlı, Alxan Qarayazılı, Kamandar Əfəndiyev, fəaliyyətləri XXI əsrin ilk onilliklərində də davam etmiş Aslan Kosalı, Əhməd Sadaxlı, Məhəmməd Sadaxlı, Nurəddin Qasımlı, Gülabı Xındı Məmmədoğlu və digərləri... Hər biri ayrıca bir məktəb olan ustad sənətkarlar.