Abşeron-Xızı Regional Mədəniyyət idarəsi, Sumqayıt şəhərindəki Bülbül adına 2 saylı Uşaq İncəsənət Məktəbinin saz ixtisası üzrə müəllimi Nurlan Məmmədlinin bədii rəhbəri olduğu “Cəngi” sazçı folklor qrupu son illərdə beynəlxalq və respublika miqyaslı bir sıra festivallarda uğurla çıxış edir.
Qrupun son uğurlu çıxışı Öszbəkistanda olub. 2026-cı il mart ayının üçüncü ongünlüyündə bu ölkənin Xarəzm vilayətindəki Xivə şəhərində keçirilən “Khiva art fest-2026” beynəlxalq müsabiqədə iştirak edən “Cəngi” sazçı folklor qrupu Qran-pri mükafatı ilə, həmin məktəbdə saz ixtisası üzrə təhsil alan 1-ci sinif şagirdi Nuray Əliyeva və 3-cü sinif şagirdi Səməndər Qurbanzadə isə 1-ci dərəcəli diplomla təltif olunub.
