Ziyəddin Məhəmməd oğlu Əliyev 1950-ci il sentyabrın 20-də Gürcüstanın Marneuli rayonunun Keşəli kəndində anadan olub. Məşhur ustad sənətkar Xındı Məmməddən sənət dərsi alaraq ustad aşığı kimi tanınıb.
1983-cü ildən Marneuli şəhər mədəniyyət evində fəaliyyət göstərib, bir çox incəsənət festivallarında iştirak edib və laureat adına layiq görülüb. 2001-ci ildə Gürcüstanın ali mükafatı olan “Şərəf” ordeni ilə təltif olunub.
Ziyəddin Keşəli 2025-ci ilin yanvarın 18-də doğulduğu Keşəli kəndində torpağa tapşırılıb.
Ustad aşıq Ziyəddin Keşəlinin əziz xatirəsi doğmalarının, əzizlərinin və sənət dostlarının qəlbində daim yaşayacaq.
Allah rəhmət eləsin!
AZƏRBAYCAN AŞIQLAR BİRLİYİ
