Bu barədə məlumat verən Azərbaycan Aşıqlar Birliyinin katibi, Əməkdar mədəniyyət işçisi Musa Nəbioğlu bildirib ki, “Aşıq gözəlləmələri” adlı diskdə Dədə Şəmşir, Hüseyn Saraçlı, Hüseyn Cavan, Şakir Hacıyev, İmran Həsənov, Məmmədağa Babayev, Kamandar Əfəndiyev, Əkbər Cəfərov, İsfəndiyar Rüstəmov, Pənah Pənahov və Müseyib Nəsibov kimi dünyasını dəyişmiş ustad aşıqlarla yanaşı aşıq sənətinin bu günkü tanınmış nümayəndələrindən olan Qələndər Zeynalov, Solmaz Kosayeva, Ağamurad İsrafilov, Nəbi Nağıyev, Nazim Quliyev, Altay Məmmədli, Roman Azaflı və digərlərinin ifaaları toplanıb.
Prezident təqaüdçüsü, Əməkdar mədəniyyət işçisi Aşıq Ulduz Sönməzin ifalarının lentə alındığı audioalbom iki diskdən ibarətdir. Albomda bu tanınmış sənətkarın 50-yə yaxın ifası yer alıb.
Üçüncü diskdə isə gənc olmasına baxmayaraq, bənzərsiz ifası ilə respublikamızda kifayət qədər tanınan Gözəl Kəlbəcərlinin ifasında klassik aşıq havaları və sənətkarın özünün bəstələri yer alıb.
Xatırladaq ki, hər üç audiodisk Azərbaycan Respublikasının Prezidenti cənab İlham Əliyevin 2019-cu ildə Azərbaycan Aşıqlar Birliyinin inkişafına dəstək məqsədi ilə ayırdığı vəsait hesabına hazırlanaraq “Nurlu sabah” MMC-də işıq üzü görüb.