Ustad aşıq Sədaqət Rəsulov ömrünün 78-ci ilində vəfat etmişdir. Gədəbəy rayonunun Gərgər kəndində doğulan aşıq Sədaqət 14 yaşından aşıq sənətini öyrənməyə başlamış, 20 yaşında İsfəndiyar Rüstəmovun yanında şagird olmuş, sənətin sirlərini ondan öyrənmişdir. Aşıq İsfəndiyarla birlikdə on il məclislər keçirmişdir. Mahir saz-söz ifaçısı kimi tanınmışdır.
Gədəbəy aşıqlar ansamblının ən fəal üzvlərindən biri olmuşdur. (1975-1992). Ayrı-ayrı rayonlarda və respublika səviyyəli tədbirlərdə iştirak etmişdir. Birinci dərəcəli diplom və qızıl medala layiq görülmüşdür. Aşıq Ələsgərin anadan olmasının 150 illik yubileyində (1972) yüksək səviyyəli ifaçılığa görə ali mükafat almışdır. Yüksək ifaçılığa malik sənətkar kimi IV və V Aşıqlar qurultaylarının nümayəndəsi olmuşdur.
Allah rəhmət eləsin!
Azərbaycan Aşıqlar Birliyi