Görkəmli türkoloq-alimin xatirəsinə həsr olunmuş tədbir keçirilib
Azərbaycan Milli Elmlər Akademiyasının Elmi Kitabxanasında görkəmli türkoloq-alim, filologiya elmlər doktoru, folklorşünas, antropoloq, türk xalqları mifologiyasının tanınmış araşdırmaçısı, tərcüməçi Arif Acaloğlunun xatirəsinə həsr olunmuş tədbir keçirilib. Tədbirdə Arif Acaloğlu ilə yaxın münasibətləri olan elm adamları, tarixçilər, filoloqlar və ictimai xadimlər iştirak ediblər. Azərbaycan Türk Ocaqları İctimai Birliyinin təşkilatçılığı ilə keçirilən tədbirdə tanınmış nasir, publisist və tərcüməçi Nəriman Əbdürrəhmanlının Arif Acaloğlunun məqalələri və dostlarının xatirələrindən ərsəyə gətirdiyi "Arif Acaloğlu: Uzaq yolların adamı" kitabının təqdimatı baş tutub.
Ətraflı...“Aşıq dastanları”nın 3-cü cildi işıq üzü görüb
Azərbaycan Aşıqlar Birliyində (AAB) nəşrə hazırlanan “Aşıq dastanları” çoxcildliyinin 3-cü cildi işıq üzü görüb.
Bu barədə AZƏRTAC-a AAB-nin katibi, Əməkdar mədəniyyət işçisi Musa Nəbioğlu məlumat verib.
USTAD AŞIQ MAHMUD MƏMMƏDOVUN 90 İLLİK YUBİLEYİ QEYD OLUNACAQ
Bu il Azərbaycan aşıq sənətinin görkəmli nümayəndələrindən biri olan ustad sənətkar Mahmud Məmmədovun (1935-2020) anadan olmasının 90 illik yubiley ilidir. XX əsrin ortalarından sənətə gələn M.Məmmədov ömrünün 70 ilini aşıq sənətinin yaşadılmasına və təbliğinə həsr edib, ustad aşıq kimi tanınıb, neçə-neçə gəncə bu sənətin sirlərini öyrədib. Dəfələrlə xarici ölkələrdə keçirilən folklor festivallarında Azərbaycan mədəniyyətini layiqincə təmsil edib, fəxri fərmanlara və müxtəlif mükafatlara layiq görülüb. Onun sənət qarşısındakı xidmətləri dövlətimiz tərəfindən də layiqincə dəyərləndirilib – Prezident təqaüdünə və “Əməkdar mədəniyyət işçisi” fəxri adına layiq görülüb.
TANINMIŞ FOLKLORŞÜNAS ALİM, ƏMƏKDAR MƏDƏNİYYƏT İŞÇİSİ ELXAN MƏMMƏDLİ VƏFAT EDİB
Tanınmış folklorşünas alim, AMEA Folklor İnstitutu Aşıq yaradıcılığı şöbəsinin müdiri, filologiya üzrə fəlsəfə doktoru, dosent, Azərbaycan Aşıqlar Birliyi idarə heyətinin üzvü, Əməkdar mədəniyyət işçisi Elxan Məmmədli 21 mart 2025-ci il tarixində, ömrünün 79-cu ilində vəfat edib.
NOVRUZ TƏBRİKİ
Azərbaycan Respublikasının mədəniyyət naziri Adil Kərimli Azərbaycan Aşıqlar birliyinin sədri, Əməkdar elm xadimi, professor Məhərrəm Qasımlıya Novruz Bayramı münasibəti ilə təbrik məktubu ünvanlayıb. Təbrikdə deyilir:
“Hörmətli Məhərrəm müəllim, Sizi milli ənənə və birlik rəmzi olan Novruz bayramı münasibəti ilə səmimi-qəlbdən təbrik edir, rifah, cansağlığı və fəaliyyətinizdə uğurlar arzulayıram.
Hörmətlə, Adil Kərimli
Azərbaycan Respublikasının mədəniyyət naziri.”
ALMANİYADAKI TÜRK İŞ ADAMI AAB-nin QONAĞI OLUB
1990-cı ildən Almaniyada yaşayıb fəaliyyət göstərən türkiyəli iş adamı Hasan Babur 2025-ci il martın 18-də Azərbaycan Aşıqlar Birliyinin qonağı olub. AAB-nin sədri, Əməkdar elm xadimi, professor Məhərrəm Qasımlı qonağı salamlayaraq ona rəhbərlik etdiyi qurumun fəaliyyəti barədə ətraflı məlumat verib, Novruz bayramı ərəfəsində baş tutan bu görüşün əhəmiyyətini vurğulayıb. Qarşılıqlı fikir mübadiləsi şəraitində keçən görüşün sonunda hörmətli qonağa Tovuz Xeyriyyə Cəmiyyətinin təsis etdiyi “Mikayıl Azaflı – 100 yubiley nişanı” təqdim olunub. Sonda qonaqla xatirə şəkilləri çəkdirilib.