AZƏR XANLAROĞLU DÜNYASINI DƏYİŞDİ

Azərbaycan aşıq sənətinə ağır itki üz verib – gənc və istedadlı solo-saz ifaçısı Azər Xanlar oğlu uzun sürən ağır xəstəlikdən sonra 2018-ci il may ayının 12-də vəfat edib.
Azər Xanlaroğlu Məhərrəmov 1983-cü il aprel ayının 27-də Tovuz şəhərində Azərbaycan aşıq sənətinin görkəmli nümayəndəsi, ustad aşıq Xanlar Məhərrəmovun ailəsində dünyaya gəlib. Gözünü açandan evdə saz görən, sazın laylası ilə böyüyən Azər hələ kiçik yaşlarından saza-sözə böyük maraq göstərib, tez zamanda istedadı ilə yaşıdlarından seçilib, bənzərsiz ifası ilə bir daha sübut edib ki, ustad oğlu şəyird olmaz. Qısa müddətdə istedadlı solo-saz ifaçısı kimi Azərbaycanda məşhurlaşıb, sorağı ölkəmizin hüdudlarını aşıb.

“AZƏRBAYCAN AŞIQ SƏNƏTİ” KİTABI İNGİLİS DİLİNDƏ

Ölkəmizdə Azərbaycan Xalq Cumhuriyyətinin 100 illiyinə həsr olunmuş təıdbirlər davam edir. Azərbaycan Dövlət Mədəniyyət və İncəsənət Universitetində “Türksoylu xalqların mədəniyyətinin tədqiqi problemləri” adlı XVII Beynəlxalq elmi-praktik konfrans da bu möhtəşəm yubileyə həsr olunub. 2018-ci il aprel ayının 13-də həmin konfrans çərçivəsində amerikalı tədqiqatçı Anna Oldfildin tərcüməsində Əminə Eldarovanın yenicə işıq üzü görmüş “Azərbaycan aşıq sənəti” kitabının təqdimatı keçirilib.

Muhammet Savaş Kafkasyalı Azərbaycan Aşıqlar Birliyinin qonağı oldu - FOTO

Türkiyədə fəaliyyət göstərən Strateji Düşüncə İnstitutunun başkanı dösent-doktor Muhammet Savaş Kafkasyalı aprel ayının 13-də Azərbaycan Aşıqlar Birliyinin qonağı olub.

Birliyin sədri, Əməkdar Elm Xadimi, professor Məhərrəm Qasımlı ilə görüşən M.S.Kafkasyalı rəhbərlik etdiyi qurumun fəaliyyət prinsipləri və indiyədək gördükləri işlər barədə məlumat verib, Azərbaycan Aşıqlar Birliyinin fəaliyyəti ilə daha yaxından tanış olub.

AŞIQ ŞƏHADƏT GÜLMƏMMƏDOV DÜNYASINI DƏYİŞİB

Azərbaycan aşıq sənətinə ağır itki üz verib. XX əsrin ortalarından günmüzədək bütün ömrünü aşıq sənətinin inkişafına və təbliğinə həsr etmiş Aşıq Şəhadət 2018-ci il martın 25-də vəfat edib.

Şəhadət Nəsib oğlu Gülməmmədov 1929-cu ildə Ağstafa rayonunun Dağkəsəmən kəndində anadan olub. Atası yaxşı saz çaldığından uşaqlıqdan onda da saza meyil yaranıb. Bu sənətin sirləinə dərindən yiyələnmək üçün 1943-cü ildə aşıq Ədhəmin yanında şəyirdliyə başlayıb. Yeddi il onun yanında sənətin sirlərinə yiyələndikdən sonra 1950-ci ildən müstəqil olaraq aşıqlığa başlayıb.

NOVRUZ BAYRAMINIZ MÜBARƏK!

Hörmətli  həmvətənlər, əziz soydaşlar! Sizi əsrlərdən bəri yurdumuzun hər bir guşəsində ümumxalq bayramı kimi böyük təntənə ilə qeyd olunan, müxtəlif el şənlikləri və mərasimlərlə qarşılanan Novruz bayramı münasibəti ilə Azərbaycan Aşıqlar Birliyi və şəxsən öz adımdan təbrik edirəm. Bu bayramın milli adət ənənələrimizdə özünəməxsus yeri var. Xalqımızın milli-mənəvi dəyərlərində xüsusi yeri ilə seçilən Novruz bayramı digər mənəvi sərvətlərimiz kimi, tarixin müəyyən məqamlarında  qadağalarla üzləşib, 70 illik sovet rejimi, imperiyanın repressiya qorxusu da onu yaddaşlardan silə bilməyib.

AŞIQ ŞƏMŞİRİN 125 İLLİK YUBİLEYİ QEYD OLUNDU

Martın 15-də Mədəniyyət və Turizm Nazirliyi və Azərbaycan Aşıqlar Birliyinin birgə təşkilatçılığı ilə M.Maqomayev adına Azərbaycan Dövlət Filarmoniyasında XX əsr Azərbaycan aşıq poeziyasının görkəmli nümayəndələrindən biri, ustad aşıq, Əməkdar İncəsənət Xadimi Aşıq Şəmşirin 125 illik yubileyinə həsr edilmiş “Saz-söz bayramı” adlı tədbir keçirilib.

“Ulduz Sönməz: Mən belə yaşadım” kitabının təqdimatı olub

Martın 6-da M.F.Axundzadə adına Azərbaycan Milli Kitabxanasında ustad aşıq, pedaqoq, Əməkdar Mədəniyyət İşçisi, Prezident təqaüdçüsü Ulduz Sönməzə həsr olunmuş “Ulduz Sönməz: mən belə yaşadım...” kitabının təqdimat mərasimi keçirilib.

AŞIQ ƏDƏBİYYATI ANTOLOGİYASI” ÜÇCİLDLİYİ İCTİMAİYYƏTƏ TƏQDİM OLUNUB

Fevralın 23-də “Xalq Bank”ın əsas binasında yerləşən bədii qalereyada ölkənin görkəmli elm və sənət xadimlərinin iştirakı ilə “Xalq əmanəti” layihəsi çərçivəsində hazırlanmış növbəti fundamental nəşrin –  üçcildlik “Aşıq ədəbiyyatı antologiyası”nın təqdimat mərasimi keçirilib.

5 -dən səhifə 12