PREZIDENT İLHAM ƏLIYEV

AŞIQ SƏNƏTİ BİZİM MİLLİ SƏRVƏTİMİZDİR, MİLLİ SƏNƏTİMİZDİR!
PREZİDENT İLHAM ƏLIYEV

“Bu bir daha onu göstərir ki, Azərbaycan xalqının ruhu yenilməzdi, qırılmazdı...”

“İnsanlarımızın, xüsusən də gənclərimizin düşmənin hansı texnikasını məhv etdiyimizi əyani şəkildə görmək üçün burdan Qarabağa getmək çətindir. Amma Bakıda Hərbi Qənimətlər Parkının yaradılması olduqca vacib idi”
Bunu Moderator.az-a açıqlamasında Azərbaycan Aşıqlar Birliyinin sədri, professor Məhərrəm Qasımlı deyib. M.Qasımlı Hərbi Qənimətlər Parkının Azərbaycan xalqının tarixində xüsusi rol oynadığını bildirib:
“44 günlük Vətən müharibəsindən sonra adamlarda böyük bir zəfər coşqusu yaranıb. İnsanlarımızın, xüsusən də gənclərimizin düşmənin hansı texnikasını məhv etdiyimizi əyani şəkildə görmək üçün burdan Qarabağa getmək çətindir. Amma Bakıda Hərbi Qənimətlər Parkının yaradılması olduqca vacib idi. Bu mənada artıq bundan sonra məktəblilər, tələbələr, uşaqlar öz gözüylə görəcək ki, bizim müzəffər ordumuz, qalib əsgərimiz hansı texnikaları məhv edib. Düşmən bizə qarşı nə qədər təcavüz planları hazırlamışdı, amma Azərbaycan Ordusunun, xalqının, Ali Baş Komandanının yenilməz ruhu və döyüşkənliyi bu qələbəni gerçəkləşdirib. Bütün bunların əyani sübutu Hərbi Qənimətlər Parkında sərgilənməkdədir. Düşmənin istifadə etdiyi topdan, tankdan tutmuş artilleriya qurğularına qədər ən müxtəlif hərbi-texniki vəsaitləri bu parkda cəmləşdirilib. Bütün bunlar bu gün və gələcək üçün təbliğatdır. Həm də gələcəkdə Azərbaycan xalqı və ordusu üçün böyük bir qürur mənbəyidir ki, o hansı ordunu məhv edərək, axırına çıxıb. Bu bir daha onu göstərir ki, Azərbaycan xalqının ruhu yenilməzdi, qırılmazdı, “Qarabağ Azərbaycandır!” şüarı sıradan bir şüar deyil, bütün xalqın ifadəsidir. Hərbi Qənimətlər Parkında hər şey əyani şəkildədi və bir də o döyüş səhnələri çox ustalıqla yaradılıb. Düşmən əsgərlərinin o məzlum ifadələri çox ustalıqla hazırlanıb, bu mənim diqqətimi çəkdi. İnşallah həmişə zəfərlə bağlı söhbətlərimiz olsun, xalqımız qürur duysun və Azərbaycan xalqı Qarabağa da elə bu ruhla qayıtsın”.
 
Vasif Əlihüseyn