2017-ci il iyulun 5-də saat 15:00-da M.F.Axundov adına Milli Kitabxanada Azərbaycan Aşıqlar Birliyinin yeni nəşri olan “Günümüzün ustad aşıqları” seriyasından işıq üzü görmüş kitabların təqdimatı olacaq. Xatırladaq ki, ötən ilin sonlarından başlyaraq “Günümüzün ustad aşıqları” seriyasından hazırda yaşayıb-yaradan doqquz ustad aşıq haqqında kitab buraxılıb.
Əməkdar İncəsənət Xadimi və Əməkdar Mədəniyyət İşçisi kimi fəxri adlara layiq görülmüş (onlardan dörd nəfəri həm də Prezident təqaüdçüsüdür) Ədalət Nəsibov, İsfəndiyar Rüstəmov, Mahmud Məmmədov, Ulduz Sönməz, Yanvar Bədəlov, Xanmusa Musayev, Haşım Qubalı, Fətulla Göyçəli və Əli Quliyevə həsr olunmuş kitablarda bu ustad aşıqların keçdikləri ömür və sənət yolundan bəhs olunur, onlar haqqında tanınmış elm və sənət adamlarının ürək sözləri və özlərinin poetik yaradıcılıqlarından seçmələr verilir.
Arzu edənlər tədbirdə iştirak edə bilərlər.