Tanınmış folklorşünas alim, AMEA Folklor İnstitutu Aşıq yaradıcılığı şöbəsinin müdiri, filologiya üzrə fəlsəfə doktoru, dosent, Azərbaycan Aşıqlar Birliyi idarə heyətinin üzvü, Əməkdar mədəniyyət işçisi Elxan Məmmədli 21 mart 2025-ci il tarixində, ömrünün 79-cu ilində vəfat edib.

Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin (MEMİM) təşkilatçılığı, Qərbi Azərbaycan İcması və Beynəlxalq Muğam Mərkəzinin dəstəyi ilə 2025-ci il fevralın 19-da “Milli-mənəvi dəyərlərimiz Qərbi Azərbaycan qaynaqlarında” mövzusunda elmi-praktiki seminar keçirilib.

Hər il olduğu kimi, bu il də Azərbaycan Aşıqlar Birliyində Gənclər günü münasibəti ilə bir sıra tədbirlər nəzərdə tutulur. Bunlardan biri də AAB-nin sədri, Əməkdar elm xadimi, professor Məhərrəm Qasımlının aparıcılığı ilə hər həftə  “Mədəniyyət” kanalında efirə gedən “Saz-söz məclisi” verilişinin bir buraxılışının bütövlükdə gənclərə həsr olunmasıdır. Gənclər günü ərəfəsində yayımlanacaq həmin verilişdə “Qarabağ”, “Cəngi”, “Şirvan” və “Səda” sazçı folklor qrupları ilə yanaşı gənc aşıqlardan Vüqar Sadıqov, Zamin Sərdaroğlu, Məhəmməd Quliyev, Xəyal İbrahimov və Əli Əsgərlinin ifasında müxtəlif aşıq havaları təqdim olunacaq.

Azərbaycan Respublikasının mədəniyyət naziri Adil Kərimli Azərbaycan Aşıqlar birliyinin sədri, Əməkdar elm xadimi, professor Məhərrəm Qasımlıya Novruz Bayramı münasibəti ilə təbrik məktubu ünvanlayıb. Təbrikdə deyilir:  
“Hörmətli Məhərrəm müəllim, Sizi milli ənənə və birlik rəmzi olan Novruz bayramı münasibəti ilə səmimi-qəlbdən təbrik edir, rifah, cansağlığı və fəaliyyətinizdə uğurlar arzulayıram.

Hörmətlə, Adil Kərimli
Azərbaycan Respublikasının mədəniyyət naziri.”

Azərbaycan aşıq sənətinə böyük itki üz verib. Borçalı aşıq mühitinin görkəmli nümayəndəsi, təkcə Borçalıda deyil, onun hüdudlarından kənarda da bir sənətkar kimi sevilən ustad aşıq Ziyəddin Keşəli uzun sürən xəstəlikdən sonra 2025-ci il yanvarın 17-də vəfat edib.

Bu il dövrümüzün böyük söz ustadı, Xalq şairi Zəlimxan Yaqubun anadan olmasının 75 ili tamam olur. Yaradıcılıqda özünəməxsus dəst-xətti olan, ölməz əsərləri ilə milyonların qəlbində özünə heykəl quran şairin yubileyi ölkəmizdə geniş şəkildə qeyd olunacaqdır.

1990-cı ildən Almaniyada yaşayıb fəaliyyət göstərən türkiyəli iş adamı Hasan Babur 2025-ci il martın 18-də Azərbaycan Aşıqlar Birliyinin qonağı olub. AAB-nin sədri, Əməkdar elm xadimi, professor Məhərrəm Qasımlı qonağı salamlayaraq ona rəhbərlik etdiyi qurumun fəaliyyəti barədə ətraflı məlumat verib, Novruz bayramı ərəfəsində baş tutan bu görüşün əhəmiyyətini vurğulayıb. Qarşılıqlı fikir mübadiləsi şəraitində keçən görüşün sonunda hörmətli qonağa Tovuz Xeyriyyə Cəmiyyətinin təsis etdiyi “Mikayıl Azaflı – 100 yubiley nişanı” təqdim olunub. Sonda qonaqla xatirə şəkilləri çəkdirilib.

[bt_youtube url="https://youtu.be/T0J9aQ925_E" width="600" height="400" responsive="yes" autoplay="no"][/bt_youtube]

Hüseyn Arif son dərəcə təbii şair idi. Həyatdakı təbiiliyi, şəxsiyyətindəki saflığı poeziyasına da keçmişdi. Onun sənət müəllimləri el ədəbiyyatı - dastanlar, qoşmalar, təcnislər, bayatılar, Qurbani, Ələsgər, Dilqəm və dövrünün canlı klassikləri idi. O, bu ustadlardan çox şey görüb-götürdü, lakin kimsəni təqlid eləmədi, ədəbiyyatda özünəməxsus Hüseyn Arif cığırı açdı, bu cığırı yola çevirdi. Hüseyn Arif neçə əsrlik Azərbaycan xalq poeziyasının klassik qolu ilə müasir qolu arasında canlı bir körpü yaratdı. Klassikaya məxsus poetik incəliklər, müdrik düşüncə tərzi, aşıq-ozan mədəniyyəti, xalq ruhu onun şeirlərində də davam və inkişafda idi. O da ustadları kimi qoşmanın, gəraylının safını, özəlini yaradırdı, şəklini çəkmirdi. O, elin, obanın təəssübkeşi idi və bu təəssübkeşlik o dərəcəyə çatırdı ki, Hüseyn Arifin şeirlərində mənsub olduğu xalq bütün mənəvi dünyası ilə baş qəhrəmana çevrilirdi.

Azərbaycan Aşıqlar Birliyinin sədri Əməkdar elm xadimi, professor Məhərrəm Qasımlının təşəbbüsü ilə 2025-ci il mart ayının 15-də Sumqayıt şəhərində AAB-nin Sumqayıt Regional Bölməsinin yeni ofisinin açılışı olub. Tədbirdə Azərbaycan Aşıqlar Birliyinin sədr müavini, dosent Altay Məmmədli və şöbə müdiri Şahniyar Əliyev iştirak ediblər.

2025-ci il yanvarın 15-də R.Behbudov adına Dövlət Mahnı Teatrında Azərbaycan Aşıqlar Birliyinin təşkilatçılığı ilə XX əsr Azərbaycan aşıq sənətinin görkəmli nümayəndəsi, Əməkdar mədəniyyət işçisi Mikayıl Azaflının anadan olmasının 100 illik yubileyi qeyd olunub. Tədbiri giriş sözü ilə açan AAB-nin sədri, Əməkdar elm xadimi, professor Məhərrəm Qasımlı ustad sənətkarın həyat və yaradıcılıq yolundan söhbət açıb. Qeyd olunub ki, 1924-cü ildə Tovuz rayonunda anadan olan Mikayıl Azaflı ustad aşıq olmaqla yanaşı, həm də bir şair kimi tanınıb, bir sıra yeni aşıq havaları yaradıb.

Azərbaycan Milli QHT Forumu İctimai şuraların formalaşdırılmasında pozuntulara və üzvlükdən sui-istifadə hallarına dair bəyanat yayıb.

AZƏRTAC xəbər verir ki, bəyanatda deyilir: “Azərbaycan Milli QHT Forumu bir sıra dövlət qurumları, xüsusilə yerli icra hakimiyyəti orqanları yanında İctimai şuraların formalaşdırılmasında kobud pozuntu hallarını müşahidə edir. Bəzi hallarda yerlərdə bir sıra qurumlar seçkili təsisat olan İctimai şuralara təyinat əsasında tərkib formalaşdırır, hətta buna dair daxili sərəncamlar imzalayır”. Azərbaycan Milli QHT Forumu bu cür halların Azərbaycan Respublikasının “İctimai iştirakçılıq haqqında” Qanununa zidd olduğunu bəyan edir.