1990-cı ildən Almaniyada yaşayıb fəaliyyət göstərən türkiyəli iş adamı Hasan Babur 2025-ci il martın 18-də Azərbaycan Aşıqlar Birliyinin qonağı olub. AAB-nin sədri, Əməkdar elm xadimi, professor Məhərrəm Qasımlı qonağı salamlayaraq ona rəhbərlik etdiyi qurumun fəaliyyəti barədə ətraflı məlumat verib, Novruz bayramı ərəfəsində baş tutan bu görüşün əhəmiyyətini vurğulayıb. Qarşılıqlı fikir mübadiləsi şəraitində keçən görüşün sonunda hörmətli qonağa Tovuz Xeyriyyə Cəmiyyətinin təsis etdiyi “Mikayıl Azaflı – 100 yubiley nişanı” təqdim olunub. Sonda qonaqla xatirə şəkilləri çəkdirilib.
Xatırladaq ki, Hasan Babur Azərbaycanla sıx əlaqə saxlayan türk iş adamlarındandır. Azərbaycana ilk dəfə 1992-ci ildə gəlib və Berlində fəaliyyət göstərən İmam Cəfər Sadiq camisinin göndərdiyi 50000 (əlli min) alman markasını Qarabağa yardım məqsədilə Azərbaycan Daxili işlər nazirliyinə təqdim edib.
Hasan Babur Almaniyada vətəndaş cəmiyyəti təşkilatlarının tədbirlərində yaxından iştirak edir.
