PREZIDENT İLHAM ƏLIYEV

AŞIQ SƏNƏTİ BİZİM MİLLİ SƏRVƏTİMİZDİR, MİLLİ SƏNƏTİMİZDİR!
PREZİDENT İLHAM ƏLIYEV

“Folklor və etnoqrafiya” jurnalının növbəti nömrəsi işıq üzü görüb

Azərbaycan Aşıqlar Birliyinin (AAB) dəstəyi ilə nəşr olunan “Folklor və etnoqrafiya” elmi-ədəbi jurnalının 3-cü nömrəsi çapdan çıxıb.
AZƏRTAC xəbər verir ki, jurnalın ilk səhifələrində AAB-nin sədri, Əməkdar Elm Xadimi, professor Məhərrəm Qasımlının “Taleyimdən və ürəyimdən keçənlər” sərlövhəli aforizmləri dərc edilib. Növbəti səhifələrdə filologiya elmləri doktoru, professor İsmayıl Məmmədlinin “Ulu söz ustadlarımız” silsiləsindən “Deyilən söz yadigardır”, “Ozan dünyası” silsiləsindən “Qolça qopuz”la “ozan” çalğı alətlərinin fərqli xüsusiyyətləri”, Məti Osmanoğlunun “Hüseyn Saraclı 100” silsiləsindən “Sizə kimdən deyim” başlıqlı yazıları yer alıb.

Tarixi araşdırmalar mövzusunda “Sayalı yurdlar” rubrikasından Bəhruz Rüstəmovun “Haçaqaya”, Z.Dəmirçinin “Aşıq Mirzə Səməd və Sarıtel” dastanı, yaxud nakam bir eşqin sorağında” araşdırma yazıları, filologiya elmləri doktoru Fikrət Əlizadənin “Dünya dillərindəki açar səs birləşmələrindən biri: DRV (kök samitləri)” elmi yazısı xüsusilə diqqəti cəlb edir.