Azərbaycan aşıq sənətinə ağır itki üz verib. Ustad balabançı, el arasında hamının daha çox balabançı Qəzənfər kimi tanıdığı Şahniyar Hümbət oğlu Quliyev 2017-ci il iyulun 2-də Bakı şəhərində ömrünün 73-cü ilində dünyasını dəyişib...
Şahniyar Quliyev 1944-cü il dekabrın 25-də Gədəbəy rayonunun Çayrəsullu kəndində anadan olub. Hələ gənc yaşlarından ustad aşıqlarla el şənliklərində, dövlət tədbirlərində çıxış edib. Əməkdar mədəniyyət İşçisi, Prezident təqaüdçüsü, ustad aşıq İsfəndiyar Rüstəmovla ölkəmizdə və keçmiş ittifaqın müxtəlif guşələrində mədəniyyətimizi ləyaqətlə təmsil edib.
Sənətə xidmətlərinə görə bir çox mükafatlara layiq görülən Ş.Quliyev bu yaxınlarda “Fəxri mədəniyyət işçisi” adına da layiq görülmüşdü.
Ustad balabançının əziz xatirəsi yaxınlarının, doğmalarının və sənət dostlarının xatirəsində yaşayacaqdır.
Allah rəhmət eləsin!
AZƏRBAYCAN AŞIQLAR BİRLİYİ