“Bu verilişlərdə təxminən 30-a yaxın aşıq çıxış etdi. Onların ifasında Koroğlu havaları, qəhrəmlığa, Azərbaycan dövlətinin müəqəddəsliyinə yönəlmiş havalar yer aldı”
Bunu Moderator.az-a açıqlamasında Azərbaycan Aşıqlar Birliyinin sədri, professor Məhərrəm Qasımlı deyib. Professor qələbəmizə həsr olunan aşıq havalarının gələcəkdə audio-diskdə də insanlara təqdim ediləcəyini bildirib:
“Biz müharibə günlərindən başlayaraq bu həftə sonuncu həftə olacaq ki, yeddi veriliş Azərbaycan Aşıqlar Birliyi saz-söz axşamında hər biri bir saat olmaqla veriliş hazırlayıb. Bu verilişlərdə təxminən 30-a yaxın aşıq çıxış etdi. Onların ifasında Koroğlu havaları, qəhrəmlığa, Azərbaycan dövlətinin müəqəddəsliyinə yönəlmiş havalar yer aldı. Aşıqlarımız Vətənpərvərliyi, ordumuzun şücaətini, ordumuzun hünərini tərənnüm etdilər. Sonuncu verilişimiz artıq çəkilib və sabah axşam Mədəniyyət kanalında yayımlanacaq və bu da qələbəmizə həsr olunub. Bizim ən böyük işlərimizdən biri də bu oldu. Bir çox havalar elə orda yarandı. Məsələn, Gülarə Azaflının, Salmaz Kosayevanın, Qələndər Zeynalovun, Ağamurad Şiravnlının yaratdığı qələbəylə bağlı havalar yazıldı. İşğaldan azad olunan Qubadlı, Zəngilan, Şuşa və digər rayonlarımız haqda mahnılar yarandı. Məsələn, “Gəlirəm, Şuşam, gəlirəm!”, “Yolum gedir Zəngilana”, “Qəhrəman igidlər var Qubadlıda” və sair bu səpkidə aşıq havaları yarandı və oxundu. Düşünürəm ki, bu mahnılar illər boyu davam edəcək və biz yaxın gələcəkdə onların audio-disklərini hazırlayıb yayacağıq”.
Vasif Əlihüseyn