Hər il olduğu kimi, bu il də Azərbaycan Aşıqlar Birliyində Gənclər günü münasibəti ilə bir sıra tədbirlər nəzərdə tutulur. Bunlardan biri də AAB-nin sədri, Əməkdar elm xadimi, professor Məhərrəm Qasımlının aparıcılığı ilə hər həftə “Mədəniyyət” kanalında efirə gedən “Saz-söz məclisi” verilişinin bir buraxılışının bütövlükdə gənclərə həsr olunmasıdır. Gənclər günü ərəfəsində yayımlanacaq həmin verilişdə “Qarabağ”, “Cəngi”, “Şirvan” və “Səda” sazçı folklor qrupları ilə yanaşı gənc aşıqlardan Vüqar Sadıqov, Zamin Sərdaroğlu, Məhəmməd Quliyev, Xəyal İbrahimov və Əli Əsgərlinin ifasında müxtəlif aşıq havaları təqdim olunacaq.
GƏNCLƏR GÜNÜNƏ HƏSR OLUNMUŞ VERİLİŞ HAZIRLANIR
