PREZIDENT İLHAM ƏLIYEV

AŞIQ SƏNƏTİ BİZİM MİLLİ SƏRVƏTİMİZDİR, MİLLİ SƏNƏTİMİZDİR!
PREZİDENT İLHAM ƏLIYEV

AAB SƏDRİ YUBİLYARI VƏ TÜRKİYƏLİ QONAQLARI QƏBUL EDİB

Bu günlərdə Azərbaycan Aşıqlar Birliyinin Türkiyə üzrə koordinatoru,  ölkəmizdəki qadın aşıqlar arasında özünəməxsus yeri olan Sevil Xıdırovanın anadan olmasının 50 illik yubileyi tamam olub. Bu münasibətlə keçirilən tədbirdə xanım aşığın ölkəmizdəki sənət dostları ilə yanaşı Türkiyədən gəlmiş qonaqlar da iştirak edib.

Yubilyar Sevil Xıdırova və Türkiyəli qonaqlar – Sivas Fasıl Heyəti Aşıqlar və Xalq Oyunları Dərnəyinin başkanı Ahmet Ayık və dərnəyin idarə heyətinin üzvləri Gülser Vacid və Əbubəkir Güney Azərbaycan Aşıqlar Birliyini də ziyarət ediblər. AAB-nin sədri, Əməkdar elm xadimi, professor Məhərrəm Qasımlı qonaqları salamlayaraq onlara Birliyin fəaliyyəti və son illərdə həyata keçirdiyi tədbirlər barədə ətraflı məlumat verib, Azərbaycan və Türkiyə aşıqlarının qarşılıqlı yaradıcılıq əlaqələrinin daha da genişləndirilməsinin vacibliyini vurğulayıb.

Söhbət zamanı o həmçinin AAB sədri professor M.Qasımlı və qonaqlar aşıq Sevil Xıdırovanın həm aşıq, həm də bu sənətin yeniyetmə və gənclərə öyrədilməsində yorulmaz fəaliyyəti olan bir sənətçi kimi xidmətlərini qeyd etməklə yanaşı, onun Azərbaycan və Türkiyə aşıqları arasında əlaqələrin möhkəmləndirilməsindəki fəaliyyətini də yüksək dəyərləndiriblər.

AAB-nin sədri, Əməkdar elm xadimi, professor M.Qasımlı Sevil Xıdırovanı 50 illik yubileyi münasibəti ilə Birliyin Fəxri diplomu ilə təltif edərək ona yaradıcılığında uğurlar arzulayıb, qonaqlara isə AAB-nin son illərdə nəşr etdirdiyi aşıq sənətinə dair çox qiymətli kitabları hədiyyə edib.

Sonda qonaqlarla xatirə şəkli çəkdirilib.

WhatsApp Image 2023 05 12 at 11.41.0q0

WhatsApp Image 2023-05-12 at 11.40.59.jpg

WhatsApp Image 2023-05-12 at 11.411.59.jpg

WhatsApp Image 2023-05-12 at 11.41.00.jpg

WhatsApp Image 2023-05-12 at 11.41.101.jpg

WhatsApp Image 2023-05-12 at 11.41.0222.jpg

WhatsApp Image 2023-05-12 at 11.411.03.jpg

WhatsApp Image 2023-05-12 at 11.2141.03.jpg