PREZIDENT İLHAM ƏLIYEV

AŞIQ SƏNƏTİ BİZİM MİLLİ SƏRVƏTİMİZDİR, MİLLİ SƏNƏTİMİZDİR!
PREZİDENT İLHAM ƏLIYEV

“Azərbaycan əsgərinin çəkməsi hansı nöqtəyə dəyirsə, orda dövlətçiliyimizin əzəməti var…”

“Azərbaycan Ordusu, xalqı mətanətlə bu çətinlikləri arxada qoydu və bizə böyük, ağır bir problem olan Qarabağ probleminin həllini Azərbaycan ordusu, Azərbaycan dövləti, Azərbaycanın Ali Baş Komandanın rəhbərliyini altında gerçəkləşdirə bildi”.

Bunu Moderator.az-a açıqlamasında Azərbaycan Aşıqlar Birliyinin sədri Məhərrəm Qasımlı deyib. M.Qasımlı ordu günümüz münasibətilə xalqımızı və hərbçilərimizi təbrik edib:

“Azərbaycan Ordusunun yaranmasından 103 il keçir. Bu 103 ilin ilk dönəmi də çox ağır olub. Xalq Cümhuriyyəti dönəmində Qarabağ və Azərbaycanın bütövlüyü uğrunda savaşlar gedib. Bizim böyük generallarımız olub ki, onlar da orduyala bərabər, bu mücadiləni aparıblar. Sonra təəssüf ki, uzun bir zaman Sovet hökumətinin tərkibində olmuşuq. Sovet dönəmindən sonra Milli Azərbaycan Ordusu yenidən bərpa olunub və Milli Azərbaycan Ordusunun da bütün hədəfləri Azərbaycan milli-mənəvi varlığını, tarixi coğrafiyasını, dövlət üstünlüyünü qorumaq olub. Bunu biz illər boyu öz gözümüzlə gördük. Ordumuzun yenicə qurulması, ordumuzla bağlı problemlərin hamısı gözümüzün önündə oldu. Amma Azərbaycan Ordusu, xalqı mətanətlə bu çətinlikləri arxada qoydu və bizə böyük, ağır bir problem olan Qarabağ probleminin həllini Azərbaycan Ordusu, Azərbaycan dövləti, Azərbaycanın Ali Baş Komandanın rəhbərliyini altında gerçəkləşdirə bildi. Qarabağımızı, Şuşamızı azad etdik. 

 

İstər Bakıda, Qazaxda, Ağdamda və bir sözlə, torpağından asılı olmayaraq Azərbaycan əsgərinin çəkməsi hansı nöqtəyə dəyirsə, o nöqtədə bizim milli qürurumuz, dövlətçiliyimizin möhtəşəmliyi, əzəməti var. Bu mənada mən ordumuzla fəxr edirəm. Ordumuzun başında duran generallarından tutmuş əsgərlərinə kimi hər biri bizim qürurumuzdu və bu qüruru bizə yaşadan da Azərbaycan bayrağına onların hörmətidir. Torpaqlarımızın azad edildiyi hər yerdə bayrağımızı sancır və əsgərlərimiz bayrağımıza xüsusi bir zəfər hesabatı verirlər. Bu zəfər hesabatlarının hamısı bizdə böyük qürur, ürək yaratdı. Bu gün də Azərbaycan Ordusu harda varsa, Azərbaycan bayrağıyla irəliləyir, Azərbaycanın iqtisadi, hərbi, dövlətçilik qüdrətini hər yerdə, məqamda sübut edir və bundan sonra da belə olacaq. Çünki bizim ətrafımız dostlarımızla bərabər, həm də düşmənlərimizlə sarılıdır. O düşmənlərə qolumuzun qüdrətini, hərbi gücümüzü göstərməliyik. Bunun üçün ordumuz da var olsun ki, bizə həmişə qürur yaşadır”. 

Vasif Əlihüseyn